2016–17ರ ಬೆಳೆ ವರ್ಷದಲ್ಲಿ (ಜುಲೈ–ಜೂನ್ ಅವಧಿ) 33 ಕೋಟಿ ಟನ್ ದಾಖಲೆ ಪ್ರಮಾಣದಲ್ಲಿ ಎಣ್ಣೆಕಾಳು ಉತ್ಪಾದನೆ ನಿರೀಕ್ಷೆ ಮಾಡಲಾಗಿದೆ. ಹೀಗಾಗಿ ರಫ್ತು ನಿಷೇಧ ಹಿಂಪಡೆಯಲು ನಿರ್ಧರಿಸಲಾಗಿದೆ ಎಂದು ಸರ್ಕಾರ ತಿಳಿಸಿದೆ. ಸದ್ಯ, ಪ್ರತಿ ಒಂದು ಟನ್ಗೆ ₹58,500ರಂತೆ ಕನಿಷ್ಠ ರಫ್ತು ದರ ಇದೆ. ‘ಸದ್ಯ, ಕೇವಲ 25 ಸಾವಿರ ಟನ್ ರಫ್ತು ಮಾಡಲಾಗುತ್ತಿದೆ. ಈಗ ಹೆಚ್ಚು ರಫ್ತು ಅವಕಾಶ ನೀಡಿದ್ದರಿಂದ ಇನ್ನೂ 20 ರಿಂದ 30 ಸಾವಿರ ಟನ್ ಹೆಚ್ಚು ರಫ್ತು ಸಾಧ್ಯ’ ಎಂದು ಖಾದ್ಯತೈಲ ಸಂಸ್ಕರಣಾ ಒಕ್ಕೂಟದ ನಿರ್ದೇಶಕ ಬಿ.ವಿ. ಮೆಹ್ತಾ ಹೇಳಿದ್ದಾರೆ.