ತಮ್ಮ ದೇಹಾಕಾರ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆಗೊಳಗಾಗಿದ್ದ ನಟಿ ಹುಮಾ ಖುರೇಷಿ ಟೀಕಿಸುವವರ ವಿರುದ್ಧ ಹರಿಹಾಯ್ದಿದ್ದಾರೆ. ‘ತಮ್ಮ ಕೆಲಸದಲ್ಲಿ ಮಗ್ನರಾಗಿರುವವರ ಮೇಲೆ ಟೀಕೆಗಳು ಪರಿಣಾಮ ಬೀರುವುದಿಲ್ಲ’ ಎಂದು ಹೇಳಿದ್ದಾರೆ.
ಪ್ರಖ್ಯಾತ ಉಡುಪು ಬ್ರ್ಯಾಂಡ್ಗಾಗಿ ಚಿತ್ರೀಕರಿಸಲಾಗಿರುವ ವಿಡಿಯೊದಲ್ಲಿ ಅವರು ಟೀಕಾಕಾರರಿಗೆ ಉತ್ತರ ನೀಡಿದ್ದಾರೆ.
‘ಟೀಕೆ ಮಾಡುವುದು ಕೆಲವರ ಹುಟ್ಟುಗುಣ. ಕಾಲೆಳೆಯುವುದೇ ಅವರ ಗುರಿ, ಕೆಟ್ಟದಾಗಿ ಮಾತನಾಡುವುದು, ಗಾಳಿಸುದ್ದಿ ಹಬ್ಬಿಸುವುದು ಮಾಡುತ್ತಲೇ ಇರುತ್ತಾರೆ. ಅವರನ್ನು ಅಲಕ್ಷ್ಯ ಮಾಡಿದರೆ ಸಾಕು, ಟೀಕಾಕಾರರು ಸೋಲುತ್ತಾರೆ’ ಎಂದಿದ್ದಾರೆ.
ಪ್ರಸ್ತುತ ‘ಜಾಲಿ ಎಲ್ಎಲ್ಬಿ2’ ಚಿತ್ರದ ಗೆಲುವಿನ ಅಲೆಯಲ್ಲಿ ತೇಲುತ್ತಿರುವ ನಟಿ ತಮ್ಮ ಮೊದಲ ಅಂತರರಾಷ್ಟ್ರೀಯ ಚಿತ್ರ ‘ವಿಕ್ಟೋರಿಯಾಸ್ ಹೌಸ್’ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ.