ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬಿಎಸ್‌ಎನ್‌ಎಲ್‌ 3 ಹೊಸ ಕೊಡುಗೆ

Last Updated 22 ಏಪ್ರಿಲ್ 2017, 19:43 IST
ಅಕ್ಷರ ಗಾತ್ರ

ನವದೆಹಲಿ: ಬಿಎಸ್‌ಎನ್‌ಎಲ್ ಸಂಸ್ಥೆಯು ₹333 ರಿಂದ ₹395 ದರದಲ್ಲಿ ಮೂರು ಹೊಸ ಕೊಡುಗೆಗಳನ್ನು ಘೋಷಿಸಿದೆ.

ಈ ಕೊಡುಗೆಗಳಲ್ಲಿ ಒಂದು ದಿನಕ್ಕೆ 3 ಜಿಬಿವರೆಗೆ ಡೇಟಾ ಬಳಕೆ ಮತ್ತು ಅನಿಯಮಿತ ಕರೆ ಸೌಲಭ್ಯವನ್ನು ನೀಡಿದೆ.  ಕೊಡುಗೆ ಅವಧಿ 90 ದಿನಗಳಿಗೆ ಸೀಮಿತ.

‘ಟ್ರಿಪಲ್‌ ಏಸ್‌’ ಕೊಡುಗೆಯಲ್ಲಿ ₹333ಕ್ಕೆ 90 ದಿನಗಳ ಅವಧಿ ಇದ್ದು, 3 ಜಿಬಿವರೆಗೆ 3ಜಿ ವೇಗದಲ್ಲಿ ಅನಿಯಮಿತ ಡೇಟಾ ಸಿಗಲಿದೆ.

‘ದಿಲ್‌ ಖೋಲ್‌ಕೆ ಬೋಲ್‌’ ಕೊಡುಗೆಯಲ್ಲಿ ₹349 ಪಾವತಿಸಿದರೆ ಅನಿಯಮಿತ ಸ್ಥಳೀಯ ಮತ್ತು ಎಸ್‌ಟಿಡಿ ಕರೆಗಳು ಮತ್ತು ಪ್ರತಿ ದಿನ 3ಜಿ ವೇಗದಲ್ಲಿ 2ಜಿಬಿ ಡೇಟಾ ಸಿಗಲಿದೆ (ಪ್ರತಿ ಸೆಕೆಂಡ್‌ಗೆ 80ಕಿಲೊ ಬೈಟ್‌ನಂತೆ).

‘ನೇಲೆ ಪೆ ದೇಲಾ’ ಕೊಡುಗೆಯಲ್ಲಿ ₹395 ಪಾವತಿಸಿದರೆ ಬಿಎಸ್‌ಎನ್‌ಎಲ್ ನೆಟ್‌ವರ್ಕ್‌ಗೆ 3,000 ನಿಮಿಷಗಳ ಕರೆ ಮತ್ತು ಬೇರೆ ನೆಟ್‌ವರ್ಕ್‌ಗಳಿಗೆ 1,800 ನಿಮಿಷದ ಕರೆ ಸೌಲಭ್ಯವಿದೆ. ‘3ಜಿ ’ ವೇಗದಲ್ಲಿ ಪ್ರತಿ ದಿನ 2ಜಿಬಿ ಡೇಟಾ ಬಳಸಬಹುದು. ಅವಧಿ 71 ದಿನ.

ಜಿಯೋ ಮಾರುಕಟ್ಟೆ ಪ್ರವೇಶದಿಂದ  ಕರೆ ಮತ್ತು ಡೇಟಾಕ್ಕೆ ಸಂಬಂಧಿಸಿದಂತೆ  ಸೇವಾದಾತ ಸಂಸ್ಥೆಗಳ ಮಧ್ಯೆ ದರ ಸಮರ ಆರಂಭವಾಗಿದೆ. ಗ್ರಾಹಕರನ್ನು ಆಕರ್ಷಿಸಲು ಎಲ್ಲಾ ಸಂಸ್ಥೆಗಳು ಹೊಸ ಕೊಡುಗೆಗಳನ್ನು ನೀಡಲಾರಂಭಿಸಿವೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT