ಚಾರ್‍ಕೋಲ್ ಕೆಫೆ

ಹುಕ್ಕಾ ದಾಳಿ: ನಟ ಬಂಧನ

ಚಂದ್ರಾಲೇಔಟ್ ಠಾಣಾ ವ್ಯಾಪ್ತಿಯ ಹುಕ್ಕಾ ಬಾರ್‌ವೊಂದರ ಮೇಲೆ ಸಿಸಿಬಿ ಪೊಲೀಸರು ದಾಳಿ ನಡೆಸಿದ್ದು, ನಟ ಸೇರಿ ಏಳು ಮಂದಿಯನ್ನು ಬಂಧಿಸಿದ್ದಾರೆ.

ಹುಕ್ಕಾ ದಾಳಿ: ನಟ ಬಂಧನ

ಬೆಂಗಳೂರು: ಚಂದ್ರಾಲೇಔಟ್ ಠಾಣಾ ವ್ಯಾಪ್ತಿಯ ಹುಕ್ಕಾ ಬಾರ್‌ವೊಂದರ ಮೇಲೆ ಸಿಸಿಬಿ ಪೊಲೀಸರು ದಾಳಿ ನಡೆಸಿದ್ದು, ನಟ ಸೇರಿ ಏಳು ಮಂದಿಯನ್ನು ಬಂಧಿಸಿದ್ದಾರೆ.

ನಟ ಅರುಣ್‌ಗೌಡ, ಸಂಗಪ್ಪ ಹಾದಿಮನಿ, ಮಂಜುನಾಥ್, ಮಹೇಶ್ ಬಾಬು, ನಾಗಪ್ಪ, ಮನೀಶ್ ವೀರೇಶ್ ಶೆಟ್ಟಿ ಮತ್ತು ವೀನಿಶಿತ್ ಬಂಧಿತರು. ಈ ಸಂಬಂಧ ಚಂದ್ರಾಲೇಔಟ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅರುಣ್‌ ಗೌಡ ಹುಕ್ಕಾ ಬಾರ್‌ನ ಮಾಲೀಕರಾಗಿದ್ದು, ಇವರು ‘ಚಾರ್‍ಕೋಲ್ ಕೆಫೆ’ ಎಂಬ ಹೆಸರಿನಲ್ಲಿ ಬಾರ್ ನಡೆಸುತ್ತಿದ್ದರು. ಇದೇ ಕೆಫೆಯಲ್ಲಿ ಹುಕ್ಕಾ ಸೇದಲು ಅವಕಾಶ ಮಾಡಿಕೊಟ್ಟಿದ್ದರು ಎಂದು ಸಿಸಿಬಿ ಪೊಲೀಸರು ತಿಳಿಸಿದರು.

ಬಂಧಿತರು, ಕಾಲೇಜು ವಿದ್ಯಾರ್ಥಿಗಳಿಗೆ ಮತ್ತು ಅಪ್ರಾಪ್ತರಿಗೆ ಹುಕ್ಕಾ ಸೇದುವಂತೆ ಪ್ರೋತ್ಸಾಹಿಸುತ್ತಿದ್ದರು. ಈ ಬಗ್ಗೆ ಮಾಹಿತಿ ಪಡೆದು ದಾಳಿ ನಡೆಸ
ಲಾಗಿದೆ. ಠಾಣಾ ಜಾಮೀನು ಪಡೆದು ಆರೋಪಿಗಳನ್ನು ಬಿಡುಗಡೆ ಮಾಡಲಾಗಿದೆ ಎಂದು ತಿಳಿಸಿದರು.

ಹುಕ್ಕಾ ಮಾರಾಟಕ್ಕೆ ಸುಪ್ರೀಂಕೋರ್ಟ್ ಕೆಲ ನಿಯಮಗಳನ್ನು ರೂಪಿಸಿದೆ. ಆದರೆ, ಅರುಣ್ ಅವರು ಈ ನಿಯಮಗಳನ್ನು ಉಲ್ಲಂಘಿಸಿದ್ದರು ಎಂದರು.

ನಟ ಅರುಣ್ ಗೌಡ ಅವರು ‘ಮುದ್ದು ಮನಸೇ’, ‘ನಾನು ನಮ್ ಹುಡ್ಗಿ’ ಸಿನಿಮಾಗಳಲ್ಲಿ ನಾಯಕನಾಗಿ ನಟಿಸಿದ್ದರು.
ಖಾಸಗಿ ವಾಹಿನಿಯ ರಿಯಾಲಿಟಿ ಷೋವೊಂದರಲ್ಲೂ ಅವರು ಸ್ಪರ್ಧಿಸಿದ್ದರು.

**

ಮಹಿಳೆಯ ಮುಖಕ್ಕೆ ಫೆವಿಕ್ವಿಕ್!
ಬಸವನಗುಡಿಯ ರಾಮಮಂದಿರದ ಬಳಿ ಮಂಗಳವಾರ ಬೆಳಿಗ್ಗೆ ಕ್ಷುಲ್ಲಕ ವಿಚಾರಕ್ಕೆ ಜಗಳವಾಗಿ ಇಬ್ಬರು ಮಹಿಳೆಯರು ಸರಸ್ವತಿ (45) ಎಂಬುವರ ಮುಖದ ಮೇಲೆ ಫೆವಿಕ್ವಿಕ್ ಗಮ್ ಸುರಿದು ಪರಾರಿಯಾಗಿದ್ದಾರೆ.

ಸರಸ್ವತಿ ಅವರ ಮುಖದ ಚರ್ಮ ಸುಟ್ಟು ಹೋಗಿದ್ದು, ಸಮೀಪದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಪರಾರಿಯಾಗಿರುವ ಮಹಿಳೆಯರಿಗಾಗಿ ಶೋಧ ನಡೆಯುತ್ತಿದೆ ಎಂದು ಬಸವನಗುಡಿ ಪೊಲೀಸರು ಹೇಳಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು

ಬೆಂಗಳೂರು
ರೈತರ ನಿರ್ಲಕ್ಷ್ಯ, ಹಿಂದೂಗಳ ಹತ್ಯೆ ವಿರುದ್ಧ ಆಂದೋಲನ

ಕೃಷಿ ಕ್ಷೇತ್ರದ ನಿರ್ಲಕ್ಷ್ಯ ಮತ್ತು ಹಿಂದೂ ಕಾರ್ಯಕರ್ತರ ಹತ್ಯೆ ವಿರುದ್ಧದ ಆಂದೋಲನ ತೀವ್ರಗೊಳಿಸುವುದಾಗಿ ಬಿಜೆಪಿ ರಾಜ್ಯ ಉಸ್ತುವಾರಿ ಮುರುಳೀಧರರಾವ್ ತಿಳಿಸಿದರು.

19 Jan, 2018
ಕಳಪೆ ಹೆಲ್ಮೆಟ್‌ ಮಾರದಂತೆ ಎಚ್ಚರಿಕೆ

ಬೆಂಗಳೂರು
ಕಳಪೆ ಹೆಲ್ಮೆಟ್‌ ಮಾರದಂತೆ ಎಚ್ಚರಿಕೆ

19 Jan, 2018

ಬೆಂಗಳೂರು
ಸದಾಶಿವ ಆಯೋಗದ ವರದಿ ಯಥಾವತ್‌ ಜಾರಿಗೆ ಒತ್ತಾಯ

ನ್ಯಾಯಮೂರ್ತಿ ಸದಾಶಿವ ಆಯೋಗದ ವರದಿಯನ್ನು ಯಥಾವತ್ತಾಗಿ ಜಾರಿಗೊಳಿಸಬೇಕು ಎಂದು ಕರ್ನಾಟಕ ಮಾದಿಗರ ಸಂಘಟನೆಗಳ ಸ್ವಾಭಿಮಾನದ ಒಕ್ಕೂಟ ಒತ್ತಾಯಿಸಿದೆ.

19 Jan, 2018
‘ಕನ್ನ ಭಾಗ್ಯವೆಂಬ ಅಪಪ್ರಚಾರಕ್ಕೆ ಪ್ರಶಸ್ತಿಯೇ ಉತ್ತರ’

ತಿರುಗೇಟು
‘ಕನ್ನ ಭಾಗ್ಯವೆಂಬ ಅಪಪ್ರಚಾರಕ್ಕೆ ಪ್ರಶಸ್ತಿಯೇ ಉತ್ತರ’

19 Jan, 2018
ದೆಹಲಿಯ ತಂಡದಿಂದ ‘ನಾಯಕತ್ವ’ ಪಾಠ

ಯುವ ದೃಷ್ಟಿ–2018
ದೆಹಲಿಯ ತಂಡದಿಂದ ‘ನಾಯಕತ್ವ’ ಪಾಠ

19 Jan, 2018