, ಮಾರುಕಟ್ಟೆಯಲ್ಲಿ 12 ಲಕ್ಷ ಹೊಸ ನೋಟು: ಅರುಣ್‌ ಜೇಟ್ಲಿ | ಪ್ರಜಾವಾಣಿ
ಲೋಕಸಭೆಗೆ ಮಾಹಿತಿ

ಮಾರುಕಟ್ಟೆಯಲ್ಲಿ 12 ಲಕ್ಷ ಹೊಸ ನೋಟು: ಅರುಣ್‌ ಜೇಟ್ಲಿ

ಚಲಾವಣೆಯಿಂದ ಹಿಂಪಡೆದ ₹500 ಮತ್ತು ₹1,000 ಮುಖಬೆಲೆಯ ನೋಟುಗಳ ನಿಖರ ಸಂಖ್ಯೆಯನ್ನು ಆರ್‌ಬಿಐ ಪರಿಶೀಲನಾ ಕಾರ್ಯ ಪೂರ್ಣಗೊಳಿಸಿದ ಬಳಿಕ ಸದನಕ್ಕೆ ಪೂರ್ಣ ಮಾಹಿತಿ...

ಮಾರುಕಟ್ಟೆಯಲ್ಲಿ 12 ಲಕ್ಷ ಹೊಸ ನೋಟು: ಅರುಣ್‌ ಜೇಟ್ಲಿ

ನವದೆಹಲಿ: ನೋಟು ಅಮಾನ್ಯೀಕರಣದ ಬಳಿಕ ಭಾರತೀಯ ರಿಸರ್ವ್ ಬ್ಯಾಂಕ್‌(ಆರ್‌ಬಿಐ) 12 ಲಕ್ಷ ಹೊಸ ನೋಟುಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ ಎಂದು ಕೇಂದ್ರ ಹಣಕಾಸು ಸಚಿವ ಅರುಣ್‌ ಜೇಟ್ಲಿ ಹೇಳಿದರು.  

ಈ ಸಂಬಂಧ ಶುಕ್ರವಾರ ಲೋಕಸಭೆಗೆ ಪ್ರಶ್ನೋತ್ತರ ವೇಳೆಯಲ್ಲಿ ಮಾಹಿತಿ ನೀಡಿದ ಅರುಣ್‌ ಜೇಟ್ಲಿ ಅವರು, ಆರ್‌ಬಿಐನ ಫೆ.24ರ ವರೆಗಿನ ಮಾಹಿತಿ ಅನ್ವಯ ಒಟ್ಟು 11,64,100 ಹೊಸ ನೋಟುಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿದೆ ಎಂದರು.

ನಂತರದ 15 ದಿನಗಳಲ್ಲಿ ಪ್ರಸ್ತುತ ಇಲ್ಲಿಯ ವರಗೆ ಆರ್‌ಬಿಐ ಬಿಡುಗಡೆ ಮಾಡಿರುವ ಹೊಸ ನೋಟುಗಳ ಸಂಖ್ಯೆ 12 ಲಕ್ಷಕ್ಕೆ ತಲುಪಿರಬಹುದು ಎಂದು ವಿವರಿಸಿದರು.

ಚಲಾವಣೆಯಿಂದ ಹಿಂಪಡೆದ ₹500 ಮತ್ತು ₹1,000 ಮುಖಬೆಲೆಯ ನೋಟುಗಳ ನಿಖರ ಸಂಖ್ಯೆಯನ್ನು ತಕ್ಷಣಕ್ಕೆ ನೀಡುವುದು ಕಷ್ಟ. ಹಿಂಪಡೆದ ಪ್ರತಿ ನೋಟನ್ನೂ ಪರಿಶೀಲಿಸಬೇಕು. ಅಸಲಿ ಮತ್ತು ನಕಲಿ ನೋಟುಗಳನ್ನು ಪತ್ತೆ ಮಾಡಬೇಕು. ಇದು ಒಂದು ದೊಡ್ಡ ಸವಾಲಿನ ಕೆಲಸ. ಈ ಎಲ್ಲಾ ಕೆಲಸವನ್ನು ಆರ್‌ಬಿಐ ಪೂರ್ಣಗೊಳಿಸಿದ ಬಳಿಕ ಸದನಕ್ಕೆ ಪೂರ್ಣ ಮಾಹಿತಿಯನ್ನು ನೀಡಲಾಗುವುದು ಎಂದು ಜೇಟ್ಲಿ ಅವರು ಹೇಳಿದರು.

ನೇರ ಮತ್ತು ಪರೋಕ್ಷ ವಸ್ತುಗಳು, ಕಾರ್ಮಿಕರ ವೆಚ್ಚದಿಂದಾಗಿ ನೋಟುಗಳ ವೆಚ್ಚವೂ ಪ್ರತಿ ವರ್ಷ ಬದಲಾಗುತ್ತದೆ. ಹಳೆಯದಾಗುತ್ತಿರುವ ಯಂತ್ರಗಳ ಸಾಮರ್ಥ್ಯ, ನೌಕರರ ಕೌಶಲ ಮಟ್ಟ ವ್ಯತ್ಯಾಸದ ಕಾರಣಗಳನ್ನು ಇದು ಆಧರಿಸಿದೆ ಎಂದು ಅವರು ತಿಳಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ನವದೆಹಲಿ
ವಿಧಾನ ಪರಿಷತ್‌ ಚುನಾವಣೆ: ಕಾಂಗ್ರೆಸ್‌ ಅಭ್ಯರ್ಥಿಗಳ ಘೋಷಣೆ

ವಿಧಾನಪರಿಷತ್‌ನ ಎರಡು ಸ್ಥಾನಗಳಿಗೆ ನಡೆಯಲಿರುವ ಚುನಾವಣೆಗೆ ಕಾಂಗ್ರೆಸ್‌ನ ಅಭ್ಯರ್ಥಿಗಳನ್ನು ಮಂಗಳವಾರ ಘೋಷಿಸಲಾಗಿದೆ.

23 Aug, 2017

ಆತ್ಮಹತ್ಯಾ ಬಾಂಬ್ ದಾಳಿ
ಸಿರಿಯಾ: ಐಎಸ್‌ ಉಗ್ರ ಭಟ್ಕಳದ ಶಫಿ ಅರ್ಮಾರ್‌ ಸಾವು

ಸಿರಿಯಾದ ರಖ್ಖಾ ನಗರದಲ್ಲಿ ನಡೆದ ಆತ್ಮಹತ್ಯಾ ಬಾಂಬ್ ದಾಳಿಯಲ್ಲಿ ಇಸ್ಲಾಮಿಕ್‌ ಸ್ಟೇಟ್‌ (ಐಎಸ್‌) ಉಗ್ರ ಭಟ್ಕಳ ಮೂಲದ ಮೊಹಮ್ಮದ್‌ ಶಫಿ ಅರ್ಮಾರ್‌ (30) ಸಾವನ್ನಪ್ಪಿದ್ದಾನೆ. ...

23 Aug, 2017
ದೂರಶಿಕ್ಷಣ ಪರೀಕ್ಷೆಗೆ ಆಧಾರ್‌ ಕಡ್ಡಾಯ

ನವದೆಹಲಿ
ದೂರಶಿಕ್ಷಣ ಪರೀಕ್ಷೆಗೆ ಆಧಾರ್‌ ಕಡ್ಡಾಯ

23 Aug, 2017

ನವದೆಹಲಿ
ಶಹಾಬುದ್ದೀನ್‌ ವಿರುದ್ಧ ಆರೋಪಪಟ್ಟಿ

ಪತ್ರಕರ್ತ ರಾಜದೇವ್‌ ರಂಜನ್‌ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರ್‌ಜೆಡಿ ನಾಯಕ ಶಹಾಬುದ್ದೀನ್‌ ಅವರ ವಿರುದ್ಧ ಸಿಬಿಐ ಆರೋಪಪಟ್ಟಿ ದಾಖಲಿಸಿದೆ.

23 Aug, 2017
ಭಿನ್ನ ನಿಲುವು: ಒಮ್ಮತದ ತೀರ್ಪು

ತ್ರಿವಳಿ ತಲಾಖ್‌
ಭಿನ್ನ ನಿಲುವು: ಒಮ್ಮತದ ತೀರ್ಪು

23 Aug, 2017