, ಕರಾಚಿಯಲ್ಲಿ ಪತ್ತೆಯಾದ ಮೌಲ್ವಿಗಳು ನಾಳೆ ಭಾರತಕ್ಕೆ ವಾಪಸ್ | ಪ್ರಜಾವಾಣಿ
ಸುಷ್ಮಾ ಟ್ವೀಟ್

ಕರಾಚಿಯಲ್ಲಿ ಪತ್ತೆಯಾದ ಮೌಲ್ವಿಗಳು ನಾಳೆ ಭಾರತಕ್ಕೆ ವಾಪಸ್

ಸೋದರಿಯನ್ನು ಭೇಟಿ ಮಾಡಲು ಹೋಗಿ ನಾಪತ್ತೆಯಾಗಿದ್ದ ಭಾರತದ ಇಬ್ಬರು ಮೌಲ್ವಿಗಳು  ಪತ್ತೆಯಾಗಿದ್ದು, ಅವರಿಬ್ಬರೂ ನಾಳೆ ದೆಹಲಿಗೆ ತಲುಪಲಿದ್ದಾರೆ ಎಂದು ಕೇಂದ್ರ ವಿದೇಶಾಂಗ ವ್ಯವಹಾರಗಳ ಸಚಿವೆ ಸುಷ್ಮಾ ಸ್ವರಾಜ್...

ಕರಾಚಿಯಲ್ಲಿ ಪತ್ತೆಯಾದ ಮೌಲ್ವಿಗಳು ನಾಳೆ ಭಾರತಕ್ಕೆ ವಾಪಸ್

ಕರಾಚಿ/ನವದೆಹಲಿ: ಸೋದರಿಯನ್ನು ಭೇಟಿ ಮಾಡಲು ಹೋಗಿ ನಾಪತ್ತೆಯಾಗಿದ್ದ ಭಾರತದ ಇಬ್ಬರು ಮೌಲ್ವಿಗಳು  ಪತ್ತೆಯಾಗಿದ್ದು, ಅವರಿಬ್ಬರೂ ನಾಳೆ ದೆಹಲಿಗೆ ತಲುಪಲಿದ್ದಾರೆ ಎಂದು ಕೇಂದ್ರ ವಿದೇಶಾಂಗ ವ್ಯವಹಾರಗಳ ಸಚಿವೆ ಸುಷ್ಮಾ ಸ್ವರಾಜ್  ಟ್ವೀಟ್ ಮಾಡಿದ್ದಾರೆ.

‘ಇಬ್ಬರು ಮೌಲ್ವಿಗಳನ್ನು ಪತ್ತೆ ಮಾಡಿ ಕರಾಚಿಗೆ ಕಳುಹಿಸಿರುವುದನ್ನು ಪಾಕಿಸ್ತಾನದ ವಿದೇಶಾಂಗ ಕಚೇರಿ ನಿನ್ನೆ ದೃಢಪಡಿಸಿತ್ತು.

ವಿದೇಶಾಂಗ ವ್ಯವಹಾರಗಳ ಸಚಿವೆ ಸುಷ್ಮಾ ಸ್ವರಾಜ್‌ ಅವರು ಪಾಕಿಸ್ತಾನ ಪ್ರಧಾನಿಯವರ ವಿದೇಶಾಂಗ ವ್ಯವಹಾರಗಳ ಸಲಹೆಗಾರ ಸರ್ತಾಜ್‌ ಅಜೀಜ್‌ ಅವರೊಂದಿಗೆ ಮಾತನಾಡಿದ ಬಳಿಕ ಈ ವಿಷಯ ದೃಢಪಟ್ಟಿದೆ.

ದೆಹಲಿಯ ಹಜ್ರತ್‌ ನಿಜಾಮುದ್ದಿನ್‌ ಅಲಿಯಾ ದರ್ಗಾದ ಮುಖ್ಯ ಮೌಲ್ವಿ ಸಯ್ಯದ್‌ ಆಸಿಫ್‌ ನಿಜಾಮಿ ಹಾಗೂ ಅವರ ಸೋದರ ಸಂಬಂಧಿ ನಜಿಂ ನಿಜಾಮಿ ಅವರು ‘ಸಿಂಧ್‌ ಪ್ರಾಂತ್ಯದಲ್ಲಿ ಮೊಬೈಲ್‌ ಸಂಪರ್ಕ ಸಹ ದೊರಕದ’  ಗ್ರಾಮವೊಂದರಲ್ಲಿ ಪತ್ತೆಯಾಗಿದ್ದಾರೆ. ಆದ್ದರಿಂದಲೆ ಅವರು ತಮ್ಮ ಸಂಬಂಧಿಗಳನ್ನು ಸಂಪರ್ಕಿಸಲು ಸಾಧ್ಯವಾಗಿಲ್ಲ ಎಂದು ಪಾಕ್‌ ಮಾಧ್ಯಮಗಳು ವರದಿ ಮಾಡಿವೆ.

ಇದಕ್ಕೂ ಮೊದಲು ಇಬ್ಬರೂ ಮೌಲ್ವಿಗಳ ಮೇಲೆ ಮುತ್ತಾಹಿದಾ ಖ್ವಾಮಿ ಚಳವಳಿ (ಎಂಕ್ಯುಎಂ) ಜತೆಗೆ ಸಂಪರ್ಕ ಹೊಂದಿರುವ ಆರೋಪ ಇದೆ ಎಂದು ಪಾಕ್‌ ಮೂಲಗಳು ಹೇಳಿದ್ದವು.

ಈ ಇಬ್ಬರನ್ನು  ಲಾಹೋರ್‌ನ ಅಲ್ಲಾಮಾ ಇಕ್ಬಾಲ್‌ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ  ಮಾರ್ಚ್‌ 14ರಂದು ವಶಕ್ಕೆ ಪಡೆಯಲಾಗಿತ್ತು.  ಕರಾಚಿಯಿಂದ ಹೊರಟಿದ್ದ ಇವರಿಬ್ಬರೂ ಶಹೀನ್‌ ಏರ್‌ಲೈನ್ಸ್‌ನಲ್ಲಿ ಪ್ರಯಾಣಿಸುತ್ತಿದ್ದರು ಎಂದು ಗುಪ್ತಚರ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ಪಾಕಿಸ್ತಾನದಲ್ಲಿ ಚರ್ಚ್‌ ಮೇಲೆ ಉಗ್ರರ ದಾಳಿ: 8 ಜನರ ಹತ್ಯೆ, 44 ಜನರಿಗೆ ಗಾಯ

ಆತ್ಮಾಹುತಿ ದಾಳಿ
ಪಾಕಿಸ್ತಾನದಲ್ಲಿ ಚರ್ಚ್‌ ಮೇಲೆ ಉಗ್ರರ ದಾಳಿ: 8 ಜನರ ಹತ್ಯೆ, 44 ಜನರಿಗೆ ಗಾಯ

17 Dec, 2017

ಅಮೆರಿಕದ ಅಧ್ಯಯನ ವರದಿ
ಗರ್ಭಿಣಿಯರಲ್ಲಿ ಮಧುಮೇಹ; ಮಗುವಿನ ಹೃದಯಕ್ಕೆ ಹಾನಿ

ಗರ್ಭ ಧರಿಸಿದ ಆರಂಭದ ಹಂತದಲ್ಲಿ ಕಂಡುಬರುವ ಮಧುಮೇಹದಿಂದಾಗಿ ಹುಟ್ಟುವ ಮಗುವಿನ ಹೃದಯಕ್ಕೆ ಹಾನಿಯಾಗುವ ಸಂಭವವಿರುತ್ತದೆ ಎಂದು ಅಮೆರಿಕದ ಸ್ಟ್ಯಾನ್‌ಫೋರ್ಡ್‌ ವಿಶ್ವವಿದ್ಯಾಲಯದ ಸ್ಕೂಲ್‌ ಆಫ್‌ ಮೆಡಿಸಿನ್‌...

17 Dec, 2017
ಎಚ್‌1ಬಿ ವೀಸಾ ನಿಯಮ ಬದಲು ಪತ್ನಿ–ಪತಿಯ ಉದ್ಯೋಗಕ್ಕೆ ಕತ್ತರಿ?

ಭಾರತೀಯರಿಗೆ ತೊಂದರೆಯಾಗುವ ಸಾಧ್ಯತೆ
ಎಚ್‌1ಬಿ ವೀಸಾ ನಿಯಮ ಬದಲು ಪತ್ನಿ–ಪತಿಯ ಉದ್ಯೋಗಕ್ಕೆ ಕತ್ತರಿ?

17 Dec, 2017
ಚಂಡಮಾರುತ: ಫಿಲಿಪ್ಪೀನ್ಸ್‌ನಲ್ಲಿ ಮೂವರು ನಾಪತ್ತೆ

ಸಮರ್‌ ದ್ವೀಪದಲ್ಲಿ ಹಾನಿ
ಚಂಡಮಾರುತ: ಫಿಲಿಪ್ಪೀನ್ಸ್‌ನಲ್ಲಿ ಮೂವರು ನಾಪತ್ತೆ

17 Dec, 2017
ಕೀಟಗಳ ಬುದ್ಧಿಶಕ್ತಿಯ ‘ರೋಬೊಬೀ’

ನ್ಯೂಯಾರ್ಕ್
ಕೀಟಗಳ ಬುದ್ಧಿಶಕ್ತಿಯ ‘ರೋಬೊಬೀ’

17 Dec, 2017