, ತಮಿಳುನಾಡಿನಲ್ಲಿ ಅಂಚೆ ಇಲಾಖೆಯ ಪರೀಕ್ಷೆ ಬರೆದು ಉತ್ತೀರ್ಣರಾದವರಲ್ಲಿ ಹೆಚ್ಚಿನವರು ಹಿಂದಿ ಭಾಷಿಗರು! | ಪ್ರಜಾವಾಣಿ
ಪೋಸ್ಟಲ್ ಸರ್ವೀಸ್ ಪರೀಕ್ಷೆ

ತಮಿಳುನಾಡಿನಲ್ಲಿ ಅಂಚೆ ಇಲಾಖೆಯ ಪರೀಕ್ಷೆ ಬರೆದು ಉತ್ತೀರ್ಣರಾದವರಲ್ಲಿ ಹೆಚ್ಚಿನವರು ಹಿಂದಿ ಭಾಷಿಗರು!

ಪರೀಕ್ಷೆಯ ಫಲಿತಾಂಶ ಪ್ರಕಟವಾದಾಗ ಅದರಲ್ಲಿ ಅತೀ ಹೆಚ್ಚು ಅಂಕ ಗಳಿಸಿದವರು ತಮಿಳುನಾಡಿನ ಉದ್ಯೋಗಾರ್ಥಿಗಳು ಆಗಿರಲಿಲ್ಲ. 100 ಅಂಕಗಳ ಪರೀಕ್ಷೆಯಲ್ಲಿ 70ಕ್ಕಿಂತಲೂ ಹೆಚ್ಚು ಅಂಕ ಗಳಿಸಿದವರು ಮಹಾರಾಷ್ಟ್ರ ಮತ್ತು ಹರಿಯಾಣದ ಉದ್ಯೋಗಾರ್ಥಿಗಳಾಗಿದ್ದರು!.

ತಮಿಳುನಾಡಿನಲ್ಲಿ ಅಂಚೆ ಇಲಾಖೆಯ ಪರೀಕ್ಷೆ ಬರೆದು ಉತ್ತೀರ್ಣರಾದವರಲ್ಲಿ ಹೆಚ್ಚಿನವರು ಹಿಂದಿ ಭಾಷಿಗರು!

ಚೆನ್ನೈ: ತಮಿಳುನಾಡಿನ ಪೋಸ್ಟಲ್ ಸರ್ವೀಸ್ ಪರೀಕ್ಷೆ ಬರೆಯುವ ಉದ್ಯೋಗಾರ್ಥಿಗಳಿಗೆ ತಮಿಳು ಭಾಷೆಯ ಅರಿವು ಇರಬೇಕಾದುದು ಕಡ್ಡಾಯ. ಈ ಪರೀಕ್ಷೆಯಲ್ಲಿ 25 ಅಂಕಗಳ ಪ್ರಶ್ನೆಗಳು ತಮಿಳು ಭಾಷಾ ಅರಿವಿನ ಬಗ್ಗೆಯೇ ಇರುತ್ತದೆ. ಆದಾಗ್ಯೂ, ಈ ಪರೀಕ್ಷೆ ಕಠಿಣವಾಗಿತ್ತು ಎಂದು ಪರೀಕ್ಷೆ ಬರೆದ ಕೆಲವು ಉದ್ಯೋಗಾರ್ಥಿಗಳ ಅಭಿಪ್ರಾಯ.

ಆದರೆ ಪರೀಕ್ಷೆಯ ಫಲಿತಾಂಶ ಪ್ರಕಟವಾದಾಗ ಅದರಲ್ಲಿ ಅತೀ ಹೆಚ್ಚು ಅಂಕ ಗಳಿಸಿದವರು ತಮಿಳುನಾಡಿನ ಉದ್ಯೋಗಾರ್ಥಿಗಳು ಆಗಿರಲಿಲ್ಲ. 100 ಅಂಕಗಳ ಪರೀಕ್ಷೆಯಲ್ಲಿ 70ಕ್ಕಿಂತಲೂ ಹೆಚ್ಚು ಅಂಕ ಗಳಿಸಿದವರು ಮಹಾರಾಷ್ಟ್ರ ಮತ್ತು ಹರಿಯಾಣದ ಉದ್ಯೋಗಾರ್ಥಿಗಳಾಗಿದ್ದರು!.

ತಮಿಳುನಾಡಿನ ಅಂಚೆ ಇಲಾಖೆ ವಿಭಾಗದಲ್ಲಿ ಖಾಲಿ ಇರುವ 300 ಹುದ್ದೆಗಳಿಗಾಗಿ ಕಳೆದ ನವೆಂಬರ್ ತಿಂಗಳಲ್ಲಿ  ಪರೀಕ್ಷೆ ನಡೆಸಲಾಗಿತ್ತು. ಆ ಪರೀಕ್ಷೆಯ ಫಲಿತಾಂಶ ಪ್ರಕಟವಾದಾಗ ತಮಿಳುನಾಡಿನಲ್ಲಿರುವ ಉದ್ಯೋಗಾರ್ಥಿಗಳಲ್ಲಿ ಹೆಚ್ಚಿನವರು ಅನುತ್ತೀರ್ಣರಾಗಿದ್ದರು.

ತಮಿಳುನಾಡು ಅಂಚೆ ಇಲಾಖೆಯ ಪೋರ್ಟಲ್‍ನಲ್ಲಿ ಕಳೆದ ಮಂಗಳವಾರ ಫಲಿತಾಂಶ ಪ್ರಕಟವಾಗಿತ್ತು. ಇದರಲ್ಲಿ ವಿದ್ಯಾರ್ಥಿಗಳು ಪಡೆದ ಅಂಕ, ವಿದ್ಯಾರ್ಥಿಗಳ ಹೆಸರು ಮತ್ತು ಮೊಬೈಲ್ ಸಂಖ್ಯೆ ನೀಡಲಾಗಿತ್ತು.

ತಮಿಳುನಾಡಿನ ಕೆಲವೊಂದು ವಿದ್ಯಾರ್ಥಿಗಳು ಈ ಉದ್ಯೋಗಾರ್ಥಿಗಳ ಅಂಕಪಟ್ಟಿಗಳನ್ನು ಗಮನಿಸಿ, ಮುಂದಿನ ಪರೀಕ್ಷೆಗಾಗಿ ಸಲಹೆ ಸೂಚನೆ ಪಡೆಯುವುದಕ್ಕಾಗಿ ಆ ವ್ಯಕ್ತಿಗಳಿಗೆ ಫೋನ್ ಮಾಡಿದಾಗ ಅವರು ತಮಿಳುನಾಡಿನವರು ಅಲ್ಲ ಎಂಬುದು ಗೊತ್ತಾಗಿದೆ.

ಈ ವಿಷಯದ ಬಗ್ಗೆ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ ಉದ್ಯೋಗಾರ್ಥಿಯೊಬ್ಬರು ತಮಿಳುನಾಡಿನವರು ಮಾತ್ರ ಈ ಪರೀಕ್ಷೆ ಬರೆಯಬಹುದು ಎಂಬ ನಿಯಮವೇನೂ ಇಲ್ಲ. ಆದರೆ ಈ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕಾದರೆ ಅವರಿಗೆ ತಮಿಳು ಭಾಷೆಯ ಬಗ್ಗೆ ಸಾಮಾನ್ಯ ಅರಿವು ಇರಲೇಬೇಕು. ಹೀಗಿರುವಾಗ ತಮಿಳು ಭಾಷೆ ಬಗ್ಗೆ ಏನೇನೂ ಗೊತ್ತಿಲ್ಲದ ಹರಿಯಾಣ ಮತ್ತು ಮಹಾರಾಷ್ಟ್ರದ ಉದ್ಯೋಗಾರ್ಥಿಗಳು ಹೇಗೆ ಇಷ್ಟೊಂದು ಅಂಕಗಳನ್ನು ಗಳಿಸಿದರು? ನಮಗೆ ಅನ್ಯಾಯವಾಗಿದೆ ಈ ಬಗ್ಗೆ ತನಿಖೆ ನಡೆಯಬೇಕು ಎಂದು ಒತ್ತಾಯಿಸಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ಶೌಚಾಲಯ ಇಲ್ಲದ್ದಕ್ಕೆ ವೇತನಕ್ಕೆ ತಡೆ

ಸರ್ಕಾರಕ್ಕೆ ವರದಿ
ಶೌಚಾಲಯ ಇಲ್ಲದ್ದಕ್ಕೆ ವೇತನಕ್ಕೆ ತಡೆ

22 Apr, 2018
ನಿಧನ: ರಾಜೇಂದ್ರ ಸಿಂಗ್‌ ಸಾಚಾರ್‌

ಮುಖ್ಯ ನ್ಯಾಯಮೂರ್ತಿ
ನಿಧನ: ರಾಜೇಂದ್ರ ಸಿಂಗ್‌ ಸಾಚಾರ್‌

22 Apr, 2018

ಅನಾರೋಗ್ಯ
ಆನೆ ಸಾವು

ಅನಾರೋಗ್ಯದಿಂದ ಬಳಲುತ್ತಿದ್ದ ಇಲ್ಲಿನ ಅರುಳ್ಮಿಗು ಸುಗವಣೇಶ್ವರರ್‌ ದೇವಾಲಯದ ರಾಜೇಶ್ವರಿ ಎಂಬ ಆನೆ ಶನಿವಾರ ಮೃತಪಟ್ಟಿದೆ.

22 Apr, 2018

ಗುಂಡಿನ ಚಕಮಕಿ
ಎಎಸ್‌ಐ ಸಾವು

ಛತ್ತೀಸಗಡದ ಸುಕ್ಮಾ ಜಿಲ್ಲೆಯಲ್ಲಿ ಮಾವೋವಾದಿಗಳು ಮತ್ತು ಪೊಲೀಸರ ನಡುವೆ ನಡೆದ ಗುಂಡಿನ ಚಕಮಕಿಯಲ್ಲಿ ಕೇಂದ್ರ ಮೀಸಲು ಪೊಲೀಸ್‌ ಪಡೆಯ (ಸಿಆರ್‌ಪಿಎಫ್‌) ಎಎಸ್‌ಐ ಅನಿಲ್‌ಕುಮಾರ್‌ ಮೌರ್ಯ...

22 Apr, 2018
ನಟ ಬಾಲಕೃಷ್ಣನ್‌ ವಿರುದ್ಧ ದೂರು

ಮೋದಿ ವಿರುದ್ಧ ಅಶ್ಲೀಲ ಪದ ಬಳಕೆ
ನಟ ಬಾಲಕೃಷ್ಣನ್‌ ವಿರುದ್ಧ ದೂರು

22 Apr, 2018