ಬೆಂಗಳೂರು

ಸಚಿವರ ವಿರುದ್ಧದ ಆರೋಪಕ್ಕೆ ಖಂಡನೆ

ಕೃಷಿ ಸಚಿವ ಕೃಷ್ಣ ಬೈರೇಗೌಡರ ವಿರುದ್ಧ ಬಿಜೆಪಿಯ ನಗರ ಜಿಲ್ಲಾ ಘಟಕದ ವಕ್ತಾರ ಎನ್‌.ಆರ್‌. ರಮೇಶ್‌ ಅವರು ಮಾಡಿರುವ ಆರೋಪವನ್ನು ಖಂಡಿಸಿ ಬ್ಯಾಟರಾಯನಪುರ ಕ್ಷೇತ್ರದ ಕಾಂಗ್ರೆಸ್‌ ಕಾರ್ಯಕರ್ತರು ಕೋಡಗಲಹಟ್ಟಿ ಗ್ರಾಮದಲ್ಲಿ ಭಾನುವಾರ ಪ್ರತಿಭಟಿಸಿದರು.

ಬೆಂಗಳೂರು: ಕೃಷಿ ಸಚಿವ ಕೃಷ್ಣ ಬೈರೇಗೌಡರ ವಿರುದ್ಧ ಬಿಜೆಪಿಯ ನಗರ ಜಿಲ್ಲಾ ಘಟಕದ ವಕ್ತಾರ ಎನ್‌.ಆರ್‌. ರಮೇಶ್‌ ಅವರು ಮಾಡಿರುವ ಆರೋಪವನ್ನು ಖಂಡಿಸಿ ಬ್ಯಾಟರಾಯನಪುರ ಕ್ಷೇತ್ರದ ಕಾಂಗ್ರೆಸ್‌ ಕಾರ್ಯಕರ್ತರು ಕೋಡಗಲಹಟ್ಟಿ ಗ್ರಾಮದಲ್ಲಿ ಭಾನುವಾರ ಪ್ರತಿಭಟಿಸಿದರು. 

ಜಿಲ್ಲಾ ಪಂಚಾಯ್ತಿ ಮಾಜಿ ಅಧ್ಯಕ್ಷ ಕೆ.ಅಶೋಕನ್‌, ‘1999ರಲ್ಲಿ ಹುಣಸಮಾರನಹಳ್ಳಿ ಗ್ರಾಮಪಂಚಾಯ್ತಿ ವ್ಯಾಪ್ತಿಯ ಕೋಡಗಲ ಹಟ್ಟಿ ಗ್ರಾಮದ ಸರ್ವೆ ನಂ.103ರಲ್ಲಿ ಚಂದ್ರಣ್ಣ ಅವರು ದೇವನಹಳ್ಳಿ ಶಾಸಕರಾಗಿದ್ದ ಅವಧಿಯಲ್ಲಿ 23.35 ಎಕರೆ ಸರ್ಕಾರಿ ಬಂಡೆ ಜಾಗದಲ್ಲಿ ಎರಡು ಎಕರೆ ಜಾಗವನ್ನು ಬಡವರಿಗೆ ಆಶ್ರಯ ನಿವೇಶನಕ್ಕಾಗಿ ಮಂಜೂರು ಮಾಡಿದ್ದರು’

‘ಉಳಿದ 10 ಎಕರೆ ಜಾಗವನ್ನು ಬಿಬಿಎಂಪಿ ಆಶ್ರಯ ಯೋಜನೆಯಡಿಯಲ್ಲಿ ನಿವೇಶನ ಹಂಚಲು ಹಾಗೂ ಎರಡು ಎಕರೆ ಜಾಗವನ್ನು ಹುಣಸಮಾರನಹಳ್ಳಿ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಕಸವಿಲೇವಾರಿಗಾಗಿ ಮಂಜೂರು ಮಾಡಬೇಕೆಂದು ಜಿಲ್ಲಾಧಿಕಾರಿಗಳಿಗೆ ಮನವಿ ಮಾಡಿದ್ದರು.

ಉಳಿದ ಜಾಗವು ಬಂಡೆಪ್ರದೇಶದಿಂದ ಕೂಡಿದ್ದು, ಅಲ್ಲಲ್ಲಿ ಇದ್ದಂತಹ ಅಲ್ಪಸ್ವಲ್ಪ ಜಾಗದಲ್ಲಿ ಸುಮಾರು 15 ವರ್ಷಗಳಿಂದ ಬೋವಿ ಜನಾಂಗ ಹಾಗೂ ಇತರೆ ವರ್ಗದ ಬಡವರು ಮನೆಗಳನ್ನು ಕಟ್ಟಿಕೊಂಡು ವಾಸವಿದ್ದು, 94ಸಿಸಿ ಅಡಿಯಲ್ಲಿ ಅರ್ಜಿ ಸಲ್ಲಿಸಿದ್ದಾರೆ’ ಎಂದು ತಿಳಿಸಿದರು.

‘ಈ ವಿಚಾರದಲ್ಲಿ ತಾಲ್ಲೂಕು, ಜಿಲ್ಲಾಪಂಚಾಯ್ತಿ ಸದಸ್ಯರಾಗಲಿ ಅಥವಾ ಶಾಸಕರಾಗಲಿ ಯಾವುದೇ ಹಸ್ತಕ್ಷೇಪ ಮಾಡಿಲ್ಲ. ಎನ್‌.ಆರ್‌.ರಮೇಶ್‌ ಅವರು ಸ್ಥಳಕ್ಕೆ ಬಂದು ಪರಿಶೀಲಿಸದೆ ಯಾರೋ ಹೇಳಿದ ಮಾತನ್ನು ಕೇಳಿಕೊಂಡು ಸಚಿವರ ಹಿಂಬಾಲಕರು ₹ 250 ಕೋಟಿ ಮೌಲ್ಯದ ಜಮೀನನ್ನು ಒತ್ತುವರಿ ಮಾಡಲು ಮುಂದಾಗಿದ್ದಾರೆ ಎಂದು ಸುಳ್ಳು ಆರೋಪ ಮಾಡಿದ್ದಾರೆ’ ಎಂದು ದೂರಿದರು. ಫಲಾನುಭವಿಗಳು ತಮ್ಮ ನಿವೇಶನಗಳ ಅಸಲಿ ಹಕ್ಕುಪತ್ರಗಳನ್ನು ಮಾಧ್ಯಮದವರಿಗೆ ತೋರಿಸಿ, ಎನ್‌.ಆರ್‌.ರಮೇಶ್‌ ಅವರ ಆರೋಪ ಸುಳ್ಳು ಎಂದರು.

Comments
ಈ ವಿಭಾಗದಿಂದ ಇನ್ನಷ್ಟು
ಒಂಬತ್ತು ದಿನಗಳ ಬಳಿಕ ನಿಂಗಮ್ಮ ಶವ ಪತ್ತೆ

ಬೆಂಗಳೂರು
ಒಂಬತ್ತು ದಿನಗಳ ಬಳಿಕ ನಿಂಗಮ್ಮ ಶವ ಪತ್ತೆ

23 Oct, 2017
ಹೊಸೂರು ರಸ್ತೆ ವಿಸ್ತರಣೆ: ಬಿಬಿಎಂಪಿ ವಶಕ್ಕೆ ಮಸೀದಿ ಜಾಗ

ಬಿಬಿಎಂಪಿ ಸ್ವಾಧೀನ
ಹೊಸೂರು ರಸ್ತೆ ವಿಸ್ತರಣೆ: ಬಿಬಿಎಂಪಿ ವಶಕ್ಕೆ ಮಸೀದಿ ಜಾಗ

23 Oct, 2017
ಮೀಸಲಾತಿ: ನ್ಯಾಯಾಂಗದಲ್ಲೇ ಅಜ್ಞಾನ

ಬೆಂಗಳೂರು
ಮೀಸಲಾತಿ: ನ್ಯಾಯಾಂಗದಲ್ಲೇ ಅಜ್ಞಾನ

23 Oct, 2017
‘ರಿಯಾಲಿಟಿ ಷೋಗಳಿಂದ ಶಾಸ್ತ್ರೀಯತೆಗೆ ಧಕ್ಕೆ’

48ನೇ ಸಂಗೀತ ಸಮ್ಮೇಳನದಲ್ಲಿ ವಿದ್ವಾಂಸರ ಅಭಿಮತ
‘ರಿಯಾಲಿಟಿ ಷೋಗಳಿಂದ ಶಾಸ್ತ್ರೀಯತೆಗೆ ಧಕ್ಕೆ’

23 Oct, 2017
ಒತ್ತುವರಿ ತೆರವಿನಲ್ಲಿ ತಾರತಮ್ಯ ಗ್ರಾಮಸ್ಥರ ಆರೋಪ

ಬೆಂಗಳೂರು
ಒತ್ತುವರಿ ತೆರವಿನಲ್ಲಿ ತಾರತಮ್ಯ ಗ್ರಾಮಸ್ಥರ ಆರೋಪ

23 Oct, 2017