‘ಎಸಿಬಿ ದಾಳಿ: ಮೂವರು ಪತ್ನಿಯರು ಪತ್ತೆ’ (ಪ್ರ.ವಾ., ಮಾರ್ಚ್ 18). ಪತ್ತೆಯಾದ ಅಧಿಕಾರಿಯ ಆಸ್ತಿ ಅಕ್ರಮ ಎಂಬುದರಲ್ಲಿ ಎರಡು ಮಾತಿಲ್ಲ. ಆದರೆ ಪತ್ತೆಯಾದ ಮೂವರು ಪತ್ನಿಯರೂ ಅಕ್ರಮ ಪತ್ನಿಯರೇ ಅಲ್ಲವೆ? (ಒಬ್ಬಾಕೆಯಾದರೂ ಸಕ್ರಮ ಪತ್ನಿ ಇರಬೇಕು).
ಸದ್ಯ ಆ ಮೂವರನ್ನೂ ಎಸಿಬಿ ವಶಪಡಿಸಿಕೊಂಡಿಲ್ಲವಲ್ಲ! (ಅಥವಾ, ಇದು ಅಕ್ರಮಗಳನ್ನು ಸಕ್ರಮಗೊಳಿಸುವ ಕಾಲ ತಾನೆ). ಅಂತೂ ದಿನೇ ದಿನೇ ಅಕ್ರಮಗಳಲ್ಲಿ ವಿಕ್ರಮಗಳು ಸಾಧಿತವಾಗುತ್ತಿವೆ: ಸ್ವಾರಸ್ಯದ ವಿದ್ಯಮಾನಗಳು; ಸುದ್ದಿಗಳು!
