ಕಟ್ಟಿಗೆ ಹೊಡೆತ

ಬಣ್ಣದಾಟಕ್ಕೆ ನೀರು ಬಳಸಿದ್ದಕ್ಕೆ ಕಾರ್ಮಿಕನ ಕೊಲೆ

ಸುಬ್ರಹ್ಮಣ್ಯಪುರ ಬಳಿ ಭಾನುವಾರ ಪಶ್ಚಿಮ ಬಂಗಾಳದ ಕಾರ್ಮಿಕ ಬಿಶ್ವಜಿತ್‌ ದತ್ತಾ (27) ಎಂಬುವರನ್ನು ಕೊಲೆ ಮಾಡಲಾಗಿದ್ದು, ಈ ಸಂಬಂಧ 9 ಮಂದಿ ಸಹೋದ್ಯೋಗಿಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. 

ಬೆಂಗಳೂರು: ಸುಬ್ರಹ್ಮಣ್ಯಪುರ ಬಳಿ ಭಾನುವಾರ ಪಶ್ಚಿಮ ಬಂಗಾಳದ ಕಾರ್ಮಿಕ ಬಿಶ್ವಜಿತ್‌ ದತ್ತಾ (27) ಎಂಬುವರನ್ನು ಕೊಲೆ ಮಾಡಲಾಗಿದ್ದು, ಈ ಸಂಬಂಧ 9 ಮಂದಿ ಸಹೋದ್ಯೋಗಿಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. 

ನಿರ್ಮಾಣ ಹಂತದ ಕಟ್ಟಡದಲ್ಲಿ ಕೆಲಸ ಮಾಡುತ್ತಿದ್ದ ಬಿಶ್ವಜಿತ್‌, ಅದೇ ಕಟ್ಟಡ  ಬಳಿಯ ಶೆಡ್‌ನಲ್ಲಿ  ಬಿಹಾರ, ಅಸ್ಸಾಂ ರಾಜ್ಯದ ಸಹೋದ್ಯೋಗಿಗಳೊಂದಿಗೆ ನೆಲೆಸಿದ್ದರು.

‘ಹೋಳಿ ಹಬ್ಬದ ಪ್ರಯುಕ್ತ ಭಾನುವಾರ ಬೆಳಿಗ್ಗೆ ಬಿಶ್ವಜಿತ್‌ ಒಬ್ಬನೇ ಬಣ್ಣದಾಟ ಆಡಲು ಶುರುಮಾಡಿದ್ದರು. ಬಣ್ಣ ಮಿಶ್ರಣಕ್ಕಾಗಿ ಕಟ್ಟಡ ಬಳಿಯ ತೊಟ್ಟಿಯಿಂದ ನೀರು ತೆಗೆದುಕೊಳ್ಳಲು ಹೋಗಿದ್ದರು. ಅದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದ ಸಹೋದ್ಯೋಗಿಯೊಬ್ಬ ನೀರು ತೆಗೆದುಕೊಳ್ಳದಂತೆ ಎಚ್ಚರಿಕೆ ನೀಡಿದ್ದ. ಅದೇ ಕಾರಣಕ್ಕೆ ಅವರಿಬ್ಬರ ಮಧ್ಯೆ ಜಗಳ ಶುರುವಾಗಿತ್ತು’

‘ಬಳಿಕ ಸಹೋದ್ಯೋಗಿಯು ತನ್ನ ಸ್ನೇಹಿತರೊಂದಿಗೆ ಸೇರಿಕೊಂಡು ಬಿಶ್ವಜಿತ್‌ನ ತಲೆಗೆ ಕಟ್ಟಿಗೆಯಿಂದ ಹೊಡೆದಿದ್ದ. ತೀವ್ರ ಪೆಟ್ಟು ಬಿದ್ದು ರಕ್ತಸ್ರಾವವಾಗಿ ಅವರು ಅಸುನೀಗಿದರು’ ಎಂದು ಸುಬ್ರಹ್ಮಣ್ಯಪುರ ಠಾಣೆಯ ಪೊಲೀಸರು ತಿಳಿಸಿದರು. 

‘ಕಟ್ಟಡದಲ್ಲಿ 20ಕ್ಕೂ ಹೆಚ್ಚು ಕಾರ್ಮಿಕರು ಕೆಲಸ ಮಾಡುತ್ತಿದ್ದಾರೆ. ಅವರಲ್ಲಿ 9 ಮಂದಿ ಕಾರ್ಮಿಕರು ಈ ಕೃತ್ಯ ಎಸಗಿರುವ ಅನುಮಾನವಿದೆ.  ಅವರೆಲ್ಲರನ್ನೂ ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದೇವೆ’ ಎಂದು ವಿವರಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ಬೆಂಗಳೂರು
ವಾಟ್ಸ್‌ಆ್ಯಪ್‌ ಸಂದೇಶ ಕಳುಹಿಸಿ ಯುವಕ ಆತ್ಮಹತ್ಯೆ

ಪರಿಚಯಸ್ಥ ಯುವತಿಗೆ ವಾಟ್ಸ್‌ಆ್ಯಪ್‌ನಲ್ಲಿ ಸಂದೇಶ ಕಳುಹಿಸಿ ಕೆವಿನ್ ಫೆಡರಿಕ್ (21) ಎಂಬುವರು ಗುರುವಾರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

25 May, 2018
ಯುಟಿಎಸ್‌ ಆ್ಯಪ್‌ ಬಳಸಿದರೆ ಶೇ 5ರಷ್ಟು ಬೋನಸ್‌

ಬೆಂಗಳೂರು
ಯುಟಿಎಸ್‌ ಆ್ಯಪ್‌ ಬಳಸಿದರೆ ಶೇ 5ರಷ್ಟು ಬೋನಸ್‌

25 May, 2018
ವಿಧಾನಸೌಧಕ್ಕೆ ನಡೆದುಕೊಂಡೇ ಹೋದ ಬ್ಯಾನರ್ಜಿ, ಕೇಜ್ರಿವಾಲ್

ಬೆಂಗಳೂರು
ವಿಧಾನಸೌಧಕ್ಕೆ ನಡೆದುಕೊಂಡೇ ಹೋದ ಬ್ಯಾನರ್ಜಿ, ಕೇಜ್ರಿವಾಲ್

25 May, 2018
‘ಹೊಸ ಜವಳಿ ನೀತಿ ಶೀಘ್ರ’

ಬೆಂಗಳೂರು
‘ಹೊಸ ಜವಳಿ ನೀತಿ ಶೀಘ್ರ’

25 May, 2018
ಮೈತ್ರಿ ಸರ್ಕಾರದ ಸಂಧಾನ ಸಭೆ ವಿಫಲ

ಬೆಂಗಳೂರು
ಮೈತ್ರಿ ಸರ್ಕಾರದ ಸಂಧಾನ ಸಭೆ ವಿಫಲ

25 May, 2018