ಬೆಂಗಳೂರು: ಕಿರಣ್ ನಂದಕುಮಾರ್ ಮತ್ತು ಸಿ.ಡಿ ಅಜಯ್ ಸೋಮವಾರ ಇಲ್ಲಿ ನಡೆದ ‘ಪಡೆಲ್’ ಟೆನಿಸ್ ಟೂರ್ನಿಯಲ್ಲಿ ಚಾಂಪಿಯನ್ ಆಗಿದ್ದಾರೆ.
ಫೈನಲ್ ಪಂದ್ಯದಲ್ಲಿ ಕಿರಣ್ ಮತ್ತು ಅಜಯ್ ಜೋಡಿ 6–2, 6–2ರಲ್ಲಿ ಅರ್ಚನಾ ವೆಂಕಟರಮಣ್ ಮತ್ತು ಸಚಿನ್ ಕುಮಾರ್ ಅವರನ್ನು ಮಣಿಸಿತು.
ಸೆಮಿಫೈನಲ್ನಲ್ಲಿ ಈ ಜೋಡಿ 5–3, 4–2ರಲ್ಲಿ ಅಕ್ಷಯ್ ಮೂರ್ತಿ ಮತ್ತು ಶರದ್ ಸಂಚೆತಿ ವಿರುದ್ಧ ಜಯದಾಖಲಿಸಿ ಫೈನಲ್ ತಲುಪಿತ್ತು. ಬೆಂಗಳೂರಿನಲ್ಲಿ ನಡೆದ ಮೊದಲ ‘ಪಡೆಲ್’ ಟೂರ್ನಿಯಲ್ಲಿ ಒಟ್ಟು 16 ತಂಡಗಳು ಭಾಗವಹಿಸಿದ್ದವು.
