ನವದೆಹಲಿ

ಕಡಲ್ಗಳ್ಳರಿಂದ ಹಡಗು ರಕ್ಷಿಸಿದ ನೌಕಾಪಡೆ

ಕಡಲ್ಗಳ್ಳರು ಹಡಗು ಅಪಹರಿಸಿದ್ದಾರೆ ಎಂಬ ಅಪಾಯದ ಸಂದೇಶ ಒಎಸ್‌ 35 ಎಂಬ ಹಡಗಿನಿಂದ ಶನಿವಾರ ರಾತ್ರಿ ಬಂದಿತ್ತು. ತಕ್ಷಣ ಸ್ಪಂದಿಸಿದ ಭಾರತದ ನೌಕಾಪಡೆ ಐಎನ್‌ಎಸ್‌ ಮುಂಬೈ ಮತ್ತು ಐಎನ್‌ಎಸ್‌ ತರ್ಕಶ್‌ ನೌಕೆಗಳನ್ನು ಕಳುಹಿಸಿತು...

ಕಡಲ್ಗಳ್ಳರಿಂದ ಹಡಗು ರಕ್ಷಿಸಿದ ನೌಕಾಪಡೆ

ನವದೆಹಲಿ: ಏಡನ್‌ ಕೊಲ್ಲಿಯಲ್ಲಿ ಸೊಮಾಲಿಯಾದ ಕಡಲ್ಗಳ್ಳರು ಅಪಹರಿಸಿದ ಸರಕು ಸಾಗಣೆ ಹಡಗೊಂದನ್ನು ಭಾರತ ಮತ್ತು ಚೀನಾದ ಯುದ್ಧ ನೌಕೆಗಳು ಜಂಟಿ ಕಾರ್ಯಾಚರಣೆ ನಡೆಸಿ ರಕ್ಷಿಸಿವೆ.

ಹಲವು ವಿಚಾರಗಳಿಗೆ ಸಂಬಂಧಿಸಿ ಭಾರತ–ಚೀನಾ ನಡುವೆ ಸಂಘರ್ಷಾತ್ಮಕ ಸ್ಥಿತಿಯ ನಡುವೆಯೇ ಎರಡೂ ದೇಶಗಳ ನೌಕೆಗಳು ಜತೆಯಾಗಿ ಕಾರ್ಯಾಚರಣೆ ನಡೆಸಿವೆ.

ಕಡಲ್ಗಳ್ಳರು ಹಡಗು ಅಪಹರಿಸಿದ್ದಾರೆ ಎಂಬ ಅಪಾಯದ ಸಂದೇಶ ಒಎಸ್‌ 35 ಎಂಬ ಹಡಗಿನಿಂದ ಶನಿವಾರ ರಾತ್ರಿ ಬಂದಿತ್ತು. ತಕ್ಷಣ ಸ್ಪಂದಿಸಿದ ಭಾರತದ ನೌಕಾಪಡೆ ಐಎನ್‌ಎಸ್‌ ಮುಂಬೈ ಮತ್ತು ಐಎನ್‌ಎಸ್‌ ತರ್ಕಶ್‌ ನೌಕೆಗಳನ್ನು ಕಳುಹಿಸಿತು. ಚೀನಾ ನೌಕಾಪಡೆ ಕೂಡ ತನ್ನ ಯೂಲಿನ್‌ ಎಂಬ ನೌಕೆಯನ್ನು ಕಳುಹಿಸಿತು.

ಭಾರತದ ಎರಡೂ ನೌಕೆಗಳು ಸಾಗರೋತ್ತರ ನಿಯೋಜನೆಯ ಭಾಗವಾಗಿ ಈ ಪ್ರದೇಶದಲ್ಲಿ ಇದ್ದವು. ಸರಕು ಸಾಗಾಟದ ಹಡಗು ಮಲೇಷ್ಯಾದ ಕೆಲಾಂಗ್‌ನಿಂದ ಯೆಮನ್‌ನ ಏಡನ್‌ ಬಂದರಿನತ್ತ ಸಾಗುತ್ತಿತ್ತು. ಹಡಗಿನಲ್ಲಿದ್ದ 19 ಸಿಬ್ಬಂದಿ ಫಿಲಿಪ್ಪೀನ್ಸ್‌ನವರು. ಕಡಲ್ಗಳ್ಳರ ದಾಳಿಯ ಸಂದರ್ಭದಲ್ಲಿ ಅವರೆಲ್ಲರೂ ಹಡಗಿನ ಸುರಕ್ಷಿತ ಕೊಠಡಿಯೊಂದರಲ್ಲಿ ಕುಳಿತು ಒಳಗಿನಿಂದ ಬಾಗಿಲು ಭದ್ರಪಡಿಸಿಕೊಂಡಿದ್ದರು.

ಭಾರತದ ನೌಕಾಪಡೆ ಹೆಲಿಕಾಪ್ಟರೊಂದನ್ನು ನಿಯೋಜಿಸಿತು. 18 ಸಿಬ್ಬಂದಿಯಿದ್ದ ಚೀನಾದ ನೌಕೆ 178 ಮೀಟರ್‌ ಉದ್ದದ ಸರಕು ಸಾಗಾಟ ಹಡಗಿನ ಶೋಧ ನಡೆಸಿ ಕಡಲ್ಗಳ್ಳರು ಅಡಗಿಕೊಂಡಿಲ್ಲ ಎಂಬುದನ್ನು ಖಾತರಿಪಡಿಸಿತು.

ಕಾರ್ಯಾಚರಣೆಯ ಕೊನೆಯಲ್ಲಿ ಚೀನಾದ ನೌಕಾಪಡೆ ಭಾರತ ನೌಕಾಪಡೆಗೆ ಕೃತಜ್ಞತೆ ಅರ್ಪಿಸಿತು. ಚೀನಾದ ನೆರವಿಗೆ ಭಾರತದ ನೌಕಾಪಡೆಯೂ ವಂದನೆ ಅರ್ಪಿಸಿತು.

ಬ್ರಿಟನ್‌ನ ಮ್ಯಾರಿಟೈಮ್‌ ಟ್ರೇಡ್‌ ಆರ್ಗನೈಸೇಷನ್‌ನ ದುಬೈ ಕಚೇರಿಯು ನೆರವಿಗಾಗಿ ಭಾರತದ ನೌಕಾಪಡೆಯನ್ನು ಸಂಪರ್ಕಿಸಿತ್ತು. ಈ ಪ್ರದೇಶದಲ್ಲಿ ಸಂಚರಿಸುವ ಹಡಗುಗಳ ಮೇಲೆ ನಿಗಾ ಇರಿಸುವ ಕೆಲಸವನ್ನು ಈ ಸಂಸ್ಥೆ ಮಾಡುತ್ತದೆ. ಸಂಕಷ್ಟದ ಸಂದರ್ಭದಲ್ಲಿ ವಿವಿಧ ದೇಶಗಳ ಸೇನೆಗಳನ್ನು ಸಂಪರ್ಕಿಸುವ ಕೆಲಸವನ್ನೂ ಈ ಸಂಸ್ಥೆ ಮಾಡುತ್ತದೆ. ಪಾಕಿಸ್ತಾನ ಮತ್ತು ಇಟಲಿಯ ಯುದ್ಧ ನೌಕೆಗಳು ಕೂಡ ನೆರವಿನ ಕರೆಗೆ ಸ್ಪಂದಿಸಿ ಸ್ಥಳಕ್ಕೆ ಧಾವಿಸಿದ್ದವು.

ಕಾರ್ಯಾಚರಣೆ ಹೇಗೆ: ಭಾರತದ ನೌಕೆಗಳ ಸಿಬ್ಬಂದಿ ಸರಕು ಸಾಗಾಟ ಹಡಗಿನ ಕ್ಯಾಪ್ಟನ್‌ ಜತೆ ಸಂಪರ್ಕ ಸಾಧಿಸಿದರು. ಆ ಹೊತ್ತಿಗೆ ಅವರೆಲ್ಲರೂ  ಸುರಕ್ಷಿತ ಕೊಠಡಿಯಲ್ಲಿ ಬಾಗಿಲು ಹಾಕಿ ಕುಳಿತಿದ್ದರು. ಕಡಲ್ಗಳ್ಳರ ದಾಳಿ ಸಂದರ್ಭದಲ್ಲಿ ಸುರಕ್ಷಿತ ಕೊಠಡಿಯಲ್ಲಿ ಕುಳಿತುಕೊಳ್ಳುವುದು ನಿಯಮ.

ಭಾರತದ ಹೆಲಿಕಾಪ್ಟರ್‌ ರಾತ್ರಿಯಿಡೀ ಹಡಗಿನ ಮೇಲಿನಿಂದ ವೈಮಾನಿಕ ಪರಿಶೀಲನೆ ನಡೆಸಿತು. ಸೂರ್ಯೋದಯ ಆಗುತ್ತಿದ್ದಂತೆಯೇ ಹಡಗಿನಲ್ಲಿ ಕಡಲ್ಗಳ್ಳರು ಅಡಗಿದ್ದಾರೆಯೇ ಎಂಬ ಪರಿಶೀಲನೆ ನಡೆಸಲಾಯಿತು.

ಭಾರತ ಮತ್ತು ಚೀನಾದ ಯುದ್ಧನೌಕೆಗಳು ಸ್ಥಳಕ್ಕೆ ತಲುಪುತ್ತಿದ್ದಂತೆಯೇ ಕಡಲ್ಗಳ್ಳರು ಪರಾರಿಯಾಗಿದ್ದರು. ಮುಂಜಾನೆಯ ಹೊತ್ತಿಗೆ ಇಡೀ ಕಾರ್ಯಾಚರಣೆ ಪೂರ್ಣಗೊಂಡಿತು.

Comments
ಈ ವಿಭಾಗದಿಂದ ಇನ್ನಷ್ಟು
ಪುಲ್ವಾಮ ಎನ್‌ಕೌಂಟರ್‌ನಲ್ಲಿ ಉಗ್ರ ಬರ್ಹಾನ್‌ ವಾನಿ ಉತ್ತರಾಧಿಕಾರಿ ಸಬ್ಜರ್‌ ಭಟ್‌ ಸಾವು

ಎಂಟು ಉಗ್ರರ ಬಲಿ
ಪುಲ್ವಾಮ ಎನ್‌ಕೌಂಟರ್‌ನಲ್ಲಿ ಉಗ್ರ ಬರ್ಹಾನ್‌ ವಾನಿ ಉತ್ತರಾಧಿಕಾರಿ ಸಬ್ಜರ್‌ ಭಟ್‌ ಸಾವು

27 May, 2017
ಎಲ್ಲ 125 ಕೋಟಿ ಜನರಿಗೆ ಉದ್ಯೋಗ ನೀಡಲಾಗದು: ಅಮಿತ್‌ ಷಾ

ಸ್ವ ಉದ್ಯೋಗಕ್ಕೆ ಸರ್ಕಾರ ಒತ್ತು
ಎಲ್ಲ 125 ಕೋಟಿ ಜನರಿಗೆ ಉದ್ಯೋಗ ನೀಡಲಾಗದು: ಅಮಿತ್‌ ಷಾ

27 May, 2017
ಶ್ರೀನಗರ: ಗಡಿಯಲ್ಲಿ ಒಳನುಸುಳಲು ಯತ್ನಿಸುತ್ತಿದ್ದ ನಾಲ್ವರು ಉಗ್ರರನ್ನು ಹೊಡೆದುರುಳಿಸಿದ ಭಾರತೀಯ ಸೇನೆ

ಬೆಳ್ಳಂಬೆಳಿಗ್ಗೆ ಕಾರ್ಯಾಚರಣೆ
ಶ್ರೀನಗರ: ಗಡಿಯಲ್ಲಿ ಒಳನುಸುಳಲು ಯತ್ನಿಸುತ್ತಿದ್ದ ನಾಲ್ವರು ಉಗ್ರರನ್ನು ಹೊಡೆದುರುಳಿಸಿದ ಭಾರತೀಯ ಸೇನೆ

27 May, 2017

ಬೆಂಗಳೂರು
ಎಸ್‌ಪಿಗೆ ₹ 10,000 ದಂಡ

‘ದಂಡದ ಮೊತ್ತವನ್ನು ಈಶ್ವರಪ್ಪ ಅವರ ಮೇ ತಿಂಗಳ ವೇತನದಲ್ಲಿ  ವಸೂಲು ಮಾಡಿ ಆಯೋಗದ ಖಾತೆಗೆ ಪಾವತಿಸಿ’ ಎಂದು  ಡ್ಯೆಪ್ಯೂಟಿ ಇನ್‌ಸ್ಪೆಕ್ಟರ್‌ ಜನರಲ್ (ಡಿಐಜಿ) ಅವರಿಗೆ...

27 May, 2017
ವಿರೋಧ ಪಕ್ಷಗಳಿಂದ ಕಾದು ನೋಡುವ ತಂತ್ರ

ನವದೆಹಲಿ
ವಿರೋಧ ಪಕ್ಷಗಳಿಂದ ಕಾದು ನೋಡುವ ತಂತ್ರ

27 May, 2017