ರಸ್ತೆ ಸಾರಿಗೆ ಮಜ್ದೂರ್‌ ಸಂಘದ ಅಧಿವೇಶನದಲ್ಲಿ ಒತ್ತಾಯ

ಸೇವೆಯ 15ನೇ ವರ್ಷಕ್ಕೆ ಬಡ್ತಿ ನೀಡಿ

‘ಸಾರಿಗೆ ನಿಗಮಗಳ ನೌಕರರು ಸೇವೆಗೆ ಸೇರಿ 15  ವರ್ಷ ತುಂಬಿದ ಕೂಡಲೇ  ಬಡ್ತಿ ನೀಡಬೇಕು’ ಎಂದು  ಕರ್ನಾಟಕ ರಸ್ತೆ ಸಾರಿಗೆ ಮಜ್ದೂರ್‌ ಸಂಘ ಒತ್ತಾಯಿಸಿದೆ.

ಸೇವೆಯ 15ನೇ ವರ್ಷಕ್ಕೆ ಬಡ್ತಿ ನೀಡಿ

ಬೆಂಗಳೂರು: ‘ಸಾರಿಗೆ ನಿಗಮಗಳ ನೌಕರರು ಸೇವೆಗೆ ಸೇರಿ 15  ವರ್ಷ ತುಂಬಿದ ಕೂಡಲೇ  ಬಡ್ತಿ ನೀಡಬೇಕು’ ಎಂದು  ಕರ್ನಾಟಕ ರಸ್ತೆ ಸಾರಿಗೆ ಮಜ್ದೂರ್‌ ಸಂಘ ಒತ್ತಾಯಿಸಿದೆ.

ನಗರದಲ್ಲಿ ಭಾನುವಾರ ನಡೆದ ಸಂಘದ 9ನೇ ತ್ರೈವಾರ್ಷಿಕ ಅಧಿವೇಶನದಲ್ಲಿ ಸಂಘದ ಪ್ರಧಾನ ಕಾರ್ಯದರ್ಶಿ ಆರ್‌.ಪಿ. ದಯಾನಂದ ಸಾಗರ್‌ ಅವರು  ನಿರ್ಣಯಗಳನ್ನು ಮಂಡಿಸಿದರು.

‘ಚಾಲಕರು ಕೆಲಸಕ್ಕೆ ಸೇರಿದ 25 ವರ್ಷದ ಬಳಿಕ ಬಡ್ತಿ ನೀಡುವ ಪರಿಪಾಠವಿದೆ. ಅದನ್ನು 15 ವರ್ಷಕ್ಕೆ ಇಳಿಸಬೇಕು. ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ಭವಿಷ್ಯನಿಧಿಯಲ್ಲಿ ಆಗಿರುವ ಲೋಪಗಳನ್ನು ಸರಿಪಡಿಸಬೇಕು. ಬಸ್‌ ಘಟಕ ಮತ್ತು ನಿಲ್ದಾಣಗಳನ್ನು ನಿರ್ಮಿಸಲು ರಾಜ್ಯದ ನಾಲ್ಕು ಸಾರಿಗೆ ನಿಗಮಗಳಿಗೆ ಉಚಿತವಾಗಿ ಜಮೀನು ನೀಡಬೇಕು. ಘಟಕದ ಕಟ್ಟಡಗಳ ನಿರ್ಮಾಣಕ್ಕೆ ಅನುದಾನ ನೀಡಬೇಕು’ ಎಂದು ಒತ್ತಾಯಿಸಿದರು.

‘ನಷ್ಟದ ಲೆಕ್ಕ ತೋರಿಸಿ ಬಿಎಂಟಿಸಿ ಸಂಸ್ಥೆಯ ಆಸ್ತಿಯನ್ನು ಮಾರಾಟ ಮಾಡಬಾರದು. ಈಶಾನ್ಯ ಮತ್ತು ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಗಮಗಳಿಗೆ ನೀಡಿದಂತೆ ಕೆಎಸ್‌ಆರ್‌ಟಿಸಿ ಹಾಗೂ ಬಿಎಂಟಿಸಿಗೂ ತೆರಿಗೆ ವಿನಾಯಿತಿ ನೀಡಬೇಕು’ ಎಂದು ಕೋರಿದರು.

‘ಪ್ರತಿ ಬಜೆಟ್‌ನಲ್ಲಿ ನಿಗಮಗಳಿಗೆ ₹ 500 ಕೋಟಿ ಮೀಸಲಿಡಬೇಕು. ಉತ್ತಮ ಚಾಲಕ ಮತ್ತು ನಿರ್ವಾಹಕರಿಗೆ ಪ್ರತಿವರ್ಷ ಚಿನ್ನ ಮತ್ತು ಬೆಳ್ಳಿ ಪದಕಗಳನ್ನು ನೀಡಬೇಕು.  ನೌಕರರ ಮಕ್ಕಳಿಗಾಗಿ ಶಿಶುಪಾಲನಾ ಕೇಂದ್ರಗಳನ್ನು ಆರಂಭಿಸಬೇಕು’ ಎಂದು ಹೇಳಿದರು.
‘2016ರ ಜನವರಿ 1ರಿಂದ ಅನ್ವಯ ಆಗುವಂತೆ ಮೂಲವೇತನವನ್ನು ಶೇ 12.5 ರಷ್ಟು ಹೆಚ್ಚಳ ಮಾಡಲಾಗಿದೆ.  ಹಿಂಬಾಕಿ ಮೊತ್ತವನ್ನು ಬಿಡುಗಡೆ ಮಾಡಬೇಕು’ ಎಂದರು.

ಶಾಸಕ ಎಸ್‌.ಸುರೇಶ್‌ ಕುಮಾರ್‌, ‘ಕಾರ್ಮಿಕ ಸಂಘಟನೆಗಳು ಸರ್ಕಾರದ ಸೌಲಭ್ಯಗಳನ್ನು ಬಳಸಿಕೊಳ್ಳಬೇಕು. ಅದಕ್ಕೆ ತಕ್ಕಂತೆ ಕೆಲಸವೂ ಮಾಡಬೇಕು’ ಎಂದು ಸಲಹೆ ನೀಡಿದರು. ಯುವ ಬ್ರಿಗೇಡ್‌ನ ಸಂಚಾಲಕ ಚಕ್ರವರ್ತಿ ಸೂಲಿಬೆಲೆ, ‘ಸಂಘಟನೆಗಳ ಮುಖಂಡರಲ್ಲಿ ಶ್ರದ್ಧೆ ಕಡಿಮೆಯಾಗುತ್ತಿದೆ. ನಾಯಕತ್ವಕ್ಕಾಗಿ ಪೈಪೋಟಿ ಇಲ್ಲದಿದ್ದಾಗ ಗುರಿಯನ್ನು ಸುಲಭವಾಗಿ ತಲುಪಬಹುದು’ ಎಂದರು.

Comments
ಈ ವಿಭಾಗದಿಂದ ಇನ್ನಷ್ಟು

ಬೆಂಗಳೂರು
ಚಾಕುವಿನಿಂದ ಇರಿದು ಸ್ನೇಹಿತನ ಕೊಲೆ

ಸಿಟಿ ಮಾರ್ಕೆಟ್‌ ಬಳಿ ನಜ್ಮಲ್‌ ಹುಸೇನ್ (20) ಎಂಬುವರನ್ನು ಚಾಕುವಿನಿಂದ ಇರಿದು ಸೋಮವಾರ ರಾತ್ರಿ ಕೊಲೆ ಮಾಡಲಾಗಿದೆ.

25 Apr, 2018

ಬೆಂಗಳೂರು
ಲೋಕ ಅದಾಲತ್‌ : 17,913 ಪ್ರಕರಣ ಇತ್ಯರ್ಥ

‘ರಾಜ್ಯದಾದ್ಯಂತ ಇದೇ 22ರಂದು ನಡೆದ ಮಾಸಿಕ ಲೋಕ ಅದಾಲತ್‌ನಲ್ಲಿ ಒಟ್ಟು 17,913 ಪ್ರಕರಣಗಳನ್ನು ಇತ್ಯರ್ಥಪಡಿಸಲಾಗಿದೆ’ ಎಂದು ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರ ತಿಳಿಸಿದೆ.

25 Apr, 2018

ಬೆಂಗಳೂರು
ತಂದೆಯಿಂದಲೇ ಲೈಂಗಿಕ ಕಿರುಕುಳ ; ಎಫ್‌ಐಆರ್‌ ದಾಖಲು

ಆರು ವರ್ಷದ ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದಡಿ, ಆಕೆಯ ತಂದೆ ವಿರುದ್ಧ ಕೆಂಗೇರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

25 Apr, 2018
ದೊಡ್ಡಗುಬ್ಬಿ ಕೆರೆಯಲ್ಲಿ ಮೀನುಗಳ ಸಾವು

ಬೆಂಗಳೂರು
ದೊಡ್ಡಗುಬ್ಬಿ ಕೆರೆಯಲ್ಲಿ ಮೀನುಗಳ ಸಾವು

25 Apr, 2018
ಮಾಯವಾದ ನೆರಳಿಗಾಗಿ ಹುಡುಕಾಟ

ಬೆಂಗಳೂರು
ಮಾಯವಾದ ನೆರಳಿಗಾಗಿ ಹುಡುಕಾಟ

25 Apr, 2018