ಬೆಂಗಳೂರು: ಆರೋಕಿಯಾ ಬಾಬು ಮತ್ತು ಮನು ಥಾಮಸ್‌ ಅವರ ಉತ್ತಮ ಆಟದ ನೆರವಿನಿಂದ ಎಮ್ಇಜಿ ತಂಡ ಇಲ್ಲಿ ನಡೆಯುತ್ತಿರುವ ಎನ್‌.ಸಿ.ಪರಪ್ಪ ಸ್ಮಾರಕ ರಾಜ್ಯ ‘ಎ’ ಡಿವಿಷನ್‌ ಬ್ಯಾಸ್ಕೆಟ್‌ಬಾಲ್‌ ಲೀಗ್‌ ಟೂರ್ನಿಯ ಗುರುವಾರದ ಪಂದ್ಯದಲ್ಲಿ ಜಯ ದಾಖಲಿಸಿದೆ.
ಕಂಠೀರವ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಎಮ್ಇಜಿ 72–58 ಪಾಯಿಂಟ್ಸ್‌ಗಳಿಂದ ಜೆಎಸ್‌ಸಿ ತಂಡವನ್ನು ಮಣಿಸಿತು. ವಿರಾಮದ ವೇಳೆಗೆ ಎಮ್ಇಜಿ 34–29ರಲ್ಲಿ ಮುನ್ನಡೆ ಹೊಂದಿತ್ತು.
ದಿನದ ಇತರ ಪಂದ್ಯಗಳಲ್ಲಿ ಡಿವೈಇಎಸ್‌ ಬೆಂಗಳೂರು 56–33ರಲ್ಲಿ ಎಎಸ್‌ಪಿ ವಿರುದ್ಧವೂ, ಬೀಗಲ್ಸ್‌ 93–27ರಲ್ಲಿ ಐಬಿಬಿಸಿ ಮೇಲೂ ಗೆದ್ದವು.
