ಶಿರಸಿಯ ಗುರುನಗರದಲ್ಲಿರುವ ತಮ್ಮ ಸ್ವಂತ ಮನೆಯ ಚಾವಣಿಯಲ್ಲಿ ಅವರು ಸೋಲಾರ್ ವಿದ್ಯುತ್ ಉತ್ಪಾ ದನೆ ಮಾಡಿ ಮನೆಯ ಬಳಕೆಗೆ ಆಗಿ ಮಿಕ್ಕ ವಿದ್ಯುತ್ ಅನ್ನು ಹೆಸ್ಕಾಂಗೆ ಮಾರಾಟ ಮಾಡುತ್ತಾರೆ.‘ವಿದ್ಯುತ್ ಸ್ವಾವಲಂಬನೆ ಸಾಧಿಸುವ ಜೊತೆಗೆ ಪರಿಸರ ಸ್ನೇಹಿ ವ್ಯವಸ್ಥೆ ಅಳವಡಿಸುವ ಕನಸಿನೊಂದಿಗೆ 5 ಕಿಲೊ ವ್ಯಾಟ್ ಸಾಮರ್ಥ್ಯದ ಸೋಲಾರ್ ಘಟಕ ಸ್ಥಾಪಿಸಿದೆ. ಇದಕ್ಕೆ ತಗುಲಿದ ವೆಚ್ಚ ₹ 4.5 ಲಕ್ಷ. ಸೋಲಾರ್ ಹಾಕಿದ ಮೊದಲ ತಿಂಗಳಿನಿಂದಲೇ ಹೆಸ್ಕಾಂಗೆ ವಿದ್ಯುತ್ ಮಾರಾಟ ಮಾಡುತ್ತಿದ್ದೇನೆ. ನಮ್ಮ ಮನೆ ಬಳಕೆಗೆ ತಿಂಗಳಿಗೆ 150 ಯುನಿಟ್ ಬಳಕೆಯಾಗುತ್ತದೆ. ಇನ್ನುಳಿದ 600 ಯುನಿಟ್ ವಿದ್ಯುತ್ ಅನ್ನು ಹೆಸ್ಕಾಂ ಖರೀದಿಸುತ್ತದೆ. ತಿಂಗಳಿಗೆ ಸರಾಸರಿ ₹ 5,000 ಆದಾಯ ನಿಶ್ಚಿತ. ಕೆಲವು ತಿಂಗಳುಗಳಲ್ಲಿ ₹ 6,000 ವರಮಾನ ದೊರೆತಿದ್ದೂ ಇದೆ’ ಎಂದು ಹೆಮ್ಮೆಯಿಂದ ಹೇಳಿಕೊಂಡರು.