ದಾಹ

ಕಾಡು ಪ್ರಾಣಿಗಳಿಗಾಗಿ ನೀರಿನ ತೊಟ್ಟಿ ನಿರ್ಮಾಣ

ವನ್ಯಜೀವಿಗಳ ಕುಡಿಯುವ ನೀರಿನ ಕೊರತೆಯನ್ನು ನೀಗಿಸಲು ಅರಣ್ಯ ಇಲಾಖೆಯು ಕಾಡಿನೊಳಗೆ ನೀರಿನ ತೊಟ್ಟಿ ನಿರ್ಮಿಸಲು ಮುಂದಾಗಿದೆ...

ಮುಂಡಗೋಡ ತಾಲ್ಲೂಕಿನ ಕಾತೂರ ಅರಣ್ಯ ವಲಯದ ಧರ್ಮಾಕಾಲೊನಿ ಪ್ರದೇಶದಲ್ಲಿ ನಿರ್ಮಿಸಿದ ತೊಟ್ಟಿಯಲ್ಲಿ ಟ್ಯಾಂಕರ್‌ ಮೂಲಕ ನೀರು ತುಂಬಿಸುತ್ತಿರುವುದು

ಶಿರಸಿ/ ಮುಂಡಗೋಡ (ಉತ್ತರಕನ್ನಡ): ವನ್ಯಜೀವಿಗಳ ಕುಡಿಯುವ ನೀರಿನ ಕೊರತೆಯನ್ನು ನೀಗಿಸಲು ಅರಣ್ಯ ಇಲಾಖೆಯು ಕಾಡಿನೊಳಗೆ ನೀರಿನ ತೊಟ್ಟಿ ನಿರ್ಮಿಸಲು ಮುಂದಾಗಿದೆ.

ದಾಹದಿಂದ ಕಂಗೆಟ್ಟು ಕಾಡಿನಿಂದ ನಾಡಿನತ್ತ ಬರುತ್ತಿರುವ ವನ್ಯಜೀವಿಗಳು ನಾಯಿ ದಾಳಿ ಹಾಗೂ ವಾಹನಗಳು ಡಿಕ್ಕಿಯಾಗಿ ಸಾವಿಗೀಡಾಗುತ್ತಿವೆ. ವನ್ಯಜೀವಿಗಳು ನಾಡಿಗೆ ಬರುವುದನ್ನು ತಪ್ಪಿಸಲು ಕಾಡಿನಲ್ಲಿಯೇ ತೊಟ್ಟಿ ನಿರ್ಮಿಸಿ, ಟ್ಯಾಂಕರ್‌ ಮೂಲಕ ನೀರು ಪೂರೈಸಲಾಗುತ್ತಿದೆ. ತೊಟ್ಟಿಯಿಂದ ನೀರು ವ್ಯರ್ಥವಾಗದಂತೆ ಪ್ಲಾಸ್ಟಿಕ್ ಶೀಟ್ ಬಳಸಲಾಗಿದೆ.

ಬನವಾಸಿ ವಲಯದ ಬೈಲೂರದಲ್ಲಿ ಈ ಪ್ರಯೋಗ ಈಗಾಗಲೇ ಅನುಷ್ಠಾನಗೊಂಡಿದೆ. ಬದನಗೋಡ ಹಾಗೂ ದಾಸನಕೊಪ್ಪ ಭಾಗದ ಅರಣ್ಯದಲ್ಲಿ ತಯಾರಿ ನಡೆದಿದೆ ಎಂದು ಶಿರಸಿಯ ಉಪ ಸಂರಕ್ಷಣಾ ಅಧಿಕಾರಿ ಕೆ.ಬಿ.ಮಂಜುನಾಥ ತಿಳಿಸಿದರು.

ಮುಂಡಗೋಡ ಅರಣ್ಯ ವಲಯದ ಸನವಳ್ಳಿ, ಇಂದೂರ, ಚವಡಳ್ಳಿ, ಕಾತೂರ ಅರಣ್ಯ ವಲಯದ ಭದ್ರಾಪುರ, ಮಳಗಿ ಧರ್ಮಾಕಾಲೊನಿ, ಹರಗನಹಳ್ಳಿ ಸೇರಿದಂತೆ ಹಲವು ಕಡೆ ತೊಟ್ಟಿಗಳನ್ನಿಟ್ಟು, ನೀರು ತುಂಬಿಸಲಾಗುತ್ತಿದೆ. ಕಳೆದ ವರ್ಷದ ಮೇ ನಲ್ಲಿ ಕಾತೂರ ಅರಣ್ಯ ವಲಯದಲ್ಲಿ ಈ ರೀತಿ ಪ್ರಯೋಗ ಮಾಡಿ ಯಶಸ್ವಿಯಾಗಿದ್ದರು. ಆದರೆ ಈ ಸಲ, ತಾಲ್ಲೂಕಿನಲ್ಲಿ ಬರದ ತೀವ್ರತೆ ಹೆಚ್ಚು ಇರುವುದರಿಂದ ಅರಣ್ಯ ಇಲಾಖೆ ಈ ಕಾರ್ಯಕ್ಕೆ ಮುಂದಾಗಿದೆ. ಕೆಲ ರೈತರೂ ಈ ಪ್ರಯತ್ನಕ್ಕೆ ಕೈಜೋಡಿಸಿದ್ದಾರೆ ಎಂದು ಕಾತೂರಿನ ವಲಯ ಅರಣ್ಯಾಧಿಕಾರಿ ಶ್ರೀಧರ ತೆಗ್ಗಿನಮನಿ ತಿಳಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
ಅಪ್ಪ- ಮಕ್ಕಳ ಆಟ ಅತಿರೇಕವಾಗಿದೆ: ಬಿ.ಎಸ್‌. ಯಡಿಯೂರಪ್ಪ ವಾಗ್ದಾಳಿ

ವಿಶ್ವಾಸಮತ ಯಾಚನೆ
ಅಪ್ಪ- ಮಕ್ಕಳ ಆಟ ಅತಿರೇಕವಾಗಿದೆ: ಬಿ.ಎಸ್‌. ಯಡಿಯೂರಪ್ಪ ವಾಗ್ದಾಳಿ

25 May, 2018
ಬಿಎಸ್‌ವೈ ಬಂದ್‌ಗೆ ಕರೆ ನೀಡಿ ಬ್ಲಾಕ್‌ಮೆಲ್ ಮಾಡುತ್ತಿದ್ದಾರೆ: ಡಿ.ಕೆ.ಶಿವಕುಮಾರ್‌

ರೈತರಿಗೆ ಮನವಿ
ಬಿಎಸ್‌ವೈ ಬಂದ್‌ಗೆ ಕರೆ ನೀಡಿ ಬ್ಲಾಕ್‌ಮೆಲ್ ಮಾಡುತ್ತಿದ್ದಾರೆ: ಡಿ.ಕೆ.ಶಿವಕುಮಾರ್‌

25 May, 2018
ಕಲಬುರ್ಗಿಯಲ್ಲಿ ರೈಲಿಗೆ ಸಿಲುಕಿ 75ರ ವೃದ್ಧೆ ಸಾವು

ಕಲಬುರ್ಗಿ
ಕಲಬುರ್ಗಿಯಲ್ಲಿ ರೈಲಿಗೆ ಸಿಲುಕಿ 75ರ ವೃದ್ಧೆ ಸಾವು

25 May, 2018
ಪಕ್ಷದ ಹಣಕಾಸಿನ ಸ್ಥಿತಿ ಸುಧಾರಿಸಲು ಆನ್‌ಲೈನ್‌ ದೇಣಿಗೆಗೆ ಮೊರೆಹೋದ ಕಾಂಗ್ರೆಸ್

ನವದೆಹಲಿ
ಪಕ್ಷದ ಹಣಕಾಸಿನ ಸ್ಥಿತಿ ಸುಧಾರಿಸಲು ಆನ್‌ಲೈನ್‌ ದೇಣಿಗೆಗೆ ಮೊರೆಹೋದ ಕಾಂಗ್ರೆಸ್

25 May, 2018
ಕಾಂಗ್ರೆಸ್ ನಾಯಕರ ವಿಶ್ವಾಸ ಪಡೆದು ರೈತರ ಸಾಲ ಮನ್ನಾ ಮಾಡುವೆ: ಕುಮಾರಸ್ವಾಮಿ

ವಿಶ್ವಾಸ ಮತಯಾಚನೆ ಭಾಷಣ
ಕಾಂಗ್ರೆಸ್ ನಾಯಕರ ವಿಶ್ವಾಸ ಪಡೆದು ರೈತರ ಸಾಲ ಮನ್ನಾ ಮಾಡುವೆ: ಕುಮಾರಸ್ವಾಮಿ

25 May, 2018