ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

'ಬಾಹುಬಲಿ-2' ತೆರೆಯ ಹಿಂದಿನ 'ತಂತ್ರಜ್ಞಾನ' ಮತ್ತು ಸಾಬು ಕೈಚಳಕ

Last Updated 3 ಮೇ 2017, 15:11 IST
ಅಕ್ಷರ ಗಾತ್ರ
ADVERTISEMENT

ಬೆಂಗಳೂರು: ಹಲವಾರು ದಾಖಲೆಗಳನ್ನು ತಮ್ಮದಾಗಿಸಿ ಕೊಂಡು 'ಬಾಹುಬಲಿ ದ ಕನ್‍ಕ್ಲೂಶನ್' ಚಿತ್ರ ನಾಗಲೋಟ ಮುಂದುವರಿಸಿದೆ. ಚಿತ್ರದ ನಿರ್ದೇಶಕ ರಾಜಮೌಳಿಯ ಸಾಮರ್ಥ್ಯ ಮತ್ತು ಕಲೆಗಾರಿಕೆಯ ಬಗ್ಗೆ ಎಲ್ಲೆಡೆಯಿಂದ ಪ್ರಶಂಸೆಗಳು ಕೇಳಿ ಬರುತ್ತಿವೆ. ಬಾಹುಬಲಿಯಂಥಾ ಚಿತ್ರವೊಂದನ್ನು ನಿರ್ಮಿಸಬೇಕಾದರೆ ಅದ್ಭುತ ಕಲೆಗಾರಿಕೆ ಮತ್ತು ತಂತ್ರಜ್ಞಾನವನ್ನು ಬಳಸಿಕೊಳ್ಳುವ ಜಾಣ್ಮೆ ಬೇಕು.ರಾಜಮೌಳಿ ಅವರು ಗೆದ್ದಿದ್ದೇ ಈ ಜಾಣತನದಿಂದ.

ಚಿತ್ರದಲ್ಲಿ ಬರುವ ಪ್ರತಿಯೊಂದು ದೃಶ್ಯವನ್ನೂ ಅಚ್ಚುಕಟ್ಟಾಗಿ, ಪ್ರೇಕ್ಷಕರ ಕಣ್ಮನ ಸೆಳೆಯುವಂತೆ ನಿರ್ದೇಶಕರು ಕಟ್ಟಿಕೊಟ್ಟಿರುವುದಕ್ಕೆ ಭೇಷ್ ಅನ್ನಲೇಬೇಕು. ಇದೆಲ್ಲವೂ ಇಷ್ಟೊಂದು ಸುಂದರವಾಗಿ ಮೂಡಿ ಬರುವಂತೆ ಮಾಡಿದ್ದು ಚಿತ್ರದ ಪ್ರೊಡಕ್ಷನ್ ಡಿಸೈನ್ ತಂಡ. ಬಾಹುಬಲಿ ಚಿತ್ರದ ತೆರೆಯ ಹಿಂದಿನ ಶ್ರಮದ ಬಗ್ಗೆ ಪ್ರೊಡಕ್ಷನ್ ಡಿಸೈನರ್ ಸಾಬು ಸಿರಿಲ್ ಹೇಳಿದ್ದು ಹೀಗೆ...

ಆ ವಿಶೇಷ ದೋಣಿಯ ನಿರ್ಮಾಣದ ಬಗ್ಗೆ ಹೇಳಿ?

ಬಾಹುಬಲಿ 2 ಚಿತ್ರದ ಹಾಡಿನ ದೃಶ್ಯವೊಂದಕ್ಕೆ ವಿಶಿಷ್ಟ ರೀತಿಯ ದೋಣಿಯನ್ನು ನಿರ್ಮಿಸುವಂತೆ ರಾಜಮೌಳಿ ಹೇಳಿದ್ದರು. ಫ್ಯಾಂಟಸಿ ಮೂಡ್ ಇರುವ ಹಾಡಾಗಿತ್ತು ಅದು. ಹಾಗಾಗಿ ನಾನು ಹಂಸತೂಲಿಕಾ ತಲ್ಪದ ರೀತಿಯಲ್ಲಿರುವ ಆ ವಿಶೇಷ ದೋಣಿಯನ್ನು ನಿರ್ಮಿಸಿದೆವು.

ಮಾಹಿಷ್ಮತಿ ರಾಜಧಾನಿಯಂತೆ ಸುಂದರವಾದುದು ದೇವಸೇನಾಳ ಅರಮನೆ.  ಆ ಅರಮನೆ ನಿರ್ಮಿಸಿದ್ದು ಹೇಗೆ?

ಕುಂತಲದೇಶವೆಂಬುದು ಭೂತಾನ್‍ನಂತೆ ಚಿಕ್ಕ ದೇಶ. ಅದನ್ನು ಮಾಹಿಷ್ಮತಿ ಅರಮನೆಯಂತೆ ದೊಡ್ಡದಾಗಿ ನಿರ್ಮಿಸುವ ಅಗತ್ಯವಿರಲಿಲ್ಲ. ದೇವಸೇನಾಳ ಅರಮನೆಯಾಗಿರುವುದರಿಂದ ಅದಕ್ಕೆ ಹೆಚ್ಚಿನ ಸೌಂದರ್ಯ ಬೇಕಾಗಿತ್ತು. ಅದಕ್ಕಾಗಿ ನಾವು ಚಂದ್ರಕಾಂತ ಶಿಲೆಯ ಅರಮನೆ ನಿರ್ಮಿಸಿದೆವು. ಹೈದರಾಬಾದ್ ನಲ್ಲಿರುವ ವೈಟ್ ಮಾರ್ಬಲ್ ಪ್ಯಾಲೇಸ್ ಅಲ್ಯುಮಿನಿಯಂ ಫ್ಯಾಕ್ಟರಿಯಲ್ಲಿ 4 ಎಕರೆ ಸ್ಥಳವಿದೆ. ಅಲ್ಲಿ ನಾವು ದೇವಸೇನಾಳ ಅರಮನೆ ನಿರ್ಮಿಸಿದೆವು. ಅದರ ಸುತ್ತಲೂ ಕಾಣುವ ಗಿಡ ಮರಗಳು ಎಲ್ಲವನ್ನೂ ಕೃತಕವಾಗಿ ನಿರ್ಮಿಸಿದ್ದು.

</p><p><strong>ಈ ಸಿನಿಮಾದಲ್ಲಿ ಪ್ರಾಣಿಗಳನ್ನು ಬಳಸಲಾಗಿತ್ತೇ?</strong><br/>&#13; ಇಲ್ಲಿ ಯಾವುದೇ  ಪ್ರಾಣಿಯನ್ನು ಬಳಸಿಕೊಂಡಿಲ್ಲ. ಎಲ್ಲವೂ ನಕಲಿ ಪ್ರಾಣಿಗಳೇ, ಮೊದಲ ದೃಶ್ಯದಲ್ಲಿ ಕಾಣುವ ಆನೆ ಸೇರಿದಂತೆ ಎಲ್ಲ ಪ್ರಾಣಿಗಳನ್ನು ನಾವೇ ತಯಾರಿಸಿದ್ದು. ಆನೆ ಓಡುವ ದೃಶ್ಯ ಎಲ್ಲವೂ ಗ್ರಾಫಿಕ್ಸ್. ಇದರಲ್ಲಿ ಯಾವುದು ಗ್ರಾಫಿಕ್ಸ್ ಯಾವುದು ನೈಜ ದೃಶ್ಯ ಎಂಬುದು ಪ್ರೇಕ್ಷಕರಿಗೆ ಗೊತ್ತಾಗಲ್ಲ. ಗೂಳಿ ಯುದ್ಧಕಾಳಗದ ದೃಶ್ಯವೊಂದಿದೆ. ಅದಕ್ಕಾಗಿ 12 ಗೂಳಿಗಳನ್ನು ನಾವು ತಯಾರಿಸಿದೆವು. ಇನ್ನುಳಿದದ್ದೆಲ್ಲಾ ಗ್ರಾಫಿಕ್ಸ್. ಬಾಹುಬಲಿ 2ರಲ್ಲಿ ಪ್ರಭಾಸ್ ಬರುವ ರಥವನ್ನು ಫೈಬರ್‍‍ನಿಂದ ಮಾಡಿದ್ದೆವು. ಕ್ರೇನ್ ಬಳಸಿ ರಥ ಓಡಿಸಿದ್ದು. ಸಿನಿಮಾದಲ್ಲಿ ಪ್ರಾಣಿಗಳನ್ನು ಬಳಸಬಾರದು ಎಂಬ ನಿಯಮವಿರುವುದರಿಂದಲೇ ಆನೆ, ಕುದುರೆ, ಹಂದಿ, ಕೋಣ ಎಲ್ಲವನ್ನೂ ನಾವೇ ತಯಾರಿಸಿದೆವು.</p><p><strong>ಸಿನಿಮಾದಲ್ಲಿ ಬಲ್ಲಾಳದೇವ (ರಾನಾ ದುಗ್ಗುಬಾಟಿ) ಬಳಸಿದ ವಾಹನ ವಿಶೇಷವಾದುದು. ಅದನ್ನು ಹೇಗೆ ನಿರ್ಮಿಸಿದಿರಿ?</strong><br/>&#13; ರಾನಾ ಅವರ ರಥಕ್ಕೆ ಬುಲೆಟ್‍ನ ಎಂಜಿನ್ ಬಳಸಿದ್ದೇವೆ. ಹೆಚ್ಚು ವೇಗವಾಗಿ ಓಡಲು ನಾವು ಬುಲೆಟ್‍ ಬೈಕ್‍ನ ಎಂಜಿನ್ ಬಳಸಿದ್ದು, ಆ ರಥದ ಒಳಗೆ ಸ್ಟೀರಿಂಗ್ ಕೂಡಾ ಇದೆ, ಅದರೊಳಗೆ ಕುಳಿತು ಇನ್ನೊಬ್ಬ ವ್ಯಕ್ತಿ ರಥ ಓಡಿಸಿದ್ದರು.</p></p>

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT