ಕೊರಟಗೆರೆ: ಮಾರುತಿ ಹೈಟೆಕ್ ನರ್ಸರಿಯಿಂದ ಕಳಪೆ ಸಸಿ ವಿತರಣೆ, ರೈತರಿಗೆ ಇನ್ನೂ ಸಿಗದ ಪರಿಹಾರ

ಬಿಡದ ಬದನೆ ಕಾಯಿ: ಕಂಗಾಲಾದ ರೈತರು

ದಯಾನಂದ ಅವರು ಒಂದು ಎಕರೆ ಜಮೀನಿನಲ್ಲಿ 4ಸಾವಿರ ಬದನೆ ಸಸಿಗಳನ್ನು ನಾಟಿ ಮಾಡಿದ್ದರು. ₹ 45 ಸಾವಿರ ಖರ್ಚು ಮಾಡಿದ್ದಾರೆ. ಆದರೀಗ ಫಲವೇ ಇಲ್ಲವಾಗಿದೆ.

ಕೊರಟಗೆರೆ: ತಾಲ್ಲೂಕಿನ ಗೌರಗಾನಹಳ್ಳಿಯಲ್ಲಿ  ಬೆಳೆದಿರುವ ಬದನೆ ಗಿಡಗಳು 90 ದಿನಳಾದರೂ ಹೂ, ಕಾಯಿ ಬಿಡದಿರುವುದು ರೈತರನ್ನು ಕಂಗಾಲಾಗಿಸಿದೆ. 
 
ಗ್ರಾಮದ ರೈತರಾದ ಮುದ್ದರಂಗಯ್ಯ, ದಯಾನಂದ ಅವರು ಪಟ್ಟಣದ ಊರ್ಡಿಗೆರೆ ಕ್ರಾಸ್‌ನಲ್ಲಿರುವ ನವ ಮಾರುತಿ ಹೈಟೆಕ್ ನರ್ಸರಿಯಿಂದ ಬದನೆ ಸಸಿಗಳನ್ನು ತಂದು ಬೆಳೆದಿದ್ದರು. ಆದರೆ ಮೂರು ತಿಂಗಳಾದರೂ ಹೂ ಬಿಟ್ಟಿಲ್ಲ. ಕಳಪೆ ಬದನೆ ಸಸಿ ನೀಡಿರುವುದು ಇದಕ್ಕೆ ಕಾರಣ ಎಂದು ರೈತರು ಆರೋಪಿಸಿದ್ದಾರೆ.
 
ಮುದ್ದರಂಗಯ್ಯ ಅವರು ಅರ್ಧ ಎಕರೆ ಜಮೀನಿನಲ್ಲಿ 2 ಸಾವಿರ ಬದನೆ ಗಿಡಗಳನ್ನು ನಾಟಿ ಮಾಡಿದ್ದರು. ರಸಗೊಬ್ಬರ, ಕೀಟನಾಶಕ ಔಷಧಿಗಳು ಸೇರಿದಂತೆ ಕೊಟ್ಟಿಗೆ ಗೊಬ್ಬರ ಹಾಕಿದ್ದರು. ಇದಕ್ಕಾಗಿ ₹30 ಸಾವಿರ ವೆಚ್ಚ ಮಾಡಿದ್ದಾರೆ. ಈಗ ಅವರಿಗೆ ಭವಿಷ್ಯವೇ ಕುಸಿದಂತಾಗಿದೆ. 
 
ದಯಾನಂದ ಅವರು ಒಂದು ಎಕರೆ ಜಮೀನಿನಲ್ಲಿ 4ಸಾವಿರ ಬದನೆ ಸಸಿಗಳನ್ನು ನಾಟಿ ಮಾಡಿದ್ದರು. ₹ 45 ಸಾವಿರ ಖರ್ಚು ಮಾಡಿದ್ದಾರೆ. ಆದರೀಗ ಫಲವೇ ಇಲ್ಲವಾಗಿದೆ.
 
 ‘ಬೆಂಗಳೂರು ಮೂಲದ ಸುವರ್ಣ ಸೀಡ್ಸ್ ಕಂಪೆನಿ ನಾಲ್ಕು ತಿಂಗಳ ಹಿಂದೆ ನಮ್ಮ ರಸಗೊಬ್ಬರದ ಅಂಗಡಿಗೆ ಬಂದು ಉತ್ತಮ ತಳಿ ಎಂದು ಹೇಳಿ ಬದನೆ ಬೀಜ ನೀಡಿದ್ದರು. ಈ ಬೀಜಗಳನ್ನೇ ನರ್ಸರಿಯಲ್ಲಿ ಸಸಿ ಮಾಡಿ  ರೈತರಿಗೆ ನೀಡಿದ್ದೇವೆ. ಈವರೆಗೆ 12,500 ಸಸಿಗಳನ್ನು ನೀಡಲಾಗಿದೆ.
 
ಬೆಳೆದಿರುವ ಯಾವ ರೈತರ ಗಿಡದಲ್ಲೂ ಹೂ ಬಿಟ್ಟಿಲ್ಲ.  ಕಂಪೆನಿಯವರ ಜತೆ ಮಾತನಾಡಿದ್ದೇನೆ. ಕಂಪೆನಿ ಪ್ರತಿನಿಧಿಗಳು ಭೇಟಿ ನೀಡಿ ಪರಿಶೀಲಿಸುತ್ತಾರೆ ಎಂದು ಹೇಳಿದ್ದಾರೆ’ ಎಂದು ನರ್ಸರಿಯ ಮಾಲೀಕ ತಿಮ್ಮಪ್ಪ  ಪ್ರತಿಕ್ರಿಯಿಸಿದರು.
****
ಕ್ರಮಕೈಗೊಳ್ಳುತ್ತೇವೆ
ನವ ಮಾರುತಿ ಹೈಟೆಕ್ ನರ್ಸರಿಯಿಂದ ಖರೀದಿಸಿದ ಸಸಿಗಳು ಕಳಪೆಯಿಂದ ಕೂಡಿವೆ ಎಂದು ರೈತರು ದೂರಿದ್ದಾರೆ.  ತೋಟಕ್ಕೆ ಭೇಟಿ ನೀಡಿ ಪರಿಶೀಲಿಸುತ್ತೇವೆ. ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳುತ್ತೇವೆ ಎಂದು ತೋಟಗಾರಿಕೆ ಇಲಾಖೆ ಸಹಾಯಕ ನಿರ್ದೇಶಕ ವಿಜಯಕುಮಾರ್ ಹೇಳಿದರು.
Comments
ಈ ವಿಭಾಗದಿಂದ ಇನ್ನಷ್ಟು
ಕಾಯಕಲ್ಪಕ್ಕೆ ಕಾದಿದೆ ಗೂಳೂರು ಕೆರೆ

ತುಮಕೂರು
ಕಾಯಕಲ್ಪಕ್ಕೆ ಕಾದಿದೆ ಗೂಳೂರು ಕೆರೆ

19 Sep, 2017

ಹೊಸಕೆರೆ
ಕೆರೆಗೆ ನೀರು ಹರಿಸಲು ವಿದ್ಯುತ್‌ ಕೊಡಿ

, ‘ದಿನದಲ್ಲಿ ಬೆಳಿಗ್ಗೆ 2 ಗಂಟೆ, ಸಂಜೆ 4 ಗಂಟೆ ವಿದ್ಯುತ್ ನೀಡುತ್ತೇವೆ’

19 Sep, 2017

ತುಮಕೂರು
ಈ ವಾರ್ಡ್‌ನಲ್ಲಿ ಸಮಸ್ಯೆಗಳದ್ದೇ ಕಾರುಬಾರು

‘ಸರಸ್ವತಿಪುರಂ ಎರಡನೇ ಹಂತದ ರಸ್ತೆಯು ತೀರಾ ಹದಗೆಟ್ಟಿದೆ. ರಸ್ತೆಯು ಇನ್ನೂ ಡಾಂಬರು ಕಂಡಿಲ್ಲ. ಮಣ್ಣಿನ ರಸ್ತೆಯಲ್ಲಿಯೂ ಹೊಂಡಗಳೇ ತುಂಬಿವೆ. ಮಳೆ ಬಂದರೆ ಈ ಹದಗೆಟ್ಟ...

19 Sep, 2017
ಎಲ್ಲೆಲ್ಲೂ ದೂಳಿನ ಮಜ್ಜನ

ತುಮಕೂರು
ಎಲ್ಲೆಲ್ಲೂ ದೂಳಿನ ಮಜ್ಜನ

18 Sep, 2017

ತುರುವೇಕೆರೆ
ಮಲ್ಲಾಘಟ್ಟಕೆರೆಗೆ ನೀರು ಹರಿಸಲು ಒತ್ತಾಯ

‘ತಾಲ್ಲೂಕಿನ ರೈತರು ತಮಗೆ ನೀರಿಲ್ಲದಂತೆ ಶಿರಾಕ್ಕೆ ನೀರು ಬಿಡುತ್ತಿರುವುದನ್ನು ನೋಡಿಕೊಂಡು ಸುಮ್ಮನೆ ಕೈಕಟ್ಟಿ ಕೂರುವಂತಾಗಿದೆ’

18 Sep, 2017