ಯಳಂದೂರು

ಮಾವಿಗೂ ತಟ್ಟಿದ ಬಿಸಿಲಬೇಗೆ

ತಾಲ್ಲೂಕಿನಲ್ಲಿ ಪ್ರತಿವರ್ಷ 1 ಸಾವಿರ ಟನ್‌ಗೂ ಅಧಿಕ ಮಾವು ಬೆಳೆಯಲಾಗುತ್ತಿತ್ತು. ಸತತ ಬಿಸಿಲಿನಿಂದಾಗಿ ಕಾಯಿ ಉದುರಿ ಭೀತಿಗೆ ಒಳಗಾಗಿದೆ. ಮರದಲ್ಲೂ ನಿರೀಕ್ಷಿತ ಕಾಯಿ ಕಾಣುತ್ತಿಲ್ಲ

ಯಳಂದೂರು ತಾಲ್ಲೂಕಿನ ಗುಂಬಳ್ಳಿ ಬಳಿ ತೋಟದಲ್ಲಿ ಬರದಿಂದಾಗಿ ಈ ಬಾರಿಯೂ ಮಾವಿನ ಫಲವತ್ತತೆ ಕುಸಿದಿದೆ (ಎಡಚಿತ್ರ). ಫಲಕಚ್ಚದೆ ಉದುರುತ್ತಿರುವ ಮಾವಿನ ಕಾಯಿ

ಯಳಂದೂರು:  ಅತಿಯಾದ ಉಷ್ಣತೆ ಮತ್ತು ಬಿಸಿಲ ಬೇಗೆ ಮಾವಿನ ಫಲಕ್ಕೂ ಬಿಸಿ ಮುಟ್ಟಿಸಿದೆ.  ಪರಿಣಾಮ ಇಳುವರಿ ಕುಸಿದು, ಕೀಟದ ಹಾವಳಿ ಹೆಚ್ಚಾಗಿದೆ.ಉತ್ತಮ ಫಸಲಿನ ನಿರೀಕ್ಷೆಯಲ್ಲಿ ಇದ್ದ ಮಾವು ಕೃಷಿಕರು ಈ ಬಾರಿಯೂ ಲಾಭದ ಆಸೆ ಬಿಟ್ಟಿದ್ದಾರೆ.ಜೊತೆಗೆ ಬೂದಿರೋಗ, ಹಣ್ಣಿನ ನೊಣ, ರಸ ಹೀರುವ ಕೀಟಗಳ ಹಾವಳಿಯೂ ಮಾವಿಗೆ ಅಮರಿಕೊಂಡಿದೆ.

ತಾಲ್ಲೂಕಿನಲ್ಲಿ ಪ್ರತಿವರ್ಷ 1 ಸಾವಿರ ಟನ್‌ಗೂ ಅಧಿಕ ಮಾವು ಬೆಳೆಯಲಾಗುತ್ತಿತ್ತು. ಸತತ ಬಿಸಿಲಿನಿಂದಾಗಿ ಕಾಯಿ ಉದುರಿ ಭೀತಿಗೆ ಒಳಗಾಗಿದೆ. ಮರದಲ್ಲೂ ನಿರೀಕ್ಷಿತ ಕಾಯಿ ಕಾಣುತ್ತಿಲ್ಲ. ರೈತರು ಪರಿತಪಿಸಿವಂತೆ ಆಗಿದೆ.

‘ನನ್ನ ತೋಟದಲ್ಲಿ ಈಗಾಗಲೇ ಫಲ ಬಿಟ್ಟಿದೆ. ಗಾತ್ರ ಹೇಳಿಕೊಳ್ಳುವಂತಿಲ್ಲ. ಕಾವು ಹೆಚ್ಚುತ್ತಲೇ ಕಾಯಿ ಉದುರುವ ಹಂತ ತಲುಪಿದೆ. ಹಳದಿ ವರ್ಣಕ್ಕೆ ತಿರುಗಿವೆ. ಈ ವರ್ಷ 5ಟನ್‌ ಬರುವ ನಿರೀಕ್ಷೆ ಇತ್ತು. ಮಳೆಯ ಆಸರೆಯೂ ಕೈ ತಪ್ಪಿ ಮಾವು ಬೆಳೆಯೂ ನಷ್ಟವಾಗಿದೆ ಎನ್ನುತ್ತಾರೆ ಯಳಂದೂರಿನ ರೈತ ಹಬೀಬುಲ್ಲಾ ಖಾನ್.

ಕಟ್ಟುವ ಹಂತದಲ್ಲಿ ಕೀಟದ ಕಾಟ ಇತ್ತು. ಇವು ಅಂಟು ಪದಾರ್ಥವನ್ನು ಸ್ರವಿಸಿ ಕಪ್ಪು ಬೂಷ್ಟ್‌ ಬೆಳೆವಣಿಗೆ ತಂದಿತ್ತು. ನಂತರ ಹೂ ಗೊಂಚಲು ಮತ್ತು ಎಲೆಗಳ ಮೇಲೆ ಬೂದಿಯಂತಹ ಬೆಳವಣಿಗೆ ಕಂಡು ಬಂದಿತ್ತು.

ಎಲೆಗಳು ಮುರುಟಿ, ಕಾಯಿ ಕೂಡ ಉದುರುವ ಹಂತ ಮುಟ್ಟಿತು. ಕಾಯಿ ಹಳದಿ ಬಣ್ಣಕ್ಕೆ ತಿರುಗಿದ ನಂತರ ನೊಣಗಳ ಹಾವಳಿ ಹೆಚ್ಚಾಯಿತು. ಹಣ್ಣಿನ ಮೇಲೆ ಕಪ್ಪು ಚುಕ್ಕೆಗಳಾಗಿ ಕೊಳೆತು ಹೋಗುತ್ತವೆ ಎನ್ನುತ್ತಾರೆ ಬಹಳಷ್ಟು ರೈತರು.

ಆತಂಕ ಬೇಡ: ನಾಲ್ಕು ವರ್ಷಗಳಿಂದ ಮಳೆಯ ಪ್ರಮಾಣ ಕಡಿಮೆಯಾಗಿದೆ. ಇದರ ಜೊತೆಗೆ ಉಷ್ಣಾಂಶವೂ ಹೆಚ್ಚಿದೆ. ಈಗಾಗಲೇ ಫಸಲು ಕೊಯ್ಲಿನ ಹಂತ ಮುಟ್ಟಿದೆ. ಕೆಲೆವೆಡೆ ಕಾಯಿ ಉದುರು ಸ್ಥಿತಿ ಬಂದಿದೆ ಎನ್ನುತ್ತಾರೆ ಕೃಷಿತಜ್ಞರು.

ಹೀಗೆ ಮಾಡಿ:  ಬೂದಿರೋಗ ಕಂಡಾಗ ಕಾಯಿಗೆ ನೀರಿನಲ್ಲಿ ಕರಗುವ 3 ಗ್ರಾಂ ಗಂಧಕವನ್ನು 1ಲೀಟರ್‌ ನೀರಿನಲ್ಲಿ ಕರಗಿಸಿ ಸಿಂಪಡಣೆ ಪುನಾರಾವರ್ತಿಸಬೇಕು. ಅರ್ಧ ಎಂಎಲ್‌ ಕಾನ್‌ಪಿಡರ್‌ 1ಲೀಟರ್‌ ನೀರಿನಲ್ಲಿ ಸೇರಿಸಿ ಸಿಂಪಡಣೆ ಮಾಡಬೇಕು.

ನೊಣದ ಹಾವಳಿ ನಿಯಂತ್ರಿಸಲು ಮೋಹಕ ಬಲೆಗಳನ್ನು ತೂಗು ಹಾಕುವ ಮೂಲಕ ನಿಯಂತ್ರಿಸಬಹುದು. 2 ಎಂಎಲ್‌ ಮೆಲಾಥಿಯಾನ್‌  ಪ್ರತಿ ಲೀಟರ್ ನೀರಿಗೆ  ಸೇರಿಸಿ ದ್ರಾವಣ ತಯಾರಿಸಬೇಕು. ಇದನ್ನು  ಬಳಸಿ ನೊಣ ಬರದಂತೆ ತಡೆಯಬಹುದು ಎನ್ನುತ್ತಾರೆ ಜಿಲ್ಲಾ ಕೃಷಿ ವಿಜ್ಞಾನ ಕೇಂದ್ರದ ಕೀಟ ತಜ್ಞ ಶಿವರಾಯನಾವಿ.

Comments
ಈ ವಿಭಾಗದಿಂದ ಇನ್ನಷ್ಟು

ಚನ್ನರಾಯಪಟ್ಟಣ
ನಾಲ್ವರು ಬೇಟೆಗಾರರ ಬಂಧನ

ಚನ್ನರಾಯಪಟ್ಟಣ ತಾಲ್ಲೂಕಿನ ಮಲ್ಲಪ್ಪನ ಬೆಟ್ಟದ ಅರಣ್ಯ ಪ್ರದೇಶದಲ್ಲಿ ನಾಲ್ವರು ಬೇಟೆಗಾರರು ಶನಿವಾರ ಅರಣ್ಯ ಇಲಾಖೆ ಸಿಬ್ಬಂದಿಗೆ ಸಿಕ್ಕಿಬಿದ್ದಿದ್ದಾರೆ.

24 Sep, 2017
ಜೀವವಿಜ್ಞಾನ ಶಿಕ್ಷಕರಿಗೆ ಕಾಡಿನಲ್ಲಿ ‘ಪರಿಸರ ಪಾಠ’

ಪರಿಸರ ಮಹತ್ವ
ಜೀವವಿಜ್ಞಾನ ಶಿಕ್ಷಕರಿಗೆ ಕಾಡಿನಲ್ಲಿ ‘ಪರಿಸರ ಪಾಠ’

24 Sep, 2017
ಉದ್ಯಮಿಗಳ ಪಕ್ಷ ಬಿಜೆಪಿ: ಧ್ರುವನಾರಾಯಣ ಟೀಕೆ

ಚಾಮರಾಜನಗರ
ಉದ್ಯಮಿಗಳ ಪಕ್ಷ ಬಿಜೆಪಿ: ಧ್ರುವನಾರಾಯಣ ಟೀಕೆ

24 Sep, 2017
5ರಂದು ವಾಲ್ಮೀಕಿ ಪುತ್ಥಳಿ ಅನಾವರಣ

ಚಾಮರಾಜನಗರ
5ರಂದು ವಾಲ್ಮೀಕಿ ಪುತ್ಥಳಿ ಅನಾವರಣ

23 Sep, 2017

ಗುಂಡ್ಲುಪೇಟೆ
ಸರ್ಕಾರಗಳಿಂದ ರೈತರ ಹಿತಾಸಕ್ತಿ ಕಡೆಗಣನೆ

ಸರ್ಕಾರಗಳ ತಪ್ಪಿನಿಂದಾಗಿ ರೈತರು ಸಂಕಷ್ಟಕ್ಕೆ ಸಿಲುಕುತ್ತಿದ್ದಾರೆ. ರೈತರ ಪರ ಯೋಜನೆಗಳೇ ಸಿದ್ಧವಾಗುತ್ತಿಲ್ಲ. ಕೃಷಿ ಉತ್ಪನ್ನಗಳಿಗೆ ಸರಿಯಾದ ಬೆಲೆ ಸಿಗುತ್ತಿಲ್ಲ.

23 Sep, 2017