ಮೊದಲ ಬಾರಿಗೆ ಕನ್ನಡದಲ್ಲಿ ಪ್ರಶ್ನೆಪತ್ರಿಕೆ

ರಾಜಧಾನಿಯಲ್ಲಿ ‘ನೀಟ್‌’ ಪರೀಕ್ಷೆ ಸುಲಲಿತ

ವೈದ್ಯಕೀಯ ಮತ್ತು ದಂತ ವೈದ್ಯಕೀಯ ಕೋರ್ಸುಗಳ ಪ್ರವೇಶಕ್ಕಾಗಿ ಕೇಂದ್ರ ಪ್ರೌಢ ಶಿಕ್ಷಣ ಮಂಡಳಿ (ಸಿಬಿಎಸ್‌ಇ) ನಡೆಸುವ ರಾಷ್ಟ್ರೀಯ ಅರ್ಹತಾ ಪ್ರವೇಶ ಪರೀಕ್ಷೆ (ನೀಟ್-ಯುಜಿ) ಭಾನುವಾರ ನಗರದಲ್ಲಿ ಸುಗಮವಾಗಿ ನಡೆಯಿತು.

ವಿದ್ಯಾರ್ಥಿನಿಯೊಬ್ಬರು ಪರೀಕ್ಷೆ ಮುಗಿಸಿ ಖುಷಿಯಿಂದ ಹೊರಬರುತ್ತಿರುವುದು

ಬೆಂಗಳೂರು: ವೈದ್ಯಕೀಯ ಮತ್ತು ದಂತ ವೈದ್ಯಕೀಯ ಕೋರ್ಸುಗಳ ಪ್ರವೇಶಕ್ಕಾಗಿ ಕೇಂದ್ರ ಪ್ರೌಢ ಶಿಕ್ಷಣ ಮಂಡಳಿ (ಸಿಬಿಎಸ್‌ಇ) ನಡೆಸುವ ರಾಷ್ಟ್ರೀಯ ಅರ್ಹತಾ ಪ್ರವೇಶ ಪರೀಕ್ಷೆ (ನೀಟ್-ಯುಜಿ) ಭಾನುವಾರ ನಗರದಲ್ಲಿ ಸುಗಮವಾಗಿ ನಡೆಯಿತು.

ರಾಜ್ಯದಲ್ಲಿ ಬೆಂಗಳೂರು, ಮಂಗಳೂರು, ದಾವಣಗೆರೆ, ಹುಬ್ಬಳ್ಳಿ, ಮೈಸೂರು, ಕಲಬುರ್ಗಿ, ಬೆಳಗಾವಿಯಲ್ಲಿ ಪರೀಕ್ಷೆಗಳು ನಡೆದವು. 

ಸರ್ಕಾರಿ ಕೋಟಾದ ಸೀಟುಗಳಿಗೂ  ಸಿಇಟಿ ಜತೆಗೆ ನೀಟ್ ಪರೀಕ್ಷೆ ಬರೆಯಬೇಕೆಂಬ ನಿಯಮ ರೂಪಿಸಲಾಗಿದೆ. ಹೀಗಾಗಿ ಈ ವರ್ಷ  ಶೇ 41.42 ಅರ್ಜಿಗಳು ಹೆಚ್ಚಾಗಿದ್ದವು.

ಇದೇ ಮೊದಲ ಬಾರಿಗೆ ಕನ್ನಡ ಭಾಷೆಯಲ್ಲಿ ಪ್ರಶ್ನೆಪತ್ರಿಕೆ ನೀಡಲಾಗಿತ್ತು. ‘ಬಂಗಾಳಿ ಭಾಷೆಯಲ್ಲಿ ಇದ್ದ ಪ್ರಶ್ನೆಗಳು ಗೊಂದಲದಿಂದ ಕೂಡಿದ್ದು, ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗಲಿಲ್ಲ’ ಎಂದು ಕೆಲವು ವಿದ್ಯಾರ್ಥಿಗಳು ಹೇಳಿದರು.

ಪ್ರಶ್ನೆ ಪತ್ರಿಕೆ ಕಷ್ಟ: ‘ಭೌತ ವಿಜ್ಞಾನ ಮತ್ತು ರಸಾಯನ ವಿಜ್ಞಾನ ಪ್ರಶ್ನೆಪತ್ರಿಕೆಗಳು ತುಂಬಾ ಕಷ್ಟವಾಗಿದ್ದವು. ಎನ್‌ಸಿಇಆರ್‌ಟಿ ಪಠ್ಯಕ್ರಮದ ಪ್ರಕಾರವೇ ಪ್ರಶ್ನೆಗಳನ್ನು ಕೇಳಲಾಗಿತ್ತು. ಆದರೆ, ಪ್ರಶ್ನೆಗಳು ತುಂಬಾ ಕ್ಲಿಷ್ಟವಾಗಿದ್ದವು’ ಎಂದು ಬೇಸ್ ಪ್ರಾಧ್ಯಾಪಕ ವಿನ್ಸೆಂಟ್ ಜಾನ್ ತಿಳಿಸಿದರು.

ನೂತನ ಭದ್ರತಾ ವೈಶಿಷ್ಟ್ಯ:  ವಿದ್ಯಾರ್ಥಿಗಳು ಒಎಂಆರ್ ಪ್ರಶ್ನೆ ಪತ್ರಿಕೆಯಲ್ಲಿ ‘ಮೇಲಿನ ಎಲ್ಲ ಪ್ರಶ್ನೆಗಳಿಗೆ ನಾನೇ ಉತ್ತರಿಸಿದ್ದೇನೆ. ಇದು ನನ್ನ ಕೈಬರಹ’ ಎಂದು ದೃಢೀಕರಿಸಿ, ಸಹಿ ಮಾಡಬೇಕಾದ ಹೊಸ ಭದ್ರತಾ ಅಂಶವನ್ನು ಈ ಬಾರಿಯಿಂದ ಸೇರಿಸಲಾಗಿದೆ.

ಶರ್ಟ್‌ ತೋಳು ಕತ್ತರಿಸಿ ಪರೀಕ್ಷೆಗೆ ಅನುಮತಿ: ಪರೀಕ್ಷಾ ಕೊಠಡಿಗೆ ಹೋಗುವ ಮುನ್ನ ವಿದ್ಯಾರ್ಥಿಗಳ ವಾಚ್‌, ಕಿವಿಯೋಲೆ, ಮೂಗುತಿ, ಕ್ಲಿಪ್, ಕಾಲ್ಗೆಜ್ಜೆಗಳನ್ನು ತೆಗೆಸಲಾಯಿತು. ವಸ್ತ್ರಸಂಹಿತೆಯನ್ನು ಪಾಲಿಸದೆ ತುಂಬುತೋಳಿನ ಶರ್ಟ್‌ ಹಾಕಿಕೊಂಡು ಬಂದಿದ್ದ ವಿದ್ಯಾರ್ಥಿಗಳ ಶರ್ಟ್‌ ತೋಳುಗಳನ್ನು ಕತ್ತರಿಸಿದ ಪ್ರಸಂಗ ಮೂರ್ನಾಲ್ಕು ಪರೀಕ್ಷಾ ಕೇಂದ್ರಗಳಲ್ಲಿ ನಡೆದವು. ಆರ್ಮಿ ಪಬ್ಲಿಕ್‌ ಶಾಲೆಯಲ್ಲಿ 15 ನಿಮಿಷ ತಡವಾಗಿ ಬಂದ ಆರು ವಿದ್ಯಾರ್ಥಿಗಳಿಗೆ ಪರೀಕ್ಷೆ ಬರೆಯಲು ಅವಕಾಶ ಸಿಗಲಿಲ್ಲ. ಇದೇ ರೀತಿ ನಗರದ ಹೊರಭಾಗದಿಂದ ಬಂದಿದ್ದ ಅನೇಕರು ವಿದ್ಯಾರ್ಥಿಗಳು ಪರೀಕ್ಷಾ ಕೇಂದ್ರ ಹುಡುಕಲು ಸಾಧ್ಯವಾಗದೆ ಅವಕಾಶ ವಂಚಿತರಾದರು.

ಪರೀಕ್ಷೆಗಾಗಿ ಕಿವಿಯೋಲೆಗೆ ಕತ್ತರಿ: ಆರ್ಮಿ ಪಬ್ಲಿಕ್‌ ಶಾಲೆಯಲ್ಲಿ ಪರೀಕ್ಷೆಗಾಗಿ ಬಂದಿದ್ದ  ಯುವತಿಯೊಬ್ಬಳು ಬಂಗಾರದ ಕಿವಿಯೋಲೆ ತೆಗೆಸಲು ಅಕ್ಕಸಾಲಿಗರ ಅಂಗಡಿ ಅರಸಿ ಹೋಗಬೇಕಾಯಿತು.

‘ನನ್ನ ಕಿವಿಯೋಲೆ ತೆಗೆಯಲು ಆಗುವುದಿಲ್ಲ. ಹಾಗಾಗಿ ಹಾಕಿಕೊಂಡು ಬಂದಿದ್ದೆ. ಇಲ್ಲಿ ಕಿವಿಯೋಲೆ ತೆಗೆಯಲೇಬೇಕು ಎಂದಿದ್ದರಿಂದ ಓಲೆ ಕತ್ತರಿಸುವುದು ಅನಿವಾರ್ಯವಾಯಿತು. ಪರೀಕ್ಷಾ ಕೇಂದ್ರಕ್ಕೆ ಮುಂಚಿತವಾಗಿ ಬಂದಿದ್ದರಿಂದ ಅದನ್ನು ತೆಗೆಸಲು ಸಾಧ್ಯವಾಯಿತು’ ಎಂದು ವಿದ್ಯಾರ್ಥಿನಿ ತಿಳಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ಬೆಂಗಳೂರು
ಪೊಲೀಸ್ ಮೇಲೆ ಹಲ್ಲೆ: ಆರೋಪಿ ಸೆರೆ

ಸರ್ಜಾಪುರ ರಿಂಗ್ ರಸ್ತೆಯಲ್ಲಿ ಗುರುವಾರ ಕರ್ತವ್ಯ ನಿರತರಾಗಿದ್ದ ಸಂಚಾರ ಕಾನ್‌ಸ್ಟೆಬಲ್‌ ಮೇಲೆ ಹಲ್ಲೆ ಮಾಡಿದ್ದ ಆರೋಪದಡಿ ದಿನೇಶ್‌ ಪರಿಹಾರ್‌ (30) ಎಂಬುವರನ್ನು ಬೆಳ್ಳಂದೂರು ಪೊಲೀಸರು...

19 Nov, 2017

ಬೆಂಗಳೂರು
ಮಗಳ ಕೊಂದು ತಾಯಿ ಆತ್ಮಹತ್ಯೆ

ಕೋಣನಕುಂಟೆ ಸಮೀಪದ ಚುಂಚಘಟ್ಟದಲ್ಲಿ ಶೀಲು (27) ಎಂಬುವರು ಶುಕ್ರವಾರ ರಾತ್ರಿ ತಮ್ಮ ನಾಲ್ಕು ವರ್ಷದ ಮಗಳು ಹಂಶಿಕಾಳನ್ನು ಕತ್ತು ಹಿಸುಕಿ ಕೊಂದು, ನಂತರ ತಾವೂ...

19 Nov, 2017

ಬೆಂಗಳೂರು
ಅಗ್ನಿಶಾಮಕ ಠಾಣಾಧಿಕಾರಿ ಬಂಧನ

‘ರಾಜ್ಯೋತ್ಸವ ಮತ್ತು ಅಣ್ಣಮ್ಮದೇವಿ ಉತ್ಸವಕ್ಕೆ ಶಾಮಿಯಾನ ಹಾಕುವುದಕ್ಕೆ ಅನುಮತಿ ನೀಡಲು ಲಂಚ ಪಡೆಯುತ್ತಿದ್ದರು’ ಎಂಬ ಆರೋಪದ ಮೇರೆಗೆ ಸರ್ಜಾಪುರ ರಸ್ತೆಯ ಅಗ್ನಿಶಾಮಕ ಠಾಣಾಧಿಕಾರಿ ಗುರುಮೂರ್ತಿ...

19 Nov, 2017

ಬೆಂಗಳೂರು
ಮೇಲ್ಸೇತುವೆ ತಡೆಗೋಡೆಗೆ ಕಾರು ಡಿಕ್ಕಿ

ಮಲ್ಲೇಶ್ವರದ ದೇವಯ್ಯ ಪಾರ್ಕ್ ಬಳಿಯ ರೈಲ್ವೆ ಮೇಲ್ಸೇತುವೆಯ ತಡೆಗೋಡೆಗೆ ಶುಕ್ರವಾರ ರಾತ್ರಿ ಕಾರು ಡಿಕ್ಕಿ ಹೊಡೆದಿದೆ.

19 Nov, 2017
ಜೈಲು ಸೇರಿದ ‘ವಿಶೇಷ ಪೊಲೀಸ್ ಪಡೆ’!

ಪೊಲೀಸರ ಸೋಗಲ್ಲಿ ಸುಲಿಗೆ
ಜೈಲು ಸೇರಿದ ‘ವಿಶೇಷ ಪೊಲೀಸ್ ಪಡೆ’!

19 Nov, 2017