ಕಾಂಗ್ರೆಸ್ ಅಭ್ಯರ್ಥಿ ಕಳಲೆ ಕೇಶವಮೂರ್ತಿ, ಬಿಜೆಪಿ ಅಭ್ಯರ್ಥಿ ವಿ.ಶ್ರೀನಿವಾಸಪ್ರಸಾದ್ ಸೇರಿದಂತೆ 11 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. 1,56,315 ಮತಗಳು (ಶೇ 76.45) ಚಲಾವಣೆ ಆಗಿವೆ. 236 ವಿದ್ಯುನ್ಮಾನ ಮತಯಂತ್ರ ಹಾಗೂ 236 ವಿವಿ ಪ್ಯಾಟ್ (ಮತ ಖಾತರಿ ವ್ಯವಸ್ಥೆ) ಯಂತ್ರಗಳನ್ನು ಪ್ರತ್ಯೇಕವಾಗಿ ಭದ್ರತಾ ಕೊಠಡಿಯಲ್ಲಿ ಇಡಲಾಗಿದ್ದು, ಬಿಗಿ ಬಂದೋಬಸ್ತ್ ಕಲ್ಪಿಸಲಾಗಿದೆ. ಪ್ರತಿ ಎಣಿಕೆ ಟೇಬಲ್ಗೆ ತಲಾ ಒಬ್ಬ ಮೇಲ್ವಿಚಾರಕ, ಎಣಿಕೆ ಸಿಬ್ಬಂದಿ, ವೀಕ್ಷಕ ಹಾಗೂ ವಿಡಿಯೊ ಕ್ಯಾಮೆರಾಮನ್ ಇರುತ್ತಾರೆ.