ಬೆಂಗಳೂರು: ಎಫ್‍ಎಂ ರೇಡಿಯೊದಲ್ಲಿ ತನ್ನ ಹಾಸ್ಯಭರಿತ ಮಾತುಗಳಿಂದಲೇ ಅಭಿಮಾನಿಗಳ ಹೃದಯ ಗೆದ್ದ ಆರ್‍‍ಜೆ ಡ್ಯಾನಿಶ್ ಸೇಠ್ ಈಗ ಸಿನಿಮಾ ಮೂಲಕ ರಾಜಕಾರಣಕ್ಕೆ ಪ್ರವೇಶ ಪಡೆದಿದ್ದಾರೆ.
ರಾಜಕಾರಣಿಯೊಬ್ಬನ ಕಥೆಯನ್ನು ನವಿರು ಹಾಸ್ಯದ ಮೂಲಕ ತೆರೆಗೆ ತರಲು ಡ್ಯಾನಿಶ್ ಸಿದ್ಧವಾಗಿದ್ದಾರೆ. ಸಾದ್ ಖಾನ್ ನಿರ್ದೇಶನದ 'ಹಂಬಲ್ ಪೊಲಿಟಿಶಿಯನ್ ನಾಗರಾಜ್‌' ಚಿತ್ರದಲ್ಲಿ ಡ್ಯಾನಿಶ್ ಮುಖ್ಯ ಪಾತ್ರದಲ್ಲಿದ್ದು ಈ ಚಿತ್ರದ ಟೀಸರ್ ಸೋಮವಾರ ಬಿಡುಗಡೆಯಾಗಿದೆ. ಚಿತ್ರಕಥೆ ಡ್ಯಾನಿಶ್ ಸೇಠ್ ಮತ್ತು ಸಾದ್ ಖಾನ್ ಅವರದ್ದು.
ಸಾಮಾಜಿಕ ತಾಣದಲ್ಲಿ ಮೆಚ್ಚುಗೆ
‘ಹಂಬಲ್ ಪೊಲಿಟಿಶಿಯನ್ ನಾಗರಾಜ್‌’ಗೆ ಸಾಮಾಜಿಕ ತಾಣಗಳಲ್ಲಿ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ. ಚಿತ್ರದ ಮೊದಲ ಟೀಸರ್ ಈಗಾಗಲೇ ಸಿಕ್ಕಾಪಟ್ಟೆ ಸುದ್ದಿ ಮಾಡಿದ್ದು, ಸಿನಿಮಾದ ಬಗ್ಗೆ ಜನರಲ್ಲಿ ಹೆಚ್ಚಿನ ನಿರೀಕ್ಷೆ ಹುಟ್ಟಿಕೊಂಡಿದೆ.
