ಅದಾಗಲೇ ಬೆಳೆದಿದ್ದ ಮರಗಳ ಆರೈಕೆ ಮಾಡುವುದಷ್ಟೇ ಅಲ್ಲದೆ ಇನ್ನಷ್ಟು ಮರಗಳನ್ನು ಬೆಳೆಸತೊಡಗಿದರು. ವರ್ಷಗಳು ಉರುಳಿದವು. 1,360 ಎಕರೆಯಷ್ಟು ವಿಶಾಲ ಪ್ರದೇಶದಲ್ಲಿ ಪಯೆಂಗ್ ಬೆಳೆಸಿದ ಕಾಡು ಹರಡಿಕೊಂಡಿತ್ತು. ಬಂಗಾಳ ಹುಲಿಗಳು, ಆನೆಗಳು, ಘೇಂಡಾಮೃಗಗಳು, ಜಿಂಕೆಗಳು ಕಾಡಿಗೆ ಹೊಕ್ಕವು. ವಿವಿಧ ತಳಿಗಳ ಸಹಸ್ರಾರು ಮರಗಳು ದಟ್ಟವಾಗಿ ಬೆಳೆದಿದ್ದವು. ಬಿದಿರೂ ಅವುಗಳಲ್ಲಿ ಸೇರಿತ್ತು. ಅರಣ್ಯದ ಮಧ್ಯ ಸಣ್ಣ ಗುಡಿಸಲಿನಲ್ಲಿ ಪಯೆಂಗ್ ಕುಟುಂಬ ವಾಸವಿದ್ದು, ಹಸು–ಎಮ್ಮೆಗಳ ಹಾಲು ಮಾರಿ ಅವರು ಜೀವನ ಸಾಗಿಸುತ್ತಾರೆ.