*ಬೆಡ್‌ರೂಂ ಆಯತ ಅಥವಾ ಚೌಕ ಆಕಾರದಲ್ಲಿರಬೇಕು. ಆಯತಾಕಾರವಿದ್ದಾಗ 20 ಅಡಿ ಉದ್ದ, 10 ರಿಂದ 40 ಅಡಿ ಅಗಲವಿರಬೇಕು.
*ಮಲಗುವ ಕೋಣೆ ಮನೆಯ ನೈರುತ್ಯ ಭಾಗದಲ್ಲಿ ಇರಬೇಕು.
*ಮಾಸ್ಟರ್‌ ಬೆಡ್‌ರೂಂ ಮನೆಯ ಉಳಿದ ಕೋಣೆಗಳಿಗಿಂತ ದೊಡ್ಡದಾಗಿರಬೇಕು.
*ಮನೆಯ ಮಧ್ಯಭಾಗದಲ್ಲಿ ಮಲಗುವ ಕೋಣೆ ಇರಬಾರದು.
*ಪ್ರಾಣಿಗಳ ಚಿತ್ರ, ಬೆಂಕಿಯ ದೃಶ್ಯ, ಹೂವು ಮತ್ತು ಹಣ್ಣುಗಳಿಲ್ಲದ ಮರ, ಪಾರಿವಾಳ, ಕಾಗೆ, ಹಾವು, ಹದ್ದು, ಗೂಬೆಗಳ ಚಿತ್ರಗಳನ್ನು ಮಲಗುವ ಕೋಣೆಯಲ್ಲಿ ನೇತು ಹಾಕಬಾರದು.
*ಉತ್ತರದ ದಿಕ್ಕಿಗೆ ತಲೆ ಹಾಕುವುದು ಬೇಡ ಎಂದು ಗಣಪನ ಕಥೆಯೇ ಹೇಳುತ್ತದೆ. ಹಾಗಾಗಿ ನೆಮ್ಮದಿಯ ನಿದ್ದೆಗೆ ದಕ್ಷಿಣ ದಿಕ್ಕು ಸೂಕ್ತ. ಪೂರ್ವ ದಿಕ್ಕು ಕೂಡ ಒಳ್ಳೆಯದು.
*ಮಲಗುವ ಕೋಣೆಯಲ್ಲಿ ಅಕ್ವೇರಿಯಂ ಇಲ್ಲದಿರುವುದೇ ಒಳ್ಳೆಯದು. ಈಜುವ ಮೀನುಗಳನ್ನು ನೋಡುವುದರಿಂದ ಮಾನಸಿಕ ಒತ್ತಡ ಕಡಿಮೆ ಆಗುತ್ತದೆ ಎಂಬುದು ನಿಜ ಆದರೂ, ಅದನ್ನು ಬೆಡ್‌ರೂಮ್‌ನಲ್ಲಿ ಇರಿಸುವುದರಿಂದ ದಂಪತಿಯ ನಡುವೆ ವಿರಸ ಮೂಡಬಹುದು.
*ಮಲಗುವ ದಿಕ್ಕಿಗೆ ನೇರವಾಗಿ ಕನ್ನಡಿಯನ್ನು ಇರಿಸಬಾರದು. ಒಂದು ವೇಳೆ ಇರಿಸಿದ್ದರೂ, ಅದನ್ನು ಬಟ್ಟೆಯಿಂದ ಮುಚ್ಚಿಡಿ. ಇಲ್ಲದಿದ್ದರೆ ಕೆಟ್ಟ ಕನಸುಗಳು ಬೀಳಬಹುದು.
