ಮೆಣಸಿನಕಾಯಿ ಧಾರಣೆ ಕುಸಿತ

‘ಕಳೆದ ವರ್ಷ ಕ್ವಿಂಟಲ್‌ಗೆ ₹ 12 ಸಾವಿರ ಇತ್ತು. ಈಗ ₹ 3.5 ಸಾವಿರಕ್ಕೆ ಇಳಿದಿದೆ’ ಎಂದು ನೋವು ತೋಡಿಕೊಂಡರು   ಶ್ರೀರಾಮರಂಗಾಪುರ, ಸುಗ್ಗೇನಹಳ್ಳಿ, ಮಾವಿನಹಳ್ಳಿ, ಜೀರಿಗನೂರು ರೈತರು.ಇನ್ನೊಂದೆಡೆ ಕೆಲ ರೈತರು ಬಳ್ಳಾರಿ, ಬ್ಯಾಡಗಿ, ಚಳ್ಳಕೆರೆ, ಪಾವಗಡ, ಆಂಧ್ರಪ್ರದೇಶದ ಹಿಂದುಪುರ, ಮದನಪಲ್ಲಿ, ಮಡಕಶಿರ ಪಟ್ಟಣಗಳ ಶಿಥಿಲೀಕರಣ ಘಟಕಗಳಲ್ಲಿ ದಾಸ್ತಾನು ಮಾಡಿದ್ದಾರೆ.

‘ಆಂಧ್ರಪ್ರದೇಶ ಸರ್ಕಾರ ಬೆಂಬಲ ಬೆಲೆ ನೀಡಿದೆ. ತೆಲಂಗಾಣ ರಾಜ್ಯವು ರೈತರ ಸಾಲ ಮನ್ನಾ ಮಾಡಿದೆ. ಇಲ್ಲಿನ ಸರ್ಕಾರವು ರೈತರ ಸಂಕಷ್ಟಕ್ಕೆ ಸ್ಪಂದಿಸಬೇಕು’ ಎಂದು ಶ್ರೀರಾಮರಂಗಾಪುರದ  ಬೆಳೆಗಾರರಾದ ಚಿನ್ನ ಹನುಮಂತ, ಆರ್.ಸುಬ್ಬಯ್ಯ, ನಾರಾಯಣಸ್ವಾಮಿ, ಟಿ.ಶ್ರೀನಿವಾಸುಲು, ಯರಿಸ್ವಾಮಿ, ಲಕ್ಷ್ಮಯ್ಯ, ಕಿಶೋರ್  ಆಗ್ರಹಿಸಿದ್ದಾರೆ.