‘ಬಾಹುಬಲಿ’ ನಟ ಪ್ರಭಾಸ್ ಈಗ ಮತ್ತೊಂದು ಬಿಗ್ ಬಜೆಟ್ ಚಿತ್ರ ‘ಸಾಹೋ’ ಚಿತ್ರೀಕರಣದಲ್ಲಿ ತೊಡಗಿಕೊಂಡಿದ್ದಾರೆ. ಬಾಹುಬಲಿ-2 ಚಿತ್ರದ ಬಿಡುಗಡೆಯ ದಿನವೇ ಈ ಚಿತ್ರದ ಟ್ರೇಲರ್ ಸಹ ಬಿಡುಗಡೆಯಾಗಲಿದೆ.
‘ಬಾಹುಬಲಿ–2’ ಪ್ರದರ್ಶಿತವಾಗುವ ಚಿತ್ರಮಂದಿರಗಳಲ್ಲಿ ‘ಸಾಹೋ’ ಚಿತ್ರದ ಟ್ರೇಲರ್ ಪ್ರದರ್ಶಿಸುವುದು ಚಿತ್ರತಂಡದ ಉದ್ದೇಶ. ಕಣ್ಸೆಳೆಯುವ ಗ್ರಾಫಿಕ್ಸ್, ಆ್ಯನಿಮೇಶನ್, ಮೈನವಿರೇಳಿಸುವ ಸಾಹಸ ದೃಶ್ಯಗಳು ‘ಸಾಹೋ’ದಲ್ಲಿಯೂ ಕಾಣಿಸಿಕೊಳ್ಳಲಿವೆ. ತೆಲುಗು, ತಮಿಳು, ಹಿಂದಿ ಭಾಷೆಗಳಲ್ಲಿ ಚಿತ್ರ ನಿರ್ಮಾಣವಾಗಲಿದೆ. ಚಿತ್ರದ ಬಜೆಟ್ ₹150 ಕೋಟಿ ಎನ್ನಲಾಗಿದೆ.