ಭೂ ವಿವಾದ: ಮುಂದುವರಿದ ಮುನಿಸು

ಬಳ್ಳಾರಿ: ಬಿಜೆಪಿ ಮುಖಂಡ ಜಿ.ಕರುಣಾಕರ ರೆಡ್ಡಿ ತಮ್ಮ ನಿವೇಶನ ವಿರುವ ‘ಸುಷ್ಮಾ ಸ್ವರಾಜ್‌ ಕಾಲೊನಿ’ ಯಲ್ಲಿ ಕೆಲವು ದಿನಗಳ ಹಿಂದೆ ಕೋರ್ಟ್‌ ದಾವೆಯ ಮಾಹಿತಿಯುಳ್ಳ ಫಲಕವನ್ನು ಅಳವಡಿಸಿದ್ದಾರೆ. ಹೀಗಾಗಿ ಸಂಸದ ಬಿ.ಶ್ರೀರಾಮುಲು ಹಾಗೂ ರೆಡ್ಡಿ  ನಡು ವಿನ ನಿವೇಶನ ವಿವಾದ ಸದ್ಯಕ್ಕೆ ಬಗೆಹರಿಯುವಂತೆ ಕಾಣುತ್ತಿಲ್ಲ.

‘ಇಬ್ಬರ ನಡುವೆ ಶೀಘ್ರವೇ ಸಂಧಾನ ನಡೆಸಲಾಗುವುದು. ವಿವಾದವನ್ನು ನ್ಯಾಯಾಲಯದ ಹೊರಗೆ ಇತ್ಯರ್ಥಪಡಿಸಿ ಕೊಳ್ಳುವಂತೆ ಮನವೊಲಿಸ ಲಾಗು ವುದು’ ಎಂದು ರೆಡ್ಡಿ ಸಹೋದರ ಜಿ. ಸೋಮಶೇಖರ ರೆಡ್ಡಿ ಇದೇ ಮಾರ್ಚ್‌ 1ರಂದು ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿ ದ್ದರು. ಆ ನಂತರ ಅವರು ಕರುಣಾಕರ ರೆಡ್ಡಿ ಅವರೊಂದಿಗೆ ದೂರವಾಣಿ ಮೂಲಕ ಮಾತನಾಡಿರುವುದು ಬಿಟ್ಟರೆ ಸಂಧಾನ ಸಭೆ ನಡೆದಿಲ್ಲ.

‘ಸಂಧಾನಕಾರನಾಗಿ ಕರುಣಾಕರ ರೆಡ್ಡಿ ಅವರ ಮನೆಗೆ ಹೋಗುವುದಿಲ್ಲ’ ಎಂದು ರೆಡ್ಡಿ ಸುದ್ದಿಗೋಷ್ಠಿಯಲ್ಲೇ  ಸ್ಪಷ್ಟ ಪಡಿಸಿ, ಶ್ರೀರಾಮುಲು ಅವರನ್ನು ಹೊಗ ಳಿ, ರೆಡ್ಡಿ ಅವರನ್ನು ಜರಿದಿದ್ದರು. ಅದಾಗಿ 23 ದಿನಗಳಾಗಿದ್ದು, ಬಿಕ್ಕಟ್ಟು ಮುಂದು ವರಿಯುವ ಲಕ್ಷಣಗಳೇ ಕಂಡುಬರುತ್ತಿವೆ.

‘ರೆಡ್ಡಿ ಅವರಿಗೆ ಅನಾರೋಗ್ಯ ಇದೆ. ಶ್ರೀರಾಮುಲು ಅವರು ನಂಜನಗೂಡು ಉಪ ಚುನಾವಣೆ ಪ್ರಚಾರ ಕಾರ್ಯದಲ್ಲಿ  ತೊಡಗಿಕೊಂಡಿದ್ದಾರೆ. ಹೀಗಾಗಿ ಇಬ್ಬರ ನಡುವೆ ಸಂಧಾನ ಯತ್ನ ಇನ್ನೂ ನಡೆದಿಲ್ಲ’ ಎಂದು  ಜಿ.ಸೋಮಶೇಖರ ರೆಡ್ಡಿ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.

ಫಲಕದಲ್ಲಿ ಏನಿದೆ?: ‘ಈ ಕಾಲೊನಿ ಯಲ್ಲಿರುವ ಸರ್ವೆ ನಂಬರ್‌ 67/3ರ 2.85 ಎಕರೆ ಪ್ರದೇಶವು ಕರುಣಾಕರ ರೆಡ್ಡಿಯವರಿಗೆ ಸೇರಿದ್ದು, ನ್ಯಾಯಾಲ ಯದ ಆದೇಶದಂತೆ ಇದನ್ನು ಯಾರೂ ಪರಭಾರೆ ಮಾಡಬಾರದು.