‘ಮಹಾದಾಯಿ ವಿವಾದ: ಜನಪ್ರತಿನಿಧಿಗಳಿಂದ ನಿರ್ಲಕ್ಷ’

ಪಟ್ಟಣದಲ್ಲಿ  ನಡೆಯುತ್ತಿರುವ ಮಹಾದಾಯಿ ಧರಣಿಯ 653ನೇ ದಿನವಾದ ಶುಕ್ರವಾರ  ಮಾತನಾಡಿದರು.‘ಈಗಾಗಲೇ ಕಳೆದ ಮೂರು ವರ್ಷಗಳಿಂದ ಈ ಭಾಗದ ನಾಲ್ಕು ಜಿಲ್ಲೆಗಳು ನಿರಂತರ ಬರಗಾಲಕ್ಕೆ ತುತ್ತಾಗಿವೆ. ನವಿಲು ತೀರ್ಥದ  ಜಲಾಶಯ ತುಂಬುತ್ತಿಲ್ಲ. ಹೆಸರಿಗೆ ಕಾಲುವೆಗಳಿದ್ದು, ಜನ ತತ್ತರಿಸುತ್ತಿದೆ. ಇದಕ್ಕೆ ಮಹಾದಾಯಿಯೇ ಅಂತಿಮ ಪರಿಹಾರ. ಈಗಾಗಲೇ ನ್ಯಾಯಮಂಡಳಿ ಮಾತುಕತೆ ನಡೆಸಲು ಸೂಚಿಸಿದೆ. ಆದರೂ  ಇದಕ್ಕೆ ಸಂಬಂಧಿಸಿದ ಮುಖ್ಯಮಂತ್ರಿಗಳು ಚಕಾರ ಎತ್ತುತ್ತಿಲ್ಲ. ಹಿಗಾದರೆ ನಮ್ಮ ಸಂಕಷ್ಟ ಕೇಳುವವರಾರು? ಕಾವೇರಿ ಎಂದಾಕ್ಷಣ ದಕ್ಷಿಣ ಕರ್ನಾಟಕದ ಎಲ್ಲ ಜನಪ್ರತಿನಿಧಿಗಳು ಒಂದಾಗಿದ್ದಾರೆ. ಈ ಒಗ್ಗಟ್ಟು ಮಹಾದಾಯಿಗೇಕೇ ಇಲ್ಲ? ಈ  ರೀತಿ ತಾತ್ಸಾರಕ್ಕೆ ಒಳಗಾಗಲು   ನಮ್ಮ ಜನಪ್ರತಿನಿಧಿಗಳು ವಿಧಾನಸೌಧದಲ್ಲಿ, ಲೋಕಸಭೆಯಲ್ಲಿ ಇದರ ಬಗ್ಗೆ ಮಾತನಾಡುತ್ತಿಲ್ಲ, ಅವರಿಗೆ ಈ ಯೋಜನೆ ಬೇಕಾಗಿಲ್ಲ’ ಎಂದು ಕಿಡಿ ಕಾರಿದರು.

ಮಹಾದಾಯಿ ಹೋರಾಟ ಸಮಿತಿ ಸದಸ್ಯ ರಮೇಶ ನಾಯ್ಕರ ಮಾತನಾಡಿ, ‘ನಾವು ನಿರಂತರವಾಗಿ ನಮ್ಮ ಪಾಲಿನ ನೀರನ್ನು  ಕೇಳುತ್ತಿದ್ದೇವೆ. ಆದರೆ ಇದಕ್ಕೆ ಕೇಂದ್ರ  ಸರ್ಕಾರ ಮೌನದ ಮೂಲಕ ನಿರ್ಲಕ್ಷ ವಹಿಸಿದರೆ, ಗೋವಾ ಇಲ್ಲ ಸಲ್ಲದ ಸಬೂಬು ಹೇಳಿ ನೀರು ದೊರೆಯದಂತೆ ಮಾಡುತ್ತಿದೆ. ಇದನ್ನು ಉತ್ತರ ಕರ್ನಾಟಕದ ಎಲ್ಲ ರೈತರ ಸಮುದಾಯ ಅರಿಯಬೇಕಿದೆ.  ನಮ್ಮ  ನೀರು ಹರಿಸಿಕೊಳ್ಳಲು ನಿತ್ಯ ಜಾಗೃತರಾಗಬೇಕಿದೆ.. ಹೋರಾಟಕ್ಕೆ ಅಡ್ಡಿ ಉಂಟು ಮಾಡುವವರ ವಿರುದ್ಧ ಸಮರ ಸಾರಬೇಕಿದೆ’ ಎಂದರು.

ಧರಣಿಯಲ್ಲಿ ಶ್ರೀಶೈಲ ಮೇಟಿ, ವೆಂಕಪ್ಪ ಹುಜರತ್ತಿ,  ವಾಸು ಚವ್ಹಾಣ,  ಸೋಮಲಿಂಗಪ್ಪ ಆಯಟ್ಟಿ,  ಚಂದ್ರಪ್ಪ ಮುದಕನ್ನವರ, ಚನ್ನಬಸು ಹುಲಜೋಗಿ, ಬಸಪ್ಪ ತೆಗ್ಗಿನಮನಿ,ಯಲ್ಲಪ್ಪ ಗುಡದೇರಿ, ಸಿದ್ದಪ್ಪ ಚಂದ್ರತ್ನವರ, ಚನ್ನಪ್ಪಗೌಡ ಪಾಟೀಲ ಸೇರಿದಂತೆ ಮೊದ ಲಾದವರಿದ್ದರು.