ಮಂಗಳೂರು

‘ಕ್ರೀಡೆಗೆ ಆರ್ಥಿಕ ತೊಂದರೆ ಬಾರದಿರಲಿ’

ರಾಜ್ಯದಲ್ಲಿ ಎಲ್ಲ ತಾಲ್ಲೂಕು ಮಟ್ಟ, ಜಿಲ್ಲಾ ಮಟ್ಟ ಹಾಗೂ ರಾಜ್ಯಮಟ್ಟದ ಕ್ರೀಡಾ ಸ್ಪರ್ಧೆಗಳನ್ನು ರಾಜ್ಯ ಸಂಸ್ಥೆ ನಡೆಸಬೇಕು. ಇದಕ್ಕೆ ಬೇಕಾಗುವ ಖರ್ಚುಗಳ ಬಗ್ಗೆ ಯೋಜನೆಯನ್ನು ಸಿದ್ಧಪಡಿಸಿ, ಕ್ರೀಡಾ ಸಚಿವರು ಹಾಗೂ ಮುಖ್ಯಮಂತ್ರಿಗೆ ಸಲ್ಲಿಸಲಾಗುವುದು

ಮಂಗಳೂರು: ಸ್ಪೆಷಲ್‌ ಒಲಿಂಪಿಕ್‌ ಭಾರತ್‌ನ ಕರ್ನಾಟಕ ರಾಜ್ಯ ಸಮಿತಿ ನೂತನ ಅಧ್ಯಕ್ಷರಾಗಿ ಆಹಾರ ಸಚಿವ ಯು.ಟಿ. ಖಾದರ್‌ ಅಧಿಕಾರ ವಹಿಸಿಕೊಂಡರು. ನಂತರ ನಗರದ ಸರ್ಕಿಟ್‌ ಹೌಸ್‌ನಲ್ಲಿ ಶನಿವಾರ ಸ್ಪೆಷಲ್‌ ಒಲಿಂಪಿಕ್‌ ರಾಜ್ಯ ಸಮಿತಿಯ ಪ್ರಥಮ ಸಭೆ ನಡೆಸಿದ ಅವರು, ‘ಬುದ್ಧಿ ಮಾಂದ್ಯ ಮಕ್ಕಳ ಕ್ರೀಡಾ ಚಟುವಟಿಕೆಗಳಿಗೆ ಆರ್ಥಿಕ ಸಮಸ್ಯೆ ಅಡ್ಡಿಯಾಗದಂತೆ ಎಚ್ಚರ ವಹಿಸಬೇಕು’ ಎಂದು ಸೂಚಿಸಿದರು.

‘ರಾಜ್ಯದಲ್ಲಿ ಎಲ್ಲ ತಾಲ್ಲೂಕು ಮಟ್ಟ, ಜಿಲ್ಲಾ ಮಟ್ಟ ಹಾಗೂ ರಾಜ್ಯಮಟ್ಟದ ಕ್ರೀಡಾ ಸ್ಪರ್ಧೆಗಳನ್ನು ರಾಜ್ಯ ಸಂಸ್ಥೆ ನಡೆಸಬೇಕು. ಇದಕ್ಕೆ ಬೇಕಾಗುವ ಖರ್ಚುಗಳ ಬಗ್ಗೆ ಯೋಜನೆಯನ್ನು ಸಿದ್ಧಪಡಿಸಿ, ಕ್ರೀಡಾ ಸಚಿವರು ಹಾಗೂ ಮುಖ್ಯಮಂತ್ರಿಗೆ ಸಲ್ಲಿಸಲಾಗುವುದು’ ಎಂದು ತಿಳಿಸಿದರು.ಸಮಿತಿ ಸದಸ್ಯರ ಮನವಿಗೆ ಸ್ಪಂದಿಸಿದ ಖಾದರ್‌, ಬೆಂಗಳೂರಿನ ಕಂಠೀರವ ಕ್ರೀಡಾಂಗಣದಲ್ಲಿ ರಾಜ್ಯ ಸಂಸ್ಥೆಯ ಕಚೇರಿಯನ್ನು ಆರಂಭಿಸಲು, ಕೊಠಡಿ ಪಡೆಯಲು ಪ್ರಯತ್ನಿಸುವುದಾಗಿ ಭರವಸೆ ನೀಡಿದರು.

ರಾಜ್ಯ ಸಮಿತಿ ಉಪಾಧ್ಯಕ್ಷರಾದ ಮಹಾಬಲ ಮಾರ್ಲ, ಜಯವಿಠಲ್‌, ರಾಜ್ಯ ಕ್ರೀಡಾ ನಿರ್ದೇಶಕ ಅಮರೇಂದ್ರ ಅಂಜನಪ್ಪ, ಕೋಶಾಧಿಕಾರಿ ಜಗದೀಶ್‌ ಶೆಟ್ಟಿ, ತಾಂತ್ರಿಕ ನಿರ್ದೇಶಕ ಮಹೇಶ್‌ಕುಮಾರ್‌, ಅಂಗವಿಕಲ ಮಕ್ಕಳ ಪಾಲಕರ ವಿಭಾಗದ ಅಧ್ಯಕ್ಷ ಮಹಮ್ಮದ್‌ ಬಶೀರ್‌, ಜಿಲ್ಲಾ ಘಟಕದ ಅಧ್ಯಕ್ಷ ಮಾಧವ ಸುವರ್ಣ,ಉಡುಪಿ–ದಕ್ಷಿಣ ಕನ್ನಡ ಜಿಲ್ಲಾ ಘಟಕದ ಮೇಲ್ವಿಚಾರಕಿ ಆಗ್ನೇಸ್‌ಕುಂದರ್‌, ಮೀರಾ ಸತೀಶ್‌ ಉಪಸ್ಥಿತರಿದ್ದರುಸ್ಪೆಷಲ್‌ ಒಲಿಂಪಿಕ್‌ ರಾಜ್ಯ ವಲಯ ನಿರ್ದೇಶಕ ವಸಂತಕುಮಾರ್‌ ಶೆಟ್ಟಿ ಸ್ವಾಗತಿಸಿದರು. ರಾಷ್ಟ್ರೀಯ ಅಥ್ಲೆಟಿಕ್‌ ಕೋಚ್‌ ನಾರಾಯಣ ಶೆರ್ವೇಗಾರ ವರದಿ ಮಂಡಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
ದೇಶದ ಎಲ್ಲೆಡೆಗೆ ಯೋಗ ಗ್ರಾಮ ವಿಸ್ತರಣೆ

ಉಜಿರೆ
ದೇಶದ ಎಲ್ಲೆಡೆಗೆ ಯೋಗ ಗ್ರಾಮ ವಿಸ್ತರಣೆ

22 Nov, 2017
14 ವರ್ಷದಿಂದ ಬೀದಿ ಮಡೆಸ್ನಾನದ ಸೇವೆ

ಸುಬ್ರಹ್ಮಣ್ಯ
14 ವರ್ಷದಿಂದ ಬೀದಿ ಮಡೆಸ್ನಾನದ ಸೇವೆ

22 Nov, 2017

ಮಂಗಳೂರು
‘ತನಿಖಾ ವರದಿಯಲ್ಲಿ ಸ್ವಂತಿಕೆ ನಾಪತ್ತೆ’

ಪೈಪೋಟಿಗೆ ಬಿದ್ದಿರುವ ಮಾಧ್ಯಮ ಗಳು ನೀತಿ ಸಂಹಿತೆಗಳನ್ನು ಮರೆತಂತೆ ವರ್ತಿಸುತ್ತಿರುವುದು ವಿಷಾದದ ಸಂಗತಿ. ಭಯೋತ್ಪಾದಕರ ದಾಳಿ ನಡೆದಾಗ ಕೆಲವು ಸುದ್ದಿ ವಾಹಿನಿಗಳು ನೇರ ಪ್ರಸಾರ...

22 Nov, 2017
‘ಭಾರತ ಕಲೆ, ಸಂಸ್ಕೃತಿಯ ತವರೂರು’

ಮಂಗಳೂರು
‘ಭಾರತ ಕಲೆ, ಸಂಸ್ಕೃತಿಯ ತವರೂರು’

21 Nov, 2017

ಮಂಗಳೂರು
ಕಡಲ ತೀರಕ್ಕೆ ಬಂದ ನೌಕೆಗಳು

2008 ರಲ್ಲಿ ನಡೆದ ಮುಂಬೈ ಉಗ್ರರ ದಾಳಿಯ ನಂತರ ಕರಾವಳಿಯಲ್ಲಿ ಭದ್ರತೆಯನ್ನು ಹೆಚ್ಚಿಸಲಾಗಿದ್ದು, ಈ ಹಿನ್ನೆಲೆಯಲ್ಲಿ ಸಾಗರ ಕವಚ ಅಣಕು ಕಾರ್ಯಾಚರಣೆ ನಡೆಸಲಾಗುತ್ತಿದೆ.

21 Nov, 2017