ಜಗತ್ತು ಪ್ಲಾಸ್ಟಿಕ್ ಎಂಬ ಟೈಂ ಬಾಂಬ್ ಮೇಲೆ ಕೂತಿದೆ ಎನ್ನುತ್ತಾರೆ ಪರಿಸರ ವಾದಿಗಳು. ಸಮಯ ಗತಿಸುತ್ತಲೂ ಪ್ಲಾಸ್ಟಿಕ್ನಿಂದ ಜಗತ್ತಿನ ನಾಶ ಸನ್ನಿಹಿತವಾಗುತ್ತಿದೆ ಎನ್ನುತ್ತಾರೆ ಅವರು. ಅತಿಯಾದ ಪ್ಲಾಸ್ಟಿಕ್ ಬಳಕೆಯಿಂದಾಗಿ ಪ್ರಾಕೃತಿಕ ವಿನಾಶದೆಡೆಗೆ ವೇಗವಾಗಿ ಸಾಗುತ್ತಿರುವ ದೇಶಗಳಲ್ಲಿ ಭಾರತವೂ ಒಂದು.
ಅಧ್ಯಯನವೊಂದರ ಪ್ರಕಾರ ದೇಶದ 60 ಪ್ರಮುಖ ನಗರಗಳಿಂದ ಪ್ರತಿದಿನ 15000 ಟನ್ ಪ್ಲಾಸ್ಟಿಕ್ ತ್ಯಾಜ್ಯ ಉತ್ಪತ್ತಿಯಾಗುತ್ತಿದೆ.
ಆದರೆ ಸ್ಪೇನ್ನ ವಿಜ್ಞಾನಿ ಫೆಡ್ರಿಕಾ ಬೆಟ್ರೂಚಿನಿ ಅವರ ಸಂಶೋಧನೆಯೊಂದು ಭಾರತಕ್ಕೆ ಪ್ಲಾಸ್ಟಿಕ್ ಸಮಸ್ಯೆಯಿಂದ ಮುಕ್ತಿ ದೊರಕಿಸುವ ಆಶಾಭಾವನೆ ಮೂಡಿಸಿದೆ.