ಮುದ ನೀಡಿದ ಕೊರವಂಜಿ, ರಾಯಣ್ಣ

ಹಿರಣ್ಯಕಶಿಪು, ದುರ್ಯೋಧನ, ಶಕುಂತಲೆ, ಗಾಂಧಾರಿ, ಸುಭಾಶ್ಚಂದ್ರ ಬೋಸ್ ಪಾತ್ರಗಳು ವೇದಿಕೆ ಮೇಲೇರಿದಾಗ ಸಭಾಂಗಣದಲ್ಲಿ ಶಿಳ್ಳೆ–ಚಪ್ಪಾಳೆಯ ಸದ್ದು ಜೋರಾಯಿತು. ‘ಕಬಾಲಿ’ ವೇಷಧಾರಿ ಬಂದಾಗ ಸಭಾಂಗಣದಲ್ಲಿದ್ದವರು ರೋಮಾಂಚನಗೊಂಡರು. ಶ್ವೇತಾ ಶಿರಬಡಗಿ, ಕಾರ್ತಿಕ್ ರಾಯ್ಕರ್, ಸುನೀಲ, ನಿತೇಶ್ ಡಂಬಳ, ಅಂಜಲಿದೇವಿ, ವರ್ಷಾ ಮಾನೆ, ಮಮತಾ ಕುಲಕರ್ಣಿ, ಮುತ್ತುರಾಜ್ ವೈವಿಧ್ಯಮಯ ಪಾತ್ರಗಳಲ್ಲಿ ಗಮನ ಸೆಳೆದರು.

ಸಂಚಾರ ನಿಯಮ ಪಾಲನೆಗೆ ಸಲಹೆಮುಖ್ಯ ಅತಿಥಿಯಾಗಿದ್ದ ಉಪ ಪೊಲೀಸ್ ಆಯುಕ್ತ ಮಲ್ಲಿಕಾರ್ಜುನ ಬಾಲದಂಡಿ ಸಂಚಾರ ನಿಯಮಗಳನ್ನು ಪಾಲಿಸಲು ವಿದ್ಯಾರ್ಥಿಗಳು ಮುಂದಾಗಬೇಕು ಎಂದು ಸಲಹೆ ನೀಡಿದರು.‘ರಸ್ತೆ ಅಪಘಾತಗಳಲ್ಲಿ ಪ್ರಾಣ ಕಳೆದುಕೊಳ್ಳುವವರ ಸಂಖ್ಯೆ ಹೆಚ್ಚುತ್ತಿದೆ. ಇದನ್ನು ತಡೆಯಲು ಪೊಲೀಸ್ ಇಲಾಖೆ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತಿದೆ. ಆದರೂ ಜನರು ಪೂರಕವಾಗಿ ಸ್ಪಂದಿಸುವುದಿಲ್ಲ’ ಎಂದು ಅವರು ವಿಷಾದಿಸಿದರು.

ಕೆಎಲ್‌ಇ ಸಂಸ್ಥೆಯ ಆಡಳಿತ ಮಂಡಳಿ ಸ್ಥಳೀಯ ನಿರ್ದೇಶಕರಾದ ಎಸ್‌.ಐ.ಮುನವಳ್ಳಿ ಹಾಗೂ ವಿ.ಎಸ್‌. ಸಾಧುನವರ ಮಾತನಾಡಿದರು.ಕಾಡಸಿದ್ದೇಶ್ವರ ಕಾಲೇಜಿನ ಪ್ರಾಚಾರ್ಯ ಬಿ.ಆರ್‌. ಪಾಟೀಲ, ಕ್ರೀಡಾ ವಿಭಾಗದ ಸಂಯೋಜಕ ಆರ್‌.ಎಫ್‌.ಇಂಚಲ, ಕೆಎಲ್‌ಇ ಸಂಸ್ಥೆಯ ಸ್ಥಾನಿಕ ಆಡಳಿತ ಮಂಡಳಿ ಅಧ್ಯಕ್ಷ ಸಿ.ಬಿ. ಪಾಟೀಲ ಇದ್ದರು.