ಮೋದಿ ನಿರ್ಧಾರದ ಬಗೆಗಿನ ನ್ಯೂಯಾರ್ಕ್‌ ಟೈಮ್ಸ್‌ ಸಂಪಾದಕೀಯಕ್ಕೆ ಕೇಂದ್ರ ಸರ್ಕಾರದ ಆಕ್ಷೇಪ

ಉತ್ತರ ಪ್ರದೇಶಕ್ಕೆ ಯೋಗಿ ಆದಿತ್ಯನಾಥ್‌ ಅವರನ್ನು ಮುಖ್ಯಮಂತ್ರಿಯಾಗಿ ನೇಮಿಸಿದ ಮೋದಿ ಅವರ ನಿರ್ಧಾರವನ್ನು ಸಂಪಾದಕೀಯದಲ್ಲಿ ಟೀಕಿಸಲಾಗಿದೆ. ಇದನ್ನು ವಿದೇಶಾಂಗ ವ್ಯವಹಾರಗಳ ಇಲಾಖೆ ಶುಕ್ರವಾರ ಆಕ್ಷೇಪಿಸಿದೆ.

‘ಎಲ್ಲಾ ಸಂಪಾದಕೀಯ ಅಥವಾ ಅಭಿಪ್ರಾಯಗಳು ಅವರವರ ನಿಲುವಿಗೆ ಬಿಟ್ಟವು. ಆದರೆ, ಪ್ರಜಾಪ್ರಭುತ್ವ ವ್ಯವಸ್ಥೆಯ ಜನಾದೇಶದ ಬಗ್ಗೆ ಸಂದೇಹ ವ್ಯಕ್ತಪಡಿಸುವುದು ಪ್ರಶ್ನಾರ್ಹ. ಅದು ತಮ್ಮ ದೇಶದ ಬಗ್ಗೆಯೇ ಇರಲಿ, ಇಲ್ಲವೇ ವಿದೇಶದ ಬಗ್ಗೆಯೇ ಆಗಿರಲಿ’ ಎಂದು ವಿದೇಶಾಂಗ ವ್ಯವಹಾರಗಳ ಇಲಾಖೆಯ ವಕ್ತಾರ ಗೋಪಾಲ್‌ ಬಗ್ಲೆ ಹೇಳಿದ್ದಾರೆ.