ಚಿಕ್ಕರಸಿನಕೆರೆ ಕಾಲಭೈರವೇಶ್ವರ ದೇಗುಲ ಉದ್ಘಾಟಿಸಿದ ನಿರ್ಮಲಾನಂದನಾಥ ಸ್ವಾಮೀಜಿ

ಆಂತರ್ಯ ಶುದ್ಧಿಯಿಂದ ಉತ್ತಮ ಜ್ಞಾನ

ಮನಸ್ಸಿನ ಶುದ್ಧಿಯಿಂದ ಮಾತ್ರ ಮಾನವ ಶ್ರೇಷ್ಠನಾಗುತ್ತಾನೆಯೇ ಹೊರತು ದೇಹದ ಶುದ್ಧಿಯಿಂದಲ್ಲ. ಆತನ ಕೆಲಸದಿಂದಂತೂ ಅಲ್ಲವೇ ಅಲ್ಲ. ಕೈ ಕೆಸರಾದರೂ ಮನುಷ್ಯನ ಮನಸು ಕೆಸರಾಗಬಾರದು.

ಭಾರತೀನಗರ:  ಆಂತರ್ಯ ಶುದ್ಧಿ ಯಿಂದ ಮಾತ್ರ ಉತ್ತಮ ಜ್ಞಾನ ಲಭಿಸುತ್ತದೆ ಎಂದು ಆದಿಚುಂಚನಗಿರಿ ಪೀಠಾಧಿಪತಿ ನಿರ್ಮಲಾನಂದನಾಥ ಸ್ವಾಮೀಜಿ ಹೇಳಿದರು.
 
ಸಮೀಪದ ಚಿಕ್ಕರಸಿನಕೆರೆ ಗ್ರಾಮದಲ್ಲಿ ನಿರ್ಮಾಣಗೊಂಡಿರುವ ಕಾಲಭೈರವೇಶ್ವರ ದೇವಾಲಯ ಉದ್ಘಾಟಿಸಿ ಅವರು ಮಾತನಾಡಿದರು.
 
ಮನಸ್ಸಿನ ಶುದ್ಧಿಯಿಂದ ಮಾತ್ರ ಮಾನವ ಶ್ರೇಷ್ಠನಾಗುತ್ತಾನೆಯೇ ಹೊರತು ದೇಹದ ಶುದ್ಧಿಯಿಂದಲ್ಲ. ಆತನ ಕೆಲಸದಿಂದಂತೂ ಅಲ್ಲವೇ ಅಲ್ಲ. ಕೈ ಕೆಸರಾದರೂ ಮನುಷ್ಯನ ಮನಸು ಕೆಸರಾಗಬಾರದು. ಆದ್ದರಿಂದ ಮನಸ್ಸಿನ ಶುದ್ಧಿಯಿಂದ ಮಾತ್ರ ಮಾನವನಿಗೆ ಶ್ರೇಷ್ಠ ಜ್ಞಾನ ಲಭಿಸುತ್ತದೆ ಎಂದರು.
 
ಕಾಲಭೈರವೇಶ್ವರ ಚಾರಿಟಬಲ್ ಟ್ರಸ್ಟ್ ಅಧ್ಯಕ್ಷ ಜೋಗೀಗೌಡ ಮಾತನಾಡಿ, ಚಿಕ್ಕರಸಿನಕೆರೆ ಗ್ರಾಮದ ಕಾಲಭೈರ ವೇಶ್ವರನಿಗೆ ಪುರಾತನ ಇತಿಹಾಸವಿದೆ. ದೇವಾಲಯದ ಬೆಳವಣಿಗೆಯಲ್ಲಿ ಪ್ರತಿ ಹೆಜ್ಜೆಗೂ ಚುಂಚನಗಿರಿ ಸ್ವಾಮೀಜಿ ಸಲಹೆ ಸಹಕಾರವಿದೆ. ಮುಂದೆಯೂ ಶ್ರೀಗಳು ಕ್ಷೇತ್ರವನ್ನು ತಮ್ಮ ಸುಪರ್ದಿಗೆ ವಹಿಸಿಕೊಂಡು ಮುನ್ನಡೆಸಬೇಕು ಎಂದು ಮನವಿ ಮಾಡಿದರು.
 
ಪೂಜಾಕುಣಿತ, ಕಂಸಾಳೆ, ಡೊಳ್ಳು ಕುಣಿತ, ವೀರಗಾಸೆ, ಪೂರ್ಣಕುಂಭ ತಂಡಗಳು  ಮೆರವಣಿಗೆಯಲ್ಲಿ ಭಾಗವಹಿಸಿದ್ದವು.
 
ಪುರುಷೋತ್ತಮನಂದಾನಾಥ ಸ್ವಾಮೀಜಿ, ಅನ್ನದಾನೇಶ್ವರನಾಥ ಸ್ವಾಮೀಜಿ, ಮಾಜಿ ಸಂಸದ ಜಿ.ಮಾದೇಗೌಡ, ವಿಧಾನಪರಿಷತ್ ಮಾಜಿ ಸದಸ್ಯ ಬಿ.ರಾಮಕೃಷ್ಣ, ಮಾಜಿ ಶಾಸಕಿ ಮಲ್ಲಾಜಮ್ಮ, ಮನ್‌ಮುಲ್ ಅಧ್ಯಕ್ಷ ಕದಲೂರು ರಾಮಕೃಷ್ಣ, ಜಿ.ಪಂ ಮಾಜಿ ಸದಸ್ಯ ಚಂದೂಪುರ ಪಾಪಣ್ಣ, ಜಿ.ಪಂ ಸದಸ್ಯೆ ಸುಜಾತಾ, ಸಿ.ಕೆ.ಶಿವಣ್ಣ, ಕಾರ್ಯದರ್ಶಿ ಶಿವಲಿಂಗೇಗೌಡ, ಜೈಭೀಮ್ ದಲಿತ ಜಾಗೃತಿ ಸಮಿತಿ ಅಧ್ಯಕ್ಷ ಸಿ.ಶಿವಲಿಂಗಯ್ಯ, ಪ್ರೊ. ಎಚ್.ಬಿಳಿಗೌಡ, ಪ್ರೊ.ಬಿ.ಎಸ್. ಬೋರೇಗೌಡ ಪಾಲ್ಗೊಂಡಿದ್ದರು.
 
Comments
ಈ ವಿಭಾಗದಿಂದ ಇನ್ನಷ್ಟು
ಕಳೆಗುಂದಿದ ಮದ್ದೂರಮ್ಮ ದನಗಳ ಜಾತ್ರೆ

ಮದ್ದೂರು
ಕಳೆಗುಂದಿದ ಮದ್ದೂರಮ್ಮ ದನಗಳ ಜಾತ್ರೆ

25 Apr, 2018

ಪಾಂಡವಪುರ
ಅಭ್ಯರ್ಥಿಯನ್ನು ತಡೆದ ಬಿಜೆಪಿ ಕಾರ್ಯಕರ್ತರು

ಮೇಲುಕೋಟೆ ವಿಧಾನ ಸಭಾ ಕ್ಷೇತ್ರದಿಂದ ಚುನಾವಣೆಗೆ ಸ್ಪರ್ಧಿಸಲು ಬಿಜೆಪಿಯಿಂದ ‘ಬಿ’ ಫಾರಂ ಪಡೆದಿದ್ದ ಸುಂಡಹಳ್ಳಿ ಸೋಮಶೇಖರ್ ಅವರ ಮೇಲೆ ಬಿಜೆಪಿ ಕಾರ್ಯಕರ್ತರು ಹಲ್ಲೆ ನಡೆಸಲು...

25 Apr, 2018

ಮಂಡ್ಯ
ಅಂಬರೀಷ್‌ ನಿರ್ಗಮನ: ಯುವ ನಾಯಕನಿಗೆ ಅವಕಾಶ

ಅಂಬರೀಷ್‌ ಮಂಡ್ಯ ಕ್ಷೇತ್ರದಿಂದ ಸ್ಪರ್ಧಿಸಲು ನಿರಾಕರಿಸಿ ಚುನಾವಣಾ ನಿವೃತ್ತಿ ಘೋಷಿಸಿದ ಕಾರಣ ಕಾಂಗ್ರೆಸ್‌ನಲ್ಲಿ ಅಭ್ಯರ್ಥಿಯಾಗಿ ಕಣಕ್ಕಿಳಿಯುವ ಅವಕಾಶ ಯುವ ನಾಯಕ ಗಣಿಗ ಪಿ ರವಿಕುಮಾರ್‌ಗೌಡ...

25 Apr, 2018
ಯಶಸ್ಸಿನ ಉತ್ತುಂಗ ಕಂಡ ‘ಮಂಡ್ಯದ ಗಂಡು’

ಮಂಡ್ಯ
ಯಶಸ್ಸಿನ ಉತ್ತುಂಗ ಕಂಡ ‘ಮಂಡ್ಯದ ಗಂಡು’

25 Apr, 2018

ಮಂಡ್ಯ
‘ಸಿ’ ಫಾರಂ ಗೊಂದಲ: ಯಾರು ಕೆ.ಆರ್‌.ಪೇಟೆ ಜೆಡಿಎಸ್‌ ಅಭ್ಯರ್ಥಿ?

ಕೆ.ಆರ್‌.ಪೇಟೆ ವಿಧಾನಸಭಾ ಕ್ಷೇತ್ರದಲ್ಲಿ ಜೆಡಿಎಸ್‌ ವರಿಷ್ಠರು ಕೆ.ಸಿ.ನಾರಾಯಣಗೌಡ ಹಾಗೂ ಬಿ.ಎಲ್‌.ದೇವರಾಜು ಇಬ್ಬರಿಗೂ ‘ಸಿ’ ಫಾರಂ ನೀಡಿದ್ದು, ಪಕ್ಷದ ಅಧಿಕೃತ ಅಭ್ಯರ್ಥಿ ಯಾರು ಎಂಬ ಗೊಂದಲ...

25 Apr, 2018