ಬೆಂಗಳೂರು: ಬೃಹತ್‌ ಬೆಂಗಳೂರು ಮಹಾನಗರ ಪಾಲಿಕೆಯ(ಬಿಬಿಎಂಪಿ) 2017-18ನೇ ಸಾಲಿನ ಆಯವ್ಯಯ(ಬಜೆಟ್‌)ವನ್ನು ಶನಿವಾರ ಮಂಡನೆ ಮಾಡಲಾಗಿದ್ದು, ನಗರ ಸ್ವಚ್ಛತೆ, ಬೇಕಾಬಿಟ್ಟಿ ರಸ್ತೆ ಅಗೆದರೆ ₹ 10ಲಕ್ಷದಿಂದ ₹25ಲಕ್ಷದ ವರೆಗೆ ದಂಡ, ಡಿಜಿಟಲ್ ಆಡಳಿತಕ್ಕೆ ಒತ್ತು ನೀಡಲಾಗಿದೆ.
ಬಜೆಟ್‌ ಮಂಡಿಸಿದ ಆರ್ಥಿಕ ಮತ್ತು ತೆರಿಗೆ ಸ್ಥಾಯಿ ಸಮಿತಿ ಅಧ್ಯಕ್ಷ ಎಂ.ಕೆ.ಗುಣಶೇಖರ್ ಅವರು, ಜಾಗತಿಕ ಮಟ್ಟದಲ್ಲಿ ನಗರದ ಬೆಳವಣಿಗೆಗೆ ಪೂರಕವಾಗಿ ಆರ್ಥಿಕ ಶಿಸ್ತಿಗೆ ಚಿಂತನೆ ಮಾಡಲಾಗಿದೆ ಎಂದರು.
ಬಜೆಟ್‌ ಒಟ್ಟು ಗಾತ್ರ: ₹ 9243.41 ತೆರಿಗೆ ಸಂಗ್ರಹ ನಿರೀಕ್ಷೆ: ₹3726.5 ಕೋಟಿ
* ಪಾಲಿಕೆ ವ್ಯಾಪ್ತಿ ಕೆರೆಗಳ ಅಭಿವೃದ್ಧಿಗೆ ಒತ್ತು
* ಪಾಲಿಕೆ ವ್ಯಾಪ್ತಿಯ ಮನೆಗಳಿಗೆ ಡಿಜಿಟಲ್ ಸಂಖ್ಯೆ
* ನೂತನ ಪಾರ್ಕಿಂಗ್‌ ನೀತಿ ಜಾರಿ; ಖಾಸಗಿ ಸಹಭಾಗಿತ್ವದಲ್ಲಿ ಹೈಟೆಕ್‌ ಪಾರ್ಕಿಂಗ್‌ ವ್ಯವಸ್ಥೆ
* ಕಟ್ಟಡಗಳ ಪರಿಶೀಲನೆಗೆ ಆನ್‌ ಲೈನ್‌ ವ್ಯವಸ್ಥೆ
* ಪ್ರತಿ ಮನೆಗೆ ಉಚಿತ ಕಸದ ಬುಟ್ಟಿ ನೀಡಲು ನಿರ್ಧಾರ
* ನಗರದಲ್ಲಿ ಸ್ವಚ್ಛತೆ ಕಾಪಾಡಲು ಮೇಲ್ವಿಚಾರಣೆಗೆ ಮಾರ್ಷಲ್‌ಗಳ ನೇಮಕ
* ರಸ್ತೆ ಅಗಿಯಲು ಬಿಬಿಎಂಪಿ ಅನುಮತಿ ಕಡ್ಡಾಯ. ಅನುಮತಿ ಇಲ್ಲದೆ ರಸ್ತೆ ಅಗಿದರೆ ಖಾಸಗಿ ವ್ಯಕ್ತಿಗಳಿಗೆ ₹ 10 ಲಕ್ಷ ದಂಡ, ಸಂಸ್ಥೆಗಳಿಗೆ ₹ 25 ಲಕ್ಷ ದಂಡ
* ಪಾಲಿಕೆ ಸಭೆಯ ನಿರ್ಣಯಗಳ ಮೇಲೆ ನಿಗಾಕ್ಕೆ ‘ಪೌರವಾಹಿನಿ’ ತಂಡ ರಚನೆ
