ಪಠ್ಯ ಸಮಸ್ಯೆ ಬಗೆಹರಿಸುವ ಆ್ಯಪ್

ಇದು ಪರೀಕ್ಷೆಯ ಕಾಲ. ಸಹಜವಾಗಿಯೇ ವಿದ್ಯಾರ್ಥಿಗಳು ದಿನದಲ್ಲಿ ಹತ್ತು ಗಂಟೆಗಳಿಗೂ ಹೆಚ್ಚು ಕಾಲ ಓದಿನಲ್ಲಿ ತಲ್ಲೀನರಾಗಿರುತ್ತಾರೆ. ಈ ವೇಳೆ ಅವರಿಗೆ ಪಠ್ಯಕ್ಕೆ ಸಂಬಂಧಿಸಿದಂತೆ ಸಮಸ್ಯೆ ಅಥವಾ ಅನುಮಾನ ಎದುರಾದರೆ ಉಪನ್ಯಾಸಕರನ್ನು ಸಂಪರ್ಕಿಸಿ ಬಗೆಹರಿಸಿಕೊಳ್ಳುತ್ತಾರೆ. ಒಂದು ವೇಳೆ ಉಪನ್ಯಾಸಕರು ಸಂಪರ್ಕಕ್ಕೆ ಸಿಗದಿದ್ದ ಪಕ್ಷದಲ್ಲಿ ಏನು ಮಾಡುವುದು? ಎಂಬ ಆತಂಕ ವಿದ್ಯಾರ್ಥಿಗಳಿಗೆ ಇದ್ದೇ ಇರುತ್ತದೆ.

ಈ ಆತಂಕವನ್ನು ಹೋಗಲಾಡಿಸುವ ಸಲುವಾಗಿ ‘ಹ್ಯಾಶ್‌ಲರ್ನ್’ (Hashlearn ) ಕಂಪೆನಿಯು ಪಠ್ಯದ ಸಮಸ್ಯೆಗಳನ್ನು ತತ್‌ಕ್ಷಣದಲ್ಲೇ ಆ್ಯಪ್ ಮೂಲಕ ಬಗೆಹರಿಸುವ  ಆ್ಯಪ್ ಅನ್ನು ಅಭಿವೃದ್ಧಿಪಡಿಸಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.