ಈ ಚಿತ್ರ ತೆಗೆಯಲು ಅವರು ಬಳಸಿರುವ ಕ್ಯಾಮೆರಾ ನಿಕಾನ್ D 5300, ನಿಕಾನ್ ಜೂಂ ಲೆನ್ಸ್ 200–500 ಎಂ.ಎಂ., ಫೋಕಲ್ ಲೆಂಗ್ತ್ F/500 ಎಂ.ಎಂ, ಷಟರ್ ವೇಗ 1/500 ಸೆಕೆಂಡ್, ಐ.ಎಸ್.ಒ. 400, ಟ್ರೈಪಾಡ್ ಅಳವಡಿಸಲಾಗಿದೆ.
ಈ ಛಾಯಾಚಿತ್ರದ ತಾಂತ್ರಿಕ ಹಾಗೂ ಕಲಾತ್ಮಕ ವಿಶ್ಲೇಷಣೆ ಇಂತಿದೆ...
lನೋಡುಗನ ಕಣ್ಣನ್ನು ಒಮ್ಮೆಲೆ ತನ್ನತ್ತ ಸೆಳೆಯಬಲ್ಲ ಗುಣ ಈ ಚಿತ್ರಕ್ಕೆ ಇದೆ. ಎಕ್ಸ್ಪೋಶರ್ನ ಎಲ್ಲ ಅಂಶಗಳನ್ನೂ ಸೂಕ್ತವಾಗಿ ಅಳವಡಿಸಲಾಗಿದೆ.
lವಸ್ತುಗಳ ಚಲನೆ, ಜೊತೆಗೆ ಸತತವಾದ ನೀರಿನ ಅಲೆಗಳ ಸಂದರ್ಭಗಳನ್ನು ಗಮನದಲ್ಲಿಟ್ಟುಕೊಂಡು, ಷಟರ್ ವೇಗವನ್ನು 1/500 ಸೆಕೆಂಡ್ ಇಟ್ಟಿರುವುದು ಹಾಗೂ ಟ್ರೈಪಾಡ್ ಉಪಯೋಗಿಸಿರುವುದು ಶ್ಲಾಘನೀಯ ನಿರ್ಧಾರ.
lಅಪರ್ಚರ್ ಮೋಡ್ನಲ್ಲಿ F8 ಇಟ್ಟು ಕ್ಲಿಕ್ಕಿಸಿರುವುದರಿಂದ ಬಹು ಕಡಿಮೆ (shallow) ಸಂಗಮ ವಲಯವನ್ನು (ಡೆಪ್ತ್ ಆಫ್ ಫೀಲ್ಡ್ ಆಫ್ ಫೋಕಸ್) ಬಳಸಿದಂತಾಗಿದೆ. ಬೂದುಬಕ ಮತ್ತು ಅದರ ಕಾಲಿನ ಬಳಿ ಇರುವ ‘ಬೂದು ಮಂಗಟ್ಟೆ’ ಮಾತ್ರ ಉತ್ತಮವಾಗಿ ಫೋಕಸ್ ಆಗಿವೆ. ಇನ್ನಿತರ ಭಾಗಗಳು ಔಟ್ ಆಫ್ ಫೋಕಸ್ ಆಗಿವೆ.
lಅಪರ್ಚರ್ ಹೆಚ್ಚಿಸಿದ್ದರೆ (F11) ಆಗ ಫೋಕಸಿಂಗ್ನ ವ್ಯಾಪ್ತಿ ಹೆಚ್ಚುತ್ತಿತ್ತು. ಅದಕ್ಕೆ ಪೂರಕವಾಗಿ, ಷಟರ್ ವೇಗವನ್ನು 1/350 ಸೆಕೆಂಡ್ ಇಡಬೇಕಾಗುತ್ತಿತ್ತು. ಆಗ ನೀರಿನ ಮೇಲಿನ ಸಣ್ಣ ಅಲೆಗಳೂ, ಉಳಿದ ನಾಲ್ಕೂ ಸಣ್ಣ ಹಕ್ಕಿಗಳೂ ಸ್ಫುಟವಾಗಿ ಫೋಕಸ್ ಆಗಿ ಇಡೀ ಚೌಕಟ್ಟಿನ ಸೊಬಗು ಹೆಚ್ಚುತ್ತಿತ್ತು.
lಕಲಾತ್ಮಕ ಆಯಾಮದಿಂದ ವಿಶ್ಲೇಷಿಸುವುದಾದರೆ, ಮುಂಜಾನೆ ಬೆಳಕಿನ ಉತ್ತಮ ಉಪಯೋಗ, ಚೌಕಟ್ಟಿನಲ್ಲಿರುವ ಎಲ್ಲ ಸಂಗತಿಗಳೂ ಒಂದಕ್ಕೊಂದು ಪೂರಕವಾಗಿರುವುದು ಮತ್ತು ಚಿತ್ರ ಸಂಯೋಜನೆ ಗಮನ ಸೆಳೆಯುವಂತಿದೆ.
l‘ಬೂದುಬಕ’ದ ಬಿಚ್ಚಿದ ರೆಕ್ಕೆಗಳ ಮಾಟ, ತವಕದಿಂದ ಹೆದರಿದ ‘ಬೂದು ಮಂಗಟ್ಟೆ’ ಮತ್ತು ‘ಮೆಟ್ಟುಗಾಲು’ ಪುಟಾಣಿ ಹಕ್ಕಿಗಳು ದೌಡಾಯಿಸುತ್ತಿರುವ ಪರಿ, ಚಿತ್ರ ಹೇಳ ಬಯಸುವ ಕತೆಯ ಗಂಭೀರತೆಯನ್ನು ಪ್ರಸ್ತುತಪಡಿಸುತ್ತದೆ. ‘ಇದು ಬರೀ ಅನ್ಯೋನ್ಯ ತಾಯಿ- ಪಾಪುಗಳ ಸುಂದರ ಬೆಳಗಲ್ಲೋ ಅಣ್ಣಾ’ ಎಂಬ ಕಟು ಸತ್ಯವನ್ನೂ ಸಾದರಪಡಿಸುತ್ತದೆ.
ಕೆ.ಎಸ್.ರಾಜಾರಾಮ್, ksrajaram173@gmail.com