ಐಫಾ: ಜನಪ್ರಿಯತೆಗೆ ಮಣೆ!

 

ಶ್ರದ್ಧಾಗೆ ನಿರಾಸೆ

‘ಯೂ ಟರ್ನ್‌’ನಲ್ಲಿನ ನಟನೆಯ ಮೂಲಕ ಸಹೃದಯರ ಗಮನ ಸೆಳೆದಿದ್ದ ನಟಿ ಶ್ರದ್ಧಾ ಶ್ರೀನಾಥ್‌ಗೆ ಕನ್ನಡದ ಅತ್ಯುತ್ತಮ ನಟಿ ಪ್ರಶಸ್ತಿ ಸಿಗಲಿದೆ ಎಂಬ ಮಾತುಗಳು ಕೇಳಿಬರುತ್ತಿದ್ದವು. ಆದರೆ, ‘ಕಿಲ್ಲಿಂಗ್ ವೀರಪ್ಪನ್‌’ ಚಿತ್ರದ ನಟನೆಗಾಗಿ ಪಾರೂಲ್ ಯಾದವ್‌ಗೆ ಆ ಪ್ರಶಸ್ತಿ ಒಲಿಯಿತು.

2016ರಲ್ಲಿ ಗಮನ ಸೆಳೆದಿದ್ದ ‘ಕರ್ವ’ ಚಿತ್ರತಂಡ ಹಲವು ವಿಭಾಗಗಳ ಪ್ರಶಸ್ತಿಗೆ ನಾಮ ನಿರ್ದೇಶನಗೊಂಡಿದ್ದರೂ, ಒಂದೇ ಒಂದು ವಿಭಾಗದ ಪ್ರಶಸ್ತಿ ಸಿಗಲಿಲ್ಲ. ಇದರಿಂದಾಗಿ, ತಮ್ಮ ಚಿತ್ರತಂಡದೊಂದಿಗೆ ಸಮಾರಂಭಕ್ಕೆ ಬಂದಿದ್ದ ನಿರ್ದೇಶಕ ನವನೀತ್ ಮತ್ತು ತಂಡದವರಿಗೆ ನಿರಾಸೆಯಾಯಿತು.

 

ಅತ್ಯುತ್ತಮ ನಟ ವಿಭಾಗದ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡವರ ಸಾಲಿನಲ್ಲಿ ‘ತಿಥಿ’ ಚಿತ್ರದ ಚನ್ನೇಗೌಡ (ಗಡ್ಡಪ್ಪ) ಕೂಡ ಇದ್ದರು. ಆದರೆ, ಅಂತಿಮವಾಗಿ ಆ ಪ್ರಶಸ್ತಿ ‘ಕಿರಿಕ್‌ ಪಾರ್ಟಿ’ ಚಿತ್ರಕ್ಕಾಗಿ ರಕ್ಷಿತ್ ಶೆಟ್ಟಿ ಪಾಲಾಯಿತು.

 

‘ರಾಮ ರಾಮಾ ರೇ...’ ಸದ್ದಿಲ್ಲ

ಕಳೆದ ವರ್ಷ ಕನ್ನಡದಲ್ಲಿ ಮೂಡಿಬಂದ ಅತ್ಯುತ್ತಮ ಚಿತ್ರಗಳ ಪೈಕಿ, ‘ರಾಮಾ ರಾಮಾ ರೇ...’ ಕೂಡ ಒಂದು. ಆದರೆ, ಪ್ರಶಸ್ತಿಗೆ ಸಂಬಂಧಿಸಿದ ಯಾವುದೇ ಹಂತದಲ್ಲೂ ಆ ಚಿತ್ರದ ಹೆಸರು ಕೇಳಿಬರಲಿಲ್ಲ.

(ಲೇಖಕರು ‘ಐಐಎಫ್‌ಎ’ ಆಹ್ವಾನದ ಮೇರೆಗೆ ಹೈದರಾಬಾದ್‌ಗೆ ಭೇಟಿ ನೀಡಿದ್ದರು)

 

ಮಲಯಾಳಂನ ‘ಚಾರ್ಲಿ’ಗೆ ಆರು ಪ್ರಶಸ್ತಿ
ಮಲಯಾಳಂ ಚಿತ್ರರಂಗದ ವಿಭಾಗದ ಪ್ರಶಸ್ತಿಗಳ ಪೈಕಿ, ಸೂಪರ್ ಹಿಟ್ ಚಿತ್ರ ‘ಚಾರ್ಲಿ’ ಚಿತ್ರ ಆರು ಪ್ರಶಸ್ತಿಗಳನ್ನು ಬಾಚಿಕೊಂಡಿತು. ಅತ್ಯುತ್ತಮ ಕಥೆ (ಆರ್‌. ಉನ್ನಿ), ನಿರ್ದೇಶನ (ಮಾರ್ಟಿನ್ ಪ್ರಕಟ್), ನಟ (ದುಲ್ಕರ್ ಸಲ್ಮಾನ್), ಪೋಷಕ ಪಾತ್ರ (ಅಪರ್ಣಾ ಗೋಪಿನಾಥ್), ಹಾಸ್ಯ ನಟ (ಶೋಬಿನ್ ಶಬೀರ್) ಹಾಗೂ ಸಂಗೀತ ನಿರ್ದೇಶನ (ಗೋಪಿ ಸುಂದರ್) ವಿಭಾಗದ ಪ್ರಶಸ್ತಿಗಳು ‘ಚಾರ್ಲಿ’ ಪಾಲಾದವು.

ತೆಲುಗಿನಲ್ಲಿ ‘ಜನತಾ ಗ್ಯಾರೇಜ್‌’ ಅಬ್ಬರ
ತೆಲುಗಿನ ‘ಜನತಾ ಗ್ಯಾರೇಜ್’– ಅತ್ಯುತ್ತಮ ಚಿತ್ರ ಸೇರಿದಂತೆ ತೆಲುಗು ಚಿತ್ರರಂಗ ವಿಭಾಗದ ಪೈಕಿ ಆರು ಪ್ರಶಸ್ತಿಗಳನ್ನು ತನ್ನದಾಗಿಸಿಕೊಂಡಿತು. ಅತ್ಯುತ್ತಮ ನಿರ್ದೇಶನ (ಕೊರಟಾಲ ಶಿವ), ನಟ (ಜೂನಿಯರ್ ಎನ್‌ಟಿಆರ್‌), ಸಾಹಿತ್ಯ (ರಾಮಜೋಗಯ್ಯ ಶಾಸ್ತ್ರಿ), ಸಂಗೀತ ನಿರ್ದೇಶನ (ದೇವಿಶ್ರೀ ಪ್ರಸಾದ್) ಹಾಗೂ ಹಿನ್ನೆಲೆ ಗಾಯಕಿ (ಗೀತಾ ಮಾಧುರಿ) ವಿಭಾಗದ ಪ್ರಶಸ್ತಿಗಳನ್ನು ಈ ಚಿತ್ರ ಮುಡಿಗೇರಿಸಿಕೊಂಡಿತು.

‘ಇರುದಿ ಸುಟ್ರು’ ಮತ್ತು ‘ತೇರಿಗೆ’ ಪ್ರಶಸ್ತಿ ಯುಗಳ
‘ಇರುದಿ ಸುಟ್ರು’ ಹಾಗೂ ‘ತೇರಿ’ ಚಿತ್ರಗಳು ತಮಿಳು ಚಿತ್ರರಂಗದ ತಲಾ ಮೂರು ವಿಭಾಗದ ಪ್ರಶಸ್ತಿಗಳಿಗೆ ಭಾಜನವಾದವು. ‘ಇರುದಿ ಸುಟ್ರು’  ಅತ್ಯುತ್ತಮ ಚಿತ್ರ, ಅದೇ ಚಿತ್ರದ ನಟನೆಗಾಗಿ ಮಾಧವನ್‌ಗೆ ಅತ್ಯುತ್ತಮ ನಟ ಹಾಗೂ ನಟಿ ಪ್ರಶಸ್ತಿಗೆ ರಿಕ್ತಾ ಸಿಂಗ್ ಪಾತ್ರರಾದರು.

‘ತೇರಿ’ ಚಿತ್ರಕ್ಕಾಗಿ ಅತ್ಲಿಗೆ ಅತ್ಯುತ್ತಮ ನಿರ್ದೇಶನ, ಖಳನಟ ಪ್ರಶಸ್ತಿಗೆ ಮಹೇಂದ್ರನ್ ಹಾಗೂ ಪೋಷಕ ನಟಿ ಪ್ರಶಸ್ತಿ ನಟಿ ಮೀನಾ ಪುತ್ರಿ ಬೇಬಿ ನೈನಿಕಾಗೆ ದಕ್ಕಿತು. ‘ತೋಜ’ ಚಿತ್ರದ ನಟನೆಗಾಗಿ ನಾಗಾರ್ಜುನ ಅಕ್ಕಿನೇನಿಗೆ ಅತ್ಯುತ್ತಮ ಪೋಷಕ ನಟ ಪ್ರಶಸ್ತಿ ಸಿಕ್ಕಿತು. ಸಂಗೀತ ನಿರ್ದೇಶಕ ಎ.ಆರ್‌. ರೆಹಮಾನ್ ಅತ್ಯುತ್ತಮ ಸಂಗೀತ ನಿರ್ದೇಶನ (ಅಚ್ಚಂ ಎಂಬದು ಮದಮೈಯಾದ) ಪ್ರಶಸ್ತಿಗೆ ಪಾತ್ರರಾದರು.