ವಚನ ಸಾಹಿತ್ಯ ಮನುಕುಲದ ಆಸ್ತಿ: ಪಾಟೀಲ

‘ಚನ್ನಬಸವ ಪಟ್ಟದ್ದೇವರು ಹೊರಗಡೆ ಉರ್ದು ಬೋರ್ಡ್ ಹಾಕಿ ಒಳಗಡೆ ಕನ್ನಡ ಕಲಿಸುವುದರ ಮೂಲಕ ಈ ಭಾಗದಲ್ಲಿ ಕನ್ನಡವನ್ನು ಜೀವಂತವಾಗಿರಿಸಿದ ಮಹಾ ಪುರುಷರು. ಕರ್ನಾಟಕ ಏಕೀಕರಣ ಚಳವಳಿಯಲ್ಲಿ ಅವರ ಪಾತ್ರ ಸ್ಮರಣೀಯವಾಗಿತ್ತು’ ಎಂದರು.

‘ನಾಡು, ನುಡಿಯ ವಿಷಯಕ್ಕೆ ಬಂದಾಗ ನಾವು ಯಾರನ್ನೂ ಬಿಡುವುದಿಲ್ಲ. ಕನ್ನಡಪರ ಹೋರಾಟಗಾರರ ಕುರಿತು ಅವಹೇಳನಕಾರಿ ಮಾತುಗಳನ್ನಾಡಿದ ಬಾಹುಬಲಿ-2 ಚಿತ್ರದಲ್ಲಿ ನಟಿಸಿರುವ ಸತ್ಯರಾಜು ಕನ್ನಡಿಗರಲ್ಲಿ ಬೇಷರತ್ ಕ್ಷಮೆಯಾಚಿಸಿದ್ದಾರೆ. ನಮ್ಮನಾಳುವ ಸರ್ಕಾರಗಳ ನಿರಾಸಕ್ತಿಯಿಂದಲೇ ಕನ್ನಡ ಭಾಷೆ ಎತ್ತರ ಮಟ್ಟಕ್ಕೆ ಬೆಳೆದಿಲ್ಲ’ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
***
ಗಮನ ಸೆಳೆದ ವಿವಿಧ ಕಲಾ ತಂಡಗಳ ಪ್ರದರ್ಶನ
ಭಾಲ್ಕಿ: ಡಾ.ಚನ್ನಬಸವ ಪಟ್ಟದ್ದೇವರ 18ನೇ ಸ್ಮರಣೋತ್ಸವ ಮತ್ತು ವಚನ ಜಾತ್ರೆ ನಿಮಿತ್ತ ಪಟ್ಟಣದಲ್ಲಿ ಶುಕ್ರವಾರ ವಿಶ್ವಗುರು ಬಸವಣ್ಣನವರ, ಡಾ.ಚನ್ನಬಸವ ಪಟ್ಟದ್ದೇವರ ಭಾವಚಿತ್ರದ ಭವ್ಯ ಮೆರವಣಿಗೆ ಜನರ ಮನಸೂರೆಗೊಂಡಿತು.

ಹಿರೇಮಠ ಸಂಸ್ಥಾನದಲ್ಲಿ ಪುರಸಭೆ ಅಧ್ಯಕ್ಷ ವಿಶಾಲ ಮೆರವಣಿಗೆಗೆ ಚಾಲನೆ ನೀಡಿದರು. ಮೆರವಣಿಗೆಯು ಚವಡಿ, ತೀನ್‌ದುಕಾನ್, ಬೋಮಗೊಂಡೇಶ್ವರ ವೃತ್ತ, ಬಸ್ ನಿಲ್ದಾಣ, ಅಂಬೇಡ್ಕರ್ ವೃತ್ತ, ಗಾಂಧಿ ವೃತ್ತ, ಬಸವೇಶ್ವರ ವೃತ್ತದ ಮೂಲಕ ಸಾಗಿ ಚನ್ನಬಸವಾಶ್ರಮದಲ್ಲಿ ಸಮಾವೇಶಗೊಂಡಿತು.

ಶಾಲಾ ಮಕ್ಕಳ ಕೋಲಾಟ, ನೃತ್ಯ, ಲೇಜಿಮ್, ಡೊಳ್ಳು ಕುಣಿತ, ವೀರಗಾಸೆ, ಶರಣರ ವೇಷಭೂಷಣ ಮೆರವಣಿಗೆಗೆ ಮೆರಗು ತಂದು ಕೊಟ್ಟವು. ಅಕ್ಕನ ಬಳಗದ ಸಂಗಡಿಗರಿಂದ ನೃತ್ಯ, ಕೋಲಾಟ ಗಮನ ಸೆಳೆಯಿತು.

ಡಾ.ಬಸವಲಿಂಗ ಪಟ್ಟದ್ದೇವರು, ಗುರುಬಸವ ದೇವರು, ಜಿಲ್ಲಾ ಉಸ್ತುವಾರಿ ಸಚಿವ ಈಶ್ವರ ಖಂಡ್ರೆ, ಮಾಜಿ ಶಾಸಕ ಪ್ರಕಾಶ ಖಂಡ್ರೆ, ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷೆ ರೇಖಾ ಪಾಟೀಲ, ವೈಜಿನಾಥ ಸಿರ್ಸಗಿ, ಮಹಾದೇವ ಸ್ವಾಮಿ, ಸಿದ್ರಾಮಪ್ಪ ವಂಕೆ, ಶಶಿಧರ ಕೋಸಂಬೆ, ಸಂಗಮೇಶ ಗುಮ್ಮೆ, ಸಂಗಮೇಶ ವಾಲೆ, ಕಪಿಲ ಕಲ್ಯಾಣೆ, ಸೋಮನಾಥಪ್ಪ ಅಷ್ಟೂರೆ, ಸಿದ್ರಾಮಪ್ಪ ಆಣದೂರೆ, ಸಿದ್ರಾಮಪ್ಪ ವಂಕೆ, ಕಿರಣ ಖಂಡ್ರೆ, ಶಿವಕುಮಾರ ಕಲ್ಯಾಣೆ, ಬಸವ ವಂಕೆ, ಜೀವನ ಪೆದ್ದೆ, ಬಾಬುರಾವ ಬಿರಾದಾರ, ಮಲ್ಲಿಕಾರ್ಜುನ ಹಲ್ಮಂಡಗೆ, ವಿಜಯಕುಮಾರ ಪಾಟೀಲ, ಉಮಾಕಾಂತ ವಾರದ್, ಸಂಗಮೇಶ ವಾಲೆ, ಬಸವರಾಜ ಮರೆ, ನಾಗಶೆಟ್ಟಿ ದಳಪತಿ, ಸುಧಾಕರ ದೇಶಪಾಂಡೆ, ಹಣಮಂತರಾವ ಕಾರಾಮುಂಗೆ, ಅಶೋಕ ಲೋಖಂಡೆ ಇದ್ದರು.