ಫೈನಲ್‌ಗೆ ಲೀ ಚಾಂಗ್‌ ವೀ

ಪುರುಷರ ಸಿಂಗಲ್ಸ್ ವಿಭಾಗದ ಸೆಮಿಫೈನಲ್‌ನಲ್ಲಿ ಚಾಂಗ್ 10–21, 21–14, 21–9ರಲ್ಲಿ ಚೀನಾ ತೈಪೆಯ ಚು ತಿಯೆನ್‌ ಚೆನ್‌ ಅವರನ್ನು ಮಣಿಸಿದರು.
ಮೂರು ಬಾರಿ ಇಲ್ಲಿ ಪ್ರಶಸ್ತಿ ಗೆದ್ದುಕೊಂಡಿರುವ ಚಾಂಗ್‌ 27 ವರ್ಷದ ತೈಪೆಯ ಆಟಗಾರನಿಗೆ ಪ್ರಬಲ ಪೈಪೋಟಿ ಒಡ್ಡಿದರು. ಮೊದಲ ಗೇಮ್‌ನಲ್ಲಿ ಚಾಂಗ್ ತಮ್ಮ ಅನಗತ್ಯ ತಪ್ಪುಗಳಿಂದ ಸೋಲು ಕಂಡಿದ್ದರು. ಆದರೆ ಉಳಿದ ಎರಡು ಗೇಮ್‌ಗಳಲ್ಲಿ ತಮ್ಮ ನೈಜ ಆಟ ಆಡಿದರು.

ಮೊದಲ ಗೇಮ್‌ನ ಆರಂಭದಲ್ಲಿ ಚಾಂಗ್‌ ವೇಗವಾಗಿ ಪಾಯಿಂಟ್ಸ್‌ ಕಲೆ ಹಾಕಿ ಗೆಲುವಿನ ಭರವಸೆ ಮೂಡಿಸಿದ್ದ ರಾದರೂ ಎದುರಾಳಿ ಆಟಗಾರನ ನಿಖರ ಸ್ಮಾಷ್‌ಗಳಿಗೆ ಕರಾರುವಾಕ್ಕಾದ ಉತ್ತರ ನೀಡಲು ಸಾಧ್ಯವಾಗಲಿಲ್ಲ. ಆದ ಕಾರಣ ಆರಂಭಿಕ ಗೇಮ್‌ನಲ್ಲಿ ಮುನ್ನಡ ಲಭಿಸಲಿಲ್ಲ.

ಲಿನ್ ಡಾನ್‌ ಹಾಗೂ ಶಿ ಯೂಕಿ ವಿರುದ್ಧದ ಇನ್ನೊಂದು ಸೆಮಿಫೈನಲ್‌ ಪಂದ್ಯದಲ್ಲಿ ಜಯಗಳಿಸಿದ ಆಟಗಾರನ ಎದುರು ಲೀ ಚಾಂಗ್ ಫೈನಲ್‌ನಲ್ಲಿ ಪ್ರಶಸ್ತಿಗಾಗಿ ಸೆಣೆಸಲಿದ್ದಾರೆ.