ಮಳಿಗೆಗಳಲ್ಲಿ ಉಚಿತ ವೈದ್ಯಕೀಯ ತಪಾಸಣೆ

ಉಚಿತ ವೈದ್ಯಕೀಯ ತಪಾಸಣೆ:  ಉಚಿತ ವೈದ್ಯಕೀಯ ತಪಾಸಣಾ ಸೌಲಭ್ಯವನ್ನೂ ಕಲ್ಪಿಸಲಾಗಿದೆ.  ಮಿಂಟೊ ಕಣ್ಣಿನ ಆಸ್ಪತ್ರೆಯ ಮಳಿಗೆಯಲ್ಲಿ ಉಚಿತ   ನೇತ್ರ ತಪಾಸಣೆ ಮಾಡಿಸಿಕೊಳ್ಳಬಹುದು. ನೇತ್ರದಾನ ಮಾಡುವ ಒಪ್ಪಂದ ಮಾಡಿಕೊಳ್ಳಲು ಅವಕಾಶ ಇದೆ.

 

ಆರ್‌.ವಿ. ದಂತ ವೈದ್ಯಕೀಯ ಕಾಲೇಜಿನ ಮಳಿಗೆಯಲ್ಲಿ  ಹಲ್ಲುಗಳ ಪರೀಕ್ಷೆಯನ್ನು ಮಾಡಿಸಿಕೊಳ್ಳಬಹುದು.   ಹಲ್ಲು ಹಾಳಾಗದಂತೆ ಕಾಪಾಡುವ ಬಗ್ಗೆ ಹಾಗೂ ಮಕ್ಕಳಲ್ಲಿ ಹಲ್ಲಿನ  ಬಗ್ಗೆ ಕಾಳಜಿ ಬೆಳೆಸುವ ಕುರಿತು   ಇಲ್ಲಿ ಮಾಹಿತಿ ಪಡೆಯಬಹುದು.   ರಕ್ತದೊತ್ತಡ ಹಾಗೂ ಮಧುಮೇಹದ ಉಚಿತ ಪರೀಕ್ಷೆ ಸೌಲಭ್ಯ ಗಳು ಅನೇಕ ಮಳಿಗೆಗಳಲ್ಲಿವೆ. 
 

ಅಲೋಪಥಿ ಜೊತೆಗೆ  ಆಯುರ್ವೇದ, ಹೋಮಿಯೋಪಥಿ, ಆಕ್ಯುಪಂಕ್ಚರ್‌,  ಪ್ರಕೃತಿ ಚಿಕಿತ್ಸೆ, ಯೋಗಕ್ಕೆ ಸಂಬಂಧಿಸಿದ ಮಳಿಗೆಗಳೂ ಇವೆ. ಬೊಜ್ಜು ಕರಗಿಸುವ ಸರಳ ವಿಧಾನ,  ಆರೋಗ್ಯಕ್ಕೆ ಹಿತಕರ ಆಹಾರದ ಕುರಿತು ಮಾಹಿತಿ ನೀಡುವ  ಮಳಿಗೆಗಳಿವೆ.     

 

60 ಬಗೆಯ ಪಾನೀಯ: ಆಯುಷ್‌ ಇಲಾಖೆಯ ಮಳಿಗೆಯಲ್ಲಿ ಬೇಸಿಗೆಯ ಬೇಗೆಗೆ ತಂಪು ನೀಡುವ ಪಾನೀಯಗ ಳನ್ನು ಮನೆಯಲ್ಲೇ ತಯಾರಿಸುವ ಕುರಿತು ಮಾಹಿತಿ ಪಡೆಯಬಹುದು. ತರಕಾರಿ ಮತ್ತು ಹಣ್ಣುಗಳಿಂದ 60 ಬಗೆಯ ಪಾನೀಯಗಳನ್ನು ತಯಾರಿಸುವ ವಿಧಾನ ಗಳನ್ನು  ಇಲ್ಲಿ  ತಿಳಿಸಿಕೊಡುತ್ತಾರೆ.

 

ಸಸ್ಯಜನ್ಯ ಸೊಳ್ಳೆಬತ್ತಿ: ಸಸ್ಯಜನ್ಯ ಪದಾರ್ಥ ಗಳಿಂದ ತಯಾರಿಸಿದ ಸೊಳ್ಳೆಬತ್ತಿ, ಕ್ರೀಮ್‌ಗಳು, ವಿದ್ಯಾರ್ಥಿಗಳೇ ತಯಾರಿಸಿರುವ ಮುಖಕಾಂತಿ ಲೇಪ, ಕೇಶ ರಂಜನ ಲೇಪ, ಲಿಪ್‌ಬಾಮ್‌, ತಲೆಹೊಟ್ಟು ನಿವಾರಕ ಪುಡಿ   ಸರ್ಕಾರಿ ಆಯುರ್ವೇದ ವೈದ್ಯಕೀಯ ಕಾಲೇಜಿನ ಮಳಿಗೆಯಲ್ಲಿವೆ.

****

ಸ್ಕೂಟರ್‌  ಆಂಬುಲೆನ್ಸ್‌
ಬ್ರೂಕ್‌ಫೀಲ್ಡ್‌ ಆಸ್ಪತ್ರೆ ವತಿಯಿಂದ ಪ್ರಾಥಮಿಕ ಐಸಿಯು ಸೌಲಭ್ಯವುಳ್ಳ ದ್ವಿಚಕ್ರವಾಹನದ ಆಂಬುಲೆನ್ಸ್‌  ಗಮನ ಸೆಳೆಯಿತು. ‘ಈ ಸೇವೆ ಪಡೆಯಲು ಮೊದಲೇ ನೋಂದಣಿ ಮಾಡಿಸಿಕೊಳ್ಳಬೇಕು’ ಎಂದು ಆಸ್ಪತ್ರೆ ಸಿಬ್ಬಂದಿ ತಿಳಿಸಿದರು.