ಜಗವ ಬೆಳಗಿದ ಅಣ್ಣ ಕತ್ತಲೆಯಲ್ಲಿ!

ಪುರಸಭೆಯವರಿಗೆ ಸತತ ಹೇಳುತ್ತಲೇ ಬಂದರೂ ಅವರು ಕ್ಯಾರೇ ಎನ್ನದ ಕಾರಣ  ಬಸವಣ್ಣನ ಕುದುರೆಗೆ ಕಂದೀಲು ಕಟ್ಟಿ ವಿಶಿಷ್ಟ ರೀತಿಯ ಪ್ರತಿಭಟನೆ ಮಾಡಲಾಗಿದೆ ಎಂದು ಅವರು ವಿವರಿಸಿದರು.ಪಟ್ಟಣದ ಹೃದಯ ಭಾಗದಲ್ಲಿರುವ ಹಾಗೂ ನಾಲ್ಕು ಪ್ರಮುಖ ರಸ್ತೆಗಳು ಕೂಡುವ ಸ್ಥಳದಲ್ಲಿ ಕರ್ನಾಟಕದಲ್ಲಿಯೇ ಎರಡನೆಯ ಅತೀ ಎತ್ತರದ ಬಸವಣ್ಣನ ಮೂರ್ತಿಯನ್ನು ಈಗ್ಗೆ ಐದು ವರ್ಷಗಳ ಹಿಂದೆ ಪ್ರತಿಷ್ಠಾಪಿಸಲಾಗಿದೆ. ಇದಕ್ಕೆ ಬೆಳಕು ಚೆಲ್ಲಲಿ ಎಂದೇ ಹೈಮಾಸ್ಟ್‌ ದೀಪ ಸಹ ಅಳವಡಿಸಲಾಗಿದೆ, ಆದರೆ ಕಳೆದ ಒಂದು ತಿಂಗಳಿಂದ ಈ ವೃತ್ತಕ್ಕೆ ಬೆಳಕು ಇಲ್ಲದೇ ಬಸವಣ್ಣ ಸಂಪೂರ್ಣ ಕತ್ತಲೆ ಯಲ್ಲಿ ಉಳಿದಿದ್ದಾನೆ. ಬಸವಣ್ಣನ ಮೇಲೆ ಇರುವ ದೀಪಗಳನ್ನು ಬೆಳಗಿಸುವಂತೆ ಆಗ್ರಹಿಸಿದರು.

ಪುರಸಭೆ ಅವ್ಯವಸ್ಥೆ ಬಗ್ಗೆ ಪುರಸಭೆ ಯಲ್ಲಿ ಬೀದಿ ದೀಪಗಳ ಉಸ್ತುವಾರಿ ವ್ಯವಸ್ಥಾಪಕ ರಮೇಶ ಮಾಡಬಾಳ ಅವ ರನ್ನು ಮಾತನಾಡಿಸಿದಾಗ, ಬಸವೇಶ್ವರ ವೃತ್ತದ ವಿದ್ಯುತ್ ಸರಬರಾಜು ಮಾಡುವ ಟಿ.ಸಿ.ಸುಟ್ಟಿದೆ, ಅದನ್ನು ಹಾಕಿ ಕೊಡಿ ಎಂದು ಕೆಇಬಿ ಸೆಕ್ಶನ್ ಆಫೀಸ್‌ರಿಗೆ ಹೇಳಿ, ಹೇಳಿ ಸಾಕಾಗಿ ಹೋಗಿದೆ, ಅವರ ಬಳಿ ಟಿ.ಸಿ.ಸ್ಟಾಕ್ ಇಲ್ಲವಂತೆ, ಏನೇ ಮಾಡಿಯಾದರೂ ನಾಳೆ ಖಂಡಿತ ಹೈ ಮಾಸ್ಟ್‌ ದೀಪ ಬೆಳಗುವಂತೆ ಮಾಡುವು ದಾಗಿ ಅವರು ಹೇಳಿದರು.ಬಸವ ಜಯಂತಿ (ಏ.29) ಹತ್ತಿರ ದಲ್ಲಿಯೇ ಇದೆ, ಬಸವಣ್ಣನ ಮೂರ್ತಿಯ ಮೇಲೆ ಸತತ ಬೆಳಕು ಚೆಲ್ಲುವಂತೆ ವ್ಯವಸ್ಥೆ ಮಾಡಬೇಕು. ಇಲ್ಲವಾದರೆ ಅವರ ವಿರುದ್ಧ ಕಠಿಣ ಕ್ರಮ ಜರುಗಿಸಬೇಕು ಎಂದು ಬಸವೇಶ್ವರ ಮೂರ್ತಿ ಪ್ರತಿಷ್ಠಾ ಪನಾ ಸಮಿತಿ ಅಧ್ಯಕ್ಷ ಅಡಿವೆಪ್ಪ ಕಡಿ, ರಾಜು ದಡ್ಡಿ, ರಾಜು ಜೋಳದ, ಮಲ್ಲಣ್ಣ ಬಿರಾದಾರ ಮತ್ತಿತರರು ಆಗ್ರಹಿಸಿದ್ದಾರೆ.