‘ನಮ್ಮ ಮೆಟ್ರೊ’ ಕಾಮಗಾರಿಯ ಮೊದಲ ಹಂತದ ವೆಚ್ಚ ಪ್ರತಿ ಕಿ.ಮೀಗೆ ₹ 144 ಕೋಟಿ ಹೆಚ್ಚಾಗಲು ಕಾಮಗಾರಿಯಲ್ಲಾದ ವಿಳಂಬ ಕಾರಣ (ಪ್ರ.ವಾ., ಏ, 17). ಯೋಜನೆಯನ್ನು ಅನುಷ್ಠಾನಗೊಳಿಸುತ್ತಿರುವವರಿಗಾಗಲಿ, ಸರ್ಕಾರಕ್ಕಾಗಲಿ ವಿಳಂಬದ ಬಗ್ಗೆ ಬೇಸರ ಇದ್ದಂತಿಲ್ಲ. ಏಕೆಂದರೆ ಹೊರೆ ಬೀಳುವುದು ಸಾಮಾನ್ಯ ಜನರ ಮೇಲೆ.
ವಿಳಂಬಕ್ಕೆ ಕಾರಣವೇನು ಎಂಬ ಬಗ್ಗೆ ಬಿ.ಎಂ.ಆರ್.ಸಿ.ಎಲ್. ಈಚೆಗೆ ನಗರಾಭಿವೃದ್ಧಿಗೆ ಇಲಾಖೆಗೆ ಒಂದು ವರದಿ ಕೊಟ್ಟಿದೆಯಂತೆ. ವಿಳಂಬಕ್ಕೆ ಯಾರು ಹೊಣೆ, ಅವರ ವಿರುದ್ಧ ಕ್ರಮ ಜರುಗಿಸಲು ವರದಿಯಲ್ಲಿ ಸೂಚಿಸಲಾಗಿದೆಯೇ ಎಂಬಂಥ ಪ್ರಶ್ನೆಗಳಿಗೆ ಉತ್ತರ ತಿಳಿಯಬೇಕು. ಪಾರದರ್ಶಕ ಆಡಳಿತದ ಭರವಸೆ ಕೊಡುವ ಸರ್ಕಾರ ಏನು ಹೇಳುತ್ತದೆ?
ಮೆಟ್ರೊ ಎಂಬ ಉಪಯುಕ್ತ ಯೋಜನೆ ವಿನಾಕಾರಣ ಬಿಳಿಯಾನೆಯಾಗಬಾರದು. -ಸಾಮಗ ದತ್ತಾತ್ರಿ, ಬೆಂಗಳೂರು