ಸಾಮಾನ್ಯವಾಗಿ ಎಲ್ಲಾ ಪ್ರಾಣಿ, ಪಕ್ಷಿಗಳು ಹುಟ್ಟಿದ ತಕ್ಷಣವೇ ಅವುಗಳು ಹೆಣ್ಣೋ, ಗಂಡೋ ಎಂಬುದು ತಿಳಿಯುತ್ತದೆ. ಆದರೆ ಸಮುದ್ರ ಆಮೆಗಳ ಲಿಂಗ ಮಾತ್ರ ಹುಟ್ಟಿದ ಹಲವು ದಿನಗಳ ನಂತರ ನಿರ್ಧಾರವಾಗುತ್ತದೆ.
ಆಮೆಗಳ ಗೂಡಿನ ಉಷ್ಣತೆಯೇ ಅವುಗಳ ಲಿಂಗವನ್ನು ನಿರ್ಧರಿಸುತ್ತದೆ ಎಂದಿದೆ ಹೊಸ ಅಧ್ಯಯನ. ಹೀಗೊಂದು ಬೆರಗು ಮೂಡಿಸುವ ಅಧ್ಯಯನ ನಡೆಸಿರುವುದು ಫ್ಲೋರಿಡಾದ ಆಟ್ಲಾಂಟಿಕ್‌ ವಿಶ್ವವಿದ್ಯಾಲಯ.
ಸಮುದ್ರದ ಮರಿ ಆಮೆಗಳು ಎಕ್ಸ್‌ ಅಥವಾ ವೈ ಕ್ರೋಮೊಸೋಮ್‌ ಹೊಂದಿರುವುದಿಲ್ಲ. ಗೂಡಿನಲ್ಲಿ ಉಷ್ಣತೆಯ ಆಧಾರದ ಮೇಲೆ ಭ್ರೂಣವು ಗಂಡು ಅಥವಾ ಹೆಣ್ಣಾಗಿ ರೂಪು ತಳೆಯುತ್ತದೆ.
ಬೆಚ್ಚಗಿನ ಮರಳು ಹೆಣ್ಣು ಮತ್ತು ತಂಪಾದ ಮರಳು ಗಂಡು ಆಮೆಗಳ ಉತ್ಪತ್ತಿಗೆ ನೆರವಾಗುತ್ತದೆ. ಜಾಗತಿಕ ತಾಪಮಾನ ಏರುತ್ತಿರುವುದು ಹಾಗೂ ವಾತಾವರಣದಲ್ಲಿನ ಬದಲಾವಣೆ ಕಾರಣ ಇವುಗಳ ಹೆಣ್ಣು ಸಂತತಿಯೇ ಹೆಚ್ಚುತ್ತಿದೆ. ಇದರಿಂದ ಇವುಗಳ ಸಂತತಿ ನಶಿಸುವ ಅಪಾಯ
ವಿದೆ ಎನ್ನುತ್ತದೆ ಈ ಸಂಶೋಧನೆ.
