ತಾಲ್ಲೂಕು ದಂಡಾಧಿಕಾರಿ ಪ್ರಸನ್ನಮೂರ್ತಿ ರಥಕ್ಕೆ ಪೂಜೆ ಸಲ್ಲಿಸಿ, ತೇರು ಎಳೆಯಲು ಚಾಲನೆ ನೀಡಿದರು. ಶನೇಶ್ವರ ರಥ ಹಾನಗಲ್ಲಮ್ಮನ ರಥವನ್ನು ಹಿಂಬಾಲಿಸಿತು. ಭಕ್ತರಿಗೆ ಪ್ರಸಾದ ವಿನಿಯೋಗ ಮಾಡಲಾಯಿತು.ತಹಶೀಲ್ದಾರ್ ಪ್ರಸನ್ನಮೂರ್ತಿ, ಮಾಜಿ ಶಾಸಕ ಎ.ಟಿ. ರಾಮಸ್ವಾಮಿ, ಜಿ.ಪಂ ಮಾಜಿ ಅಧ್ಯಕ್ಷೆ ಭಾಗ್ಯಾ ಗೋವಿಂದೇಗೌಡ, ತಾ ಪಂ ಮಾಜಿ ಸದಸ್ಯ ಪಾಂಡುರಂಗ, ಸುತ್ತಮತ್ತಲ ಗ್ರಾಮಗಳ ಭಕ್ತರು ರಥೋತ್ಸವದಲ್ಲಿ ಪಾಲ್ಗೊಂಡಿದ್ದರು.ಬಿಸಿಲಿನಲ್ಲಿ ದಣಿದಿದ್ದ ಭಕ್ತರಿಗೆ ಮಜ್ಜಿಗೆ ವಿತರಿಸಿದರು.ರಥೋತ್ಸವದ ಅಂಗವಾಗಿ ಆಟಿಕೆಗಳು, ತಿಂಡಿ,ಪುರಿ, ಕಬ್ಬಿನಹಾಲಿನ ಅಂಗಡಿಗಳು ತೆರೆದಿದ್ದವು.
