ಈ ಸಸ್ಯಗಳಿದ್ದರೆ ನಿಮ್ಮನೆ ಕೂಲ್

 

ಸ್ನೇಕ್ ಪ್ಲಾಂಟ್‌
ಸಾಮಾನ್ಯವಾಗಿ ಸಸ್ಯಗಳು ರಾತ್ರಿ ಹೊತ್ತು ಆಮ್ಲಜನಕವನ್ನು ಹೀರಿ ಇಂಗಾಲದ ಡೈ ಆಕ್ಸೈಡ್ ಅನ್ನು ಹೊರಗೆ ಬಿಡುತ್ತವೆ. ಆದರೆ, ಸ್ನೇಕ್‌ ಪ್ಲಾಂಟ್ ಇದಕ್ಕೆ ವಿರುದ್ಧವಾಗಿ ಕಾರ್ಯನಿರ್ವಹಿಸುತ್ತದೆ. ಈ ಸಸ್ಯ ರಾತ್ರಿ ವೇಳೆ ಇಂಗಾಲದ ಡೈ ಆಕ್ಸೈಡ್ ಹೀರಿ ಆಮ್ಲಜನಕವನ್ನು ಹೊರಸೂಸುತ್ತದೆ.  ಹಾಗಾಗಿ, ಬಹಳಷ್ಟು ಮನೆಗಳ ಬೆಡ್‌ರೂಂ ಇಲ್ಲವೇ ಕಚೇರಿಗಳಲ್ಲಿ ಸ್ನೇಕ್ ಪ್ಲಾಂಟ್‌ಗೆ ಕಾಯಂ ಸ್ಥಾನ.

ಫಿಕಸ್ ಮರ
ಪುಟ್ಟ ಮರದ ಆಕಾರದಲ್ಲಿರುವ ಫಿಕಸ್‌ ಗಾಳಿಯಲ್ಲಿರುವ ಮಾಲಿನ್ಯವನ್ನು ತಡೆದು, ದುರ್ವಾಸನೆಯನ್ನೂ ನಿವಾರಿಸುತ್ತದೆ. ಬಿಸಿಲಿನ ತಾಪವನ್ನು ಸಹಿಸುವ ಗುಣವುಳ್ಳ ಈ ಸಸ್ಯ ಮನೆಯನ್ನು ತಂಪಾಗಿಸುತ್ತದೆ. ಇದನ್ನು ಮನೆಯ ವರಾಂಡ ಇಲ್ಲವೇ ಬಿಸಿಲು ಬೀಳುವ  ಜಾಗದಲ್ಲಿರಿಸುವುದು ಉತ್ತಮ. ಇದು ಹೆಚ್ಚಿನ ಪ್ರಮಾಣದಲ್ಲಿ ಆಮ್ಲಜನಕವನ್ನೂ ಉತ್ಪಾದಿಸುವುದರಿಂದ ಶುದ್ಧ ಗಾಳಿಯೂ ದೊರೆಯುತ್ತದೆ.

ಲೋಳೆಸರ (ಆಲೊವೆರಾ)
ಔಷಧೀಯ ಗುಣಗಳಿಂದ ಪ್ರಸಿದ್ಧಿಯಾಗಿರುವ ಲೋಳೆಸರ ಮನೆಯ ಉಷ್ಣಾಂಶವನ್ನು ಕಡಿಮೆ ಮಾಡಲು ಸಹಕಾರಿ. ಕಲುಷಿತ ಗಾಳಿಯಲ್ಲಿರುವ ಕೆಲ ರಾಸಾಯನಿಕ ಅಂಶವನ್ನೂ ತಡೆಯುತ್ತದೆ.  ಸೊಳ್ಳೆ ನಿವಾರಕವೂ ಹೌದು.