ಫೆಬ್ರುವರಿ ತಿಂಗಳಿನಲ್ಲಿ ಬ್ಯಾಂಕಿಗೆ ಹೋದಾಗ ಆರ್‌.ಡಿ. ಖಾತೆ ಇರುವವರು 15ಎಚ್‌ ಫಾರಂ ಕೊಡಬೇಕು ಎಂದು ತಿಳಿಯಿತು. ನಮ್ಮಂಥ ಪಿಂಚಣಿದಾರರು ಏನೋ ಕಷ್ಟದಿಂದಲಾದರೂ ಆರ್‌.ಡಿ.ಯಲ್ಲಿ ಉಳಿತಾಯಕ್ಕೆ ಪ್ರಯತ್ನಿಸಿದರೆ ಅದಕ್ಕೂ ತೆರಿಗೆ ಕೊಡಬೇಕು ಎಂಬುದು ನ್ಯಾಯವೇ?
ವಾರ್ಷಿಕ ಆದಾಯವನ್ನು ತೋರಿಸಿ ತೆರಿಗೆ ಕಟ್ಟುವ ಪಿಂಚಣಿದಾರರಾದ (ಕಚೇರಿಯಲ್ಲಿಯೇ ತೆರಿಗೆ ಹಿಡಿದಿರುತ್ತಾರೆ) ನಾವು ತೆರಿಗೆಯನ್ನು ಕೊಟ್ಟು ಆರ್‌.ಡಿ.ಗೆ ಹಣ ಹಾಕುತ್ತೇವೆ. ಇದರಲ್ಲಿ ತೊಡಗಿಸುವ ಹಣವನ್ನೂ ಸೇರಿಸಿಯೇ ತೆರಿಗೆ ಕೊಟ್ಟಿರುತ್ತೇವೆ. ಆದರೂ ಆರ್‌.ಡಿ.ಯಿಂದ ಬರುವ ಅಲ್ಪ ಬಡ್ಡಿಗೂ 10% ತೆರಿಗೆ ಹಾಕಿದರೆ ನಾವೇನು ಉಳಿಸುವುದು? ಸಾಲ ಕೊಡುತ್ತಿದ್ದ ಯಹೂದಿ ಸಾಹುಕಾರರಿಗಿಂತ ಕಠೋರವಾಯಿತೇ ಸರ್ಕಾರ? ಈ ನಿಯಮವನ್ನು ಕೈಬಿಡಿ.
ಚಿಕ್ಕಸಿದ್ದಯ್ಯ,
ಬೆಂಗಳೂರು
