ಸ್ವಂತ ಕಟ್ಟಡಕ್ಕೆ ಒತ್ತಾಯ

ಎ.ಐ.ಡಿ.ಎಸ್.ಓ ರಾಜ್ಯ ಉಪಾಧ್ಯಕ್ಷ ಎಚ್‌.ಟಿ.ಭರತ್ ಕುಮಾರ ಮಾತನಾಡಿ ನಗರದಲ್ಲಿ ಕಳೆದ 52 ವರ್ಷಗಳಿಂದ ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ, ಹಿಂದುಳಿದ ವರ್ಗಗಳ ಹೆಣ್ಮಕ್ಕಳಿಗೆ ಸರ್ಕಾರಿ ಮಹಿಳಾ ವೃತ್ತಿ ತರಬೇತಿ ನೀಡುತ್ತಿರುವ ಸಂಸ್ಥೆಯಲ್ಲಿ ಅಪಾರ ಸಂಖ್ಯೆಯ ವಿದ್ಯಾರ್ಥಿನಿಯರು ತರಬೇತಿ ಪಡೆದು ರಾಜ್ಯದ ಸಚಿವಾಲಯ ಸೇರಿದಂತೆ ಬಹುತೇಕ ಎಲ್ಲಾ ಇಲಾಖೆಗಳಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಇಂತಹ ಒಂದು ಐತಿಹಾಸಿಕ ಪರಂಪರೆ ಇರುವ ಸಂಸ್ಥೆಗೆ ಮೂಲ ಸೌಕರ್ಯ ಹಾಗೂ ಅನುದಾನ ಕಡಿತಗೊಳಿಸುವ ಮೂಲಕ, ಸಂಸ್ಥೆಯನ್ನು ಮುಚ್ಚಿ ಹಾಕುವ ಹುನ್ನಾರವನ್ನು ಸರ್ಕಾರ ನಡೆಸಿದೆ ಎಂದು ಕಿಡಿಕಾರಿದರು.

ಇದರಿಂದ ಬಡ ಹಿಂದುಳಿದ ವಿದ್ಯಾರ್ಥಿಗಳಿಗೆ ತುಂಬಾ ಸಮಸ್ಯೆಯಾಗಲಿದ್ದು, ಕೂಡಲೇ ಸರ್ಕಾರ ಎಚ್ಚೆತ್ತುಕೊಂಡು ಈಗಿರುವ ಸ್ವಂತ ಜಾಗದಲ್ಲಿ ಸುಸಜ್ಜಿತ ಕಟ್ಟಡ ನಿರ್ಮಿಸಬೇಕು. ಇತರೆ ವಸತಿ ನಿಲಯಕ್ಕೆ ಕೊಡುವಂತೆ ಸರ್ಕಾರಿ ಮಹಿಳಾ ವೃತ್ತಿ ತರಬೇತಿ ಕೇಂದ್ರದ ವಸತಿ ನಿಲಯದ ಊಟ ತಿಂಡಿಯ ವ್ಯವಸ್ಥೆಗೆ ಕನಿಷ್ಠ ₹ 1400 ನೀಡಬೇಕು. ಹೊಸ ಟೈಪಿಂಗ್‌, ಹೊಲಿಗೆ ಯಂತ್ರ ಒದಗಿಸಬೇಕು ಎಂದರು.ಪ್ರತಿಭಟನೆಯಲ್ಲಿ ಜಿಲ್ಲಾ ಸಂಚಾಲಕಿ ಶಿವಬಾಳಮ್ಮ, ಸುನೀಲ ಸಿದ್ರಾಮಶೆಟ್ಟಿ, ಶೋಭಾ, ಯರಗುದ್ರಿ ಆಕಾಶ ರಾಮತೀರ್ಥ ಇದ್ದರು.