ಉತ್ತಮ ಪ್ರತಿಕ್ರಿಯೆ

ಹೇರೋಹಳ್ಳಿಯಲ್ಲಿ ಸಾವಯವ ಗೊಬ್ಬರ ಸಂತೆ

ಬಿಬಿಎಂಪಿ ವತಿಯಿಂದ ಕೆಂಗೇರಿ ಸಮೀಪದ ಹೇರೋಹಳ್ಳಿಯಲ್ಲಿ ಭಾನುವಾರ ಆಯೋಜಿಸಿದ್ದ ಸಾವಯವ ಗೊಬ್ಬರ ಸಂತೆಗೆ ನಾಗರಿಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಯಿತು.

ಸಾವಯವ ಗೊಬ್ಬರ ತಯಾರಿಸುವ ಕುರಿತು ಮಳಿಗೆಯ ಪ್ರತಿನಿಧಿಯೊಬ್ಬರು ಜನರಿಗೆ ಮಾಹಿತಿ ನೀಡಿದರು

ಬೆಂಗಳೂರು: ಬಿಬಿಎಂಪಿ ವತಿಯಿಂದ ಕೆಂಗೇರಿ ಸಮೀಪದ ಹೇರೋಹಳ್ಳಿಯಲ್ಲಿ ಭಾನುವಾರ ಆಯೋಜಿಸಿದ್ದ ಸಾವಯವ ಗೊಬ್ಬರ ಸಂತೆಗೆ ನಾಗರಿಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಯಿತು.

ಹಸಿ, ಒಣಕಸ ವಿಂಗಡಣೆ, ಮನೆಯಲ್ಲೇ ಕಸದಿಂದ ಸಾವಯವ ಗೊಬ್ಬರ ತಯಾರಿಸುವ ವಿಧಾನ,  ಮನೆಗಳ ಟೆರೇಸ್‌ ಮೇಲೆ ಕೈತೋಟ ನಿರ್ಮಾಣ, ಮಳೆನೀರು ಸಂಗ್ರಹದ ಬಗ್ಗೆ ಮಾಹಿತಿ ನೀಡಲಾಯಿತು.

ಹಸಿಕಸದಿಂದ ಅಡುಗೆ ಅನಿಲ ಉತ್ಪಾದಿಸುವ ಹಾಗೂ ಕಸದಿಂದ ಸಾವಯವ ಗೊಬ್ಬರ ತಯಾರಿಸುವ ಉಪಕರಣಗಳು, ಪೇಪರ್‌ನಿಂದ ತಯಾರಿಸಿದ ಪೆನ್ಸಿಲ್‌, ಆಲೂಗಡ್ಡೆಯಿಂದ ತಯಾರಿಸಿದ ಕವರ್‌ಗಳು ಗಮನ ಸೆಳೆದವು.

ಅಂಟುವಾಳ ಸಸ್ಯದಿಂದ ತಯಾರಿಸಿದ ರಾಸಾಯನಿಕರಹಿತ ಸೋಪ್‌ಗಳು, ಮೂರು ವರ್ಷಗಳವರೆಗೆ ಉಪಯೋಗಿಸಬಹುದಾದ ಡೈಪರ್‌ಗಳು, ದೀರ್ಘ ಕಾಲ ಬಾಳಿಕೆ ಬರುವ ನೈಸರ್ಗಿಕ ಪ್ಯಾಡ್‌ಗಳು ಗ್ರಾಹಕರನ್ನು ಆಕರ್ಷಿಸಿದವು.

ಪಾಲಿಕೆ ಸದಸ್ಯ ರಾಜಣ್ಣ ಮಾತನಾಡಿ, ‘ವಾರ್ಡ್‌ ಮಟ್ಟದಲ್ಲಿ ಸಾವಯವ ಗೊಬ್ಬರ ತಯಾರಿಸಲು ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆ. ಇದಕ್ಕೆ ಸಾರ್ವಜನಿಕರ ಸಹಕಾರ ಮುಖ್ಯ’ ಎಂದರು.

ಪರಿಸರ ಪ್ರೇಮಿ ವೀಣಾ ರಾಚಪ್ಪ, ‘ಕಸ ವಿಂಗಡಣೆ, ಸಾವಯವ ಗೊಬ್ಬರ ತಯಾರಿಕೆ ಬಗ್ಗೆ ಸಾರ್ವಜನಿಕರಿಗೆ ಅರಿವು ಮೂಡಿಸಲು ಇಂತಹ ಕಾರ್ಯಕ್ರಮಗಳು ಸಹಕಾರಿ’ ಎಂದು ಹೇಳಿದರು.

ಕಸದಿಂದ ಸಾವಯವ ಗೊಬ್ಬರ ತಯಾರಿಸುವ ಕುರಿತು ಕಲಾವಿದ ವಿಜಯ್‌ ಹಾಗೂ ತಂಡವು ಬೀದಿ ನಾಟಕದ ಮೂಲಕ ಅರಿವು ಮೂಡಿಸಿತು.

Comments
ಈ ವಿಭಾಗದಿಂದ ಇನ್ನಷ್ಟು
ಬೆಂಗಳೂರಿನಲ್ಲಿ ‘ಬೀಫ್‌ ಫೆಸ್ಟ್‌’ಗೆ ಅನುಮತಿ ನೀಡಿಲ್ಲ: ನಗರ ಪೊಲೀಸ್‌

ವದಂತಿಗೆ ಕವಿಗೊಡಬೇಡಿ
ಬೆಂಗಳೂರಿನಲ್ಲಿ ‘ಬೀಫ್‌ ಫೆಸ್ಟ್‌’ಗೆ ಅನುಮತಿ ನೀಡಿಲ್ಲ: ನಗರ ಪೊಲೀಸ್‌

29 May, 2017
ವಿದ್ಯಾರ್ಥಿಗಳ ಗೊಂದಲ – ತಜ್ಞರಿಂದ ಪರಿಹಾರ

ಪ್ರವೇಶ ಪರೀಕ್ಷೆ
ವಿದ್ಯಾರ್ಥಿಗಳ ಗೊಂದಲ – ತಜ್ಞರಿಂದ ಪರಿಹಾರ

29 May, 2017
700 ವಿದ್ಯಾರ್ಥಿಗಳಿರುವ  ಶಾಲೆಯಲ್ಲಿ  ದೈಹಿಕ ಶಿಕ್ಷಕರೇ ಇಲ್ಲ !

ಬೆಂಗಳೂರು
700 ವಿದ್ಯಾರ್ಥಿಗಳಿರುವ ಶಾಲೆಯಲ್ಲಿ ದೈಹಿಕ ಶಿಕ್ಷಕರೇ ಇಲ್ಲ !

29 May, 2017

ಬೆಂಗಳೂರು
‘ಎಸ್‌.ಜಿ. ಸಿದ್ದರಾಮಯ್ಯ ಅನಾಥ ಕವಿ’

ಎಸ್‌.ಜಿ.ಸಿದ್ದರಾಮಯ್ಯ ಅವರು  ಯಾವುದೇ ಚಳವಳಿಯಲ್ಲಿ ನೇರವಾಗಿ ಗುರುತಿಸಿಕೊಳ್ಳಲಿಲ್ಲ. ಅವರು ನವ್ಯ ಅಥವಾ ಬಂಡಾಯ ಸಾಹಿತ್ಯದ ವಕ್ತಾರರಂತೆ ಮಾತನಾಡಲಿಲ್ಲ. ಹಾಗಾಗಿ ಅವರ ಕೃತಿಗಳು ಚರ್ಚೆಗೆ ಒಳಗಾಗಲಿಲ್ಲ....

29 May, 2017
ಯಡಿಯೂರಪ್ಪ ಚಾಲಕರು, ಉಳಿದವರು ಹಿಂಬದಿ ಸವಾರರು: ಅರುಣ್ ಜೇಟ್ಲಿ

ಬೆಂಗಳೂರು
ಯಡಿಯೂರಪ್ಪ ಚಾಲಕರು, ಉಳಿದವರು ಹಿಂಬದಿ ಸವಾರರು: ಅರುಣ್ ಜೇಟ್ಲಿ

29 May, 2017