ಶನಿವಾರ, 11–3–1967

ಶ್ರೀ ಮುರಾರಜಿ ಅವರಿಗೆ  ಉಪ ಪ್ರಧಾನಮಂತ್ರಿಯ ಸ್ಥಾನ ಕಲ್ಪಿಸಿಕೊಡಲು ಇಂದಿರಾ ಒಪ್ಪಿರುವುದಾಗಿಯೂ ಅದಕ್ಕೆ ಮುರಾರಜಿಯವರ ತತ್‌ಕ್ಷಣದ ಪ್ರತಿಕ್ರಿಯೆ ಬಿಗುವಾಗಿದ್ದರೂ, ಅಂತಿಮವಾಗಿ ಅವರು ಒಪ್ಪಬಹುದೆಂದೂ ನಿರೀಕ್ಷಿಸಲಾಗಿದೆ.

**

ಶಾನ್ಯ ಮುಂಬೈ ಕ್ಷೇತ್ರದಿಂದ ಪುನಃ ಮೆನನ್ ಸ್ಪರ್ಧೆ
ನವದೆಹಲಿ, ಮಾ. 10– ಈಶಾನ್ಯ ಮುಂಬೈ ಕ್ಷೇತ್ರದಿಂದ ಲೋಕಸಭೆಗೆ ಶ್ರೀ ವಿ.ಕೆ. ಕೃಷ್ಣ ಮೆನನ್ ಪುನಃ ಸ್ಪರ್ಧಿಸುವರೆಂದು ತಿಳಿದು ಬಂದಿದೆ. ಈ ಕ್ಷೇತ್ರದಿಂದ ಆಯ್ಕೆಯಾಗಿರುವ  ಎಸ್.ಜಿ. ಬರ್ವೆ ಅವರು ನಿಧನರಾದುದರಿಂದ ಉಪಚುನಾವಣೆ ನಡೆಯಲಿದೆ. ಚುನಾವಣೆಯ ತಾರೀಕನ್ನು ಚುನಾವಣಾ ಆಯೋಗ ಸದ್ಯದಲ್ಲೇ ಪ್ರಕಟಿಸಲಿದೆ.

**

ಗೋವಿಂದ ಮೆನನ್ ಲೋಕಸಭಾಧ್ಯಕ್ಷ?
ನವದೆಹಲಿ, ಮಾ. 10– ಹೊಸ ಲೋಕಸಭೆಯ ಸ್ಪೀಕರ್ ಸ್ಥಾನಕ್ಕೆ ಕೇಂದ್ರ ಸರ್ಕಾರದ ಆಹಾರ ಶಾಖೆ ಸ್ಟೇಟ್ ಸಚಿವರಾದ ಶ್ರೀ ಪಿ. ಗೋವಿಂದ ಮೆನನ್ ಅವರ ಹೆಸರು ಕೇಳಿಬರುತ್ತಿದೆ.

ಈ ಸಲಹೆ ಬಗ್ಗೆ ಇಂದು ಪ್ರಧಾನ ಮಂತ್ರಿ ಶ್ರೀಮತಿ ಇಂದಿರಾ ಗಾಂಧಿ ಅವರನ್ನು ಭೇಟಿ ಮಾಡಿದ ಶ್ರೀ ಮೆನನ್ ಅವರು ತಮ್ಮ ವಿವರಣೆ ನೀಡಿದರೆಂದೂ ವರದಿಯಾಗಿದೆ.

**

ಕಾಂಗ್ರೆಸ್ ಎಂ.ಪಿ. ಗಳಿಗೆ ಮುರಾರಜಿ ಪತ್ರದ ರವಾನೆ ಮುಂದಕ್ಕೆ
ನವದೆಹಲಿ, ಮಾ. 11– ಪಾರ್ಲಿಮೆಂಟಿನ ಕಾಂಗ್ರೆಸ್ ಸದಸ್ಯರಿಗೆ ತಾವು ಬರೆದಿರುವ ಪತ್ರವೊಂದರ ರವಾನೆಯನ್ನು ಶ್ರೀ ಮುರಾರಜಿ ದೇಸಾಯಿಯವರು ಇಂದು ತಡೆಹಿಡಿದರು.

ಅಂತಿಮವಾಗಿ ರಾತ್ರಿ 11 ಗಂಟೆಗೆ ಈ ಪತ್ರವನ್ನು ಪ್ರಕಟಿಸಲು ನಿರ್ಧರಿಸಿದ್ದ ಅವರು, ಸ್ಪರ್ಧೆಯನ್ನು ತಪ್ಪಿಸಲು ತಾವು ಇನ್ನೂ ಯತ್ನಿಸುತ್ತಿರುವ ಕಾರಣ ಈ ಪತ್ರವನ್ನು ಸದ್ಯದಲ್ಲಿ ಪ್ರಕಟಿಸಬಾರದೆಂದು ಶ್ರೀ ಕಾಮರಾಜರು ತಮಗೆ ತಿಳಿಸಿರುವುದಾಗಿ ರಾತ್ರಿ 11 ರಲ್ಲಿ ವರದಿ ಗಾರರಿಗೆ ತಿಳಿಸಿದರು.

ಈ ಪತ್ರವು ರಾಷ್ಟ್ರದ ಮುಂದೆ ಇರುವ ಸಮಸ್ಯೆಗಳನ್ನು ಪ್ರಸ್ತಾಪಿಸಿ, ತಮ್ಮ ಮನಸ್ಸಾಕ್ಷಿಯ ಅತ್ಯುತ್ತಮ ನಿರ್ದೇಶನದಂತೆ ನಾಯಕರನ್ನು ಆರಿಸಬೇಕೆಂದು ಪಕ್ಷದ ಸದಸ್ಯರಿಗೆ ಮನವಿ ಮಾಡಿಕೊಳ್ಳುವುದೆಂದು ತಿಳಿದುಬಂದಿದೆ.