ಕಯಾನ್ ಟವರ್‌ ತುದಿಯಲ್ಲಿ ವಿಕಿ!

 

23ರ ಹರೆಯದ ರೂಪದರ್ಶಿ ವಿಕಿ ಒಡಿಂಟ್ಕೊವಾ ರಷ್ಯಾ ಮೂಲದ ರೂಪದರ್ಶಿ. ಕಣ್ಸೆಳೆವ ಮೈಮಾಟ, ಗ್ಲಾಮರ್ ಲುಕ್‌ನಿಂದ ಹೆಸರುವಾಸಿಯಾದಾಕೆ. ಇದೀಗ ಈ  ಫೋಟೊಶೂಟ್‌ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್‌ ಆಗಿದೆ. ಫೋಟೊಗಳನ್ನು ಅವರೇ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು 8 ಲಕ್ಷಕ್ಕೂ ಅಧಿಕ ಜನ ವೀಕ್ಷಿಸಿದ್ದಾರೆ.
 

ಒಡಿಂಟ್ಕೊವಾಗೆ ಸಾಮಾಜಿಕ ಮಾಧ್ಯಮದಲ್ಲಿ ಮೂರು ಲಕ್ಷಕ್ಕೂ ಅಧಿಕ ಮಂದಿ ಫಾಲೋವರ್ಸ್‌ ಇದ್ದಾರೆ. ‘ನನಗೆ ಇದನ್ನು ನಂಬಲು ಸಾಧ್ಯವಾಗುತ್ತಿಲ್ಲ. ಈ ವಿಡಿಯೊ ವೀಕ್ಷಿಸಿದಾಗೆಲ್ಲ ನನ್ನ ಮೈ ಬೆವರುತ್ತದೆ’ ಎಂದು ತಮ್ಮ ವಿಡಿಯೊ ನೋಡಿ ತಾವೇ ಪ್ರತಿಕ್ರಿಯಿಸಿದ್ದಾರೆ.

ನೆಲದಿಂದ ಬರೋಬ್ಬರಿ 1004 ಅಡಿ ಎತ್ತರವಿರುವ ದುಬೈನ ಕಯಾನ್ ಟವರ್‌ ಮೇಲೆ ಜೀವ ರಕ್ಷಕಗಳ ನೆರವಿಲ್ಲದೆ  ಫೋಟೊಶೂಟ್‌ ಮಾಡಿಸಿಕೊಂಡಿರುವ  ಬಗ್ಗೆ ಸಾರ್ವಜನಿಕರಿಂದ ಟೀಕೆಯೂ ವ್ಯಕ್ತವಾಗಿದೆ. ಹಾಗೇ ಈ ವಿಡಿಯೊ ಚಿತ್ರೀಕರಿಸಿರುವ ಬಗ್ಗೆ ಅಚ್ಚರಿಯೂ ವ್ಯಕ್ತವಾಗಿದೆ.